FB Instagram Twitter Youtube Linkedin نيرمال سيذيا ملك الشاي بالصدفة | أكاديمية اعمل بيزنس
 
الرجوع الى المدونة

نيرمال سيذيا ملك الشاي بالصدفة

نيرمال سيذيا ملك الشاي بالصدفة

"الشاي كالسيدة الجميلة التي لا تستطيع أن تلتفت بعينيك عنها"، دي كانت مقولة لرجل الأعمال البريطاني من أصل هندي "نيرمال سيذيا" اللي كان سبب نجاحة موهبة مكانش عارفها ؛ والصدفة كانت كفيلة بقلب حياتة.

"نيرمال سيذيا" كان شاب متمرد كاره للدراسة ودا اللي خلاه يبلغ والده انه هيسيب المدرسة لأنها بتحسسه بالملل ومش هيستفيد منها حاجة ؛ وكان يومة كل بيدور حوالين انه يقابل اصحابه يخرجوا ويدخنوا السجاير ؛ وقتها والده منع عنه المصروف بسبب تصرفاته، وفي يوم لما كان واقف مع اصحابة بالصدفة قصاد شركة لتصنيع الشاي قابل صدفة واحد كان اتعرف عليه ؛ الشخص دا قالة ان الشركة طالبه ناس تشتغل ؛ وافق "نيرمال" بهدف ان يكون معاه فلوس تعوض انقطاع المصروف.

"نيرمال" اثناء الشغل لقى عنده موهبة تذوق الشاي وبيعرف يفرق بين الأنواع وكل نوع من اي بلد ودا اللي اهله ان يكون من ضمن الذواقه في الشركة، بعد مرور فترة وصل "نيرمال سيذيا" ان يكون المسؤول عن مزادات شراء الشاي من المزارع في مدينة "كولكاتا" الهندية.

والد "نيرمال" شجعه على انه يفتح مشروعه الخاص ودخل معاه شريك في شركة اسمها "سيذيا تي استيتس" اللي استغل "نيرمال" خبرته في شراء الشاي علشان يبيعه في المملكة المتحدة وأيرلندا، ومع نجاح الشركة اخد "نيرمال" قرار انه يشتري مزرعة شاي في ولاية اسام شمال شرق الهند علشان يكون متحكم في جودة الشاي وسعره ؛ لكن الخطوة دي كان فيها نسبة خطوره لأنه اشتراها بجزء كبير من راس مال الشركة ؛ وقال عن الخطوه دي "لم أكن أمتلك شيئًا من المال، واعتدت على النوم في شرفة أحد المباني في حديقة الشاي أحتسي الشاي وأفكر في المميزات التفصيلية لكل نوع من الشاي التي تجعله متميزًا في الطعم عن الأنواع الأخرى وكيف أكون مميز عن المنافسين".

بعد فترة قابل "نيرمال" ابن اخوه اللي طلب مساعدته انه يفتح شركة لتصدير واستيراد الشاي ؛ ووافق "نيرمال" انه يساعده ودخل معاه شريك في شركة اسسوها باسم "Newby Teas" اللي حصلها خسائر في سنواتها الأولى لكن بسبب خبرة "نيرمال سيذيا" في إدارة المشاريع قدر انه يتولى ادارتها ويوقف خسائر الشركة وكمان يحقق مكاسب.

"نيرمال" مكتفاش بس بالشركة والمصنع ومزارع الشاي، دا دخل شريك مع عائلة والدة اللي عندهم مصنع لتصنيع الخيش اللي بيستخدم في الأشولة والسلبات وغيرها واستغل الأشولة لتعبئة منتجات شركتة بدل ما كان بيشتريها، دلوقتي شركة "Newby Teas" بلغت عائداتها 15 مليون دولار في السنة وبقى ليها سوق كبير في روسيا.

لو عاوزين نلخص القصة نقدر نقول ان "نيرمال" لما اكتشف موهبته مأهدرهاش لكن نماها واشتغل عليها واستغلها انها تكون مصدر دخله وكمان لما قرر يكون ليه مشروعه الخاص اتعلم ازاي يديره وازاي يطورة وتوسع فيه ويوفر مصادر متنوعة تخدم المشروع زي مصنع الخيش.

لو عندك طموح ان يكون ليك مشروعك الخاص انضم لينا في أكاديمية اعمل بيزنس علشان تتعلم ازاي تخطط للمشروع وتعمله دراساته ولما تفتحه تتعلم ازاي تديرة وازاي تسوقله وازاي بعد كده تشتغل على تطويره علشان تتوسع.

شارك المقال :