FB Instagram Twitter Youtube Linkedin
920033973
16342
  • المدونة
  • إعمل بيزنس ع السوشيال ميديا
  • 10 مجالات واعدة للعمل من المنزل
article

10 مجالات واعدة للعمل من المنزل

October 20, 2019    

 ما هى افضل وظائف للعمل من المنزل
واحدة من المميزات العظيمة للإنترنت هي إنها أتاحت لناس كتير مش عارفين يلاقوا شغل فرص عمل من البيت وتعتمد على مهاراتهم والحاجات اللي بيحبوها وبيجيدوها في مقابل الحصول على دخل جيد، وده ساهم في ازدهار فكرة العمل المستقل في السنوات الأخيرة لدرجة إن بقى ليها سوق يحكمه العرض والطلب.

وبدأنا نلاحظ إن في مهارات بيقل الطلب عليها مع مرور الوقت، وفي مهارات ثانيه بتتغير وبتتطور، لكن كمان في مهارات ومجالات قدرت تكون موجودة على مدار السنوات الماضية ومن المتوقع لها إنها تكمل ويرتفع الطلب عليها في الأعوام الجاية و للسبب ده قررنا نتكلم عن المجالات دي النهارده علشان لو بتمتلك المهارات المطلوبة فيها تبدأ تخطط لدخول عالم العمل المستقل وأنت مش قلقان، والمجالات دي هي:

1- التصميم: في السنوات الأخيرة حصل ازدهار كبير في مجال التصميم بمختلف فروعه (تصميم المواقع، والشعارات، والكتيبات) ومن المتوقع أن الطلب هيواصل ارتفاعه عليه علشان كده بننصح ناس كتير إنها تبدأ تدخل المجال ده وتجيد استخدام برامج Photoshop، و Illustrator، و InDesign، وكمان تسعى إنها تقرأ وتتخصص في فروع المجال الجديدة زي مثلًا: التصميم ثلاثي الأبعاد.

2- البرمجة: من المجالات اللي ممكن متقلقش من نقص فرص العمل المستقل فيها لأنه مع ظهور لغات برمجة جديدة بقت الشركات محتاجة بقوة لعاملين مستقلين بيتقنوها، ومن اللغات اللي بتحتاج فيها المؤسسات كتير من العاملين المستقلين لغات: (MySQL، PHP، R، Swift).

3- تطوير التطبيقات: معظم المنتجات مؤخرًا بقى عندها تطبيقات خاصة بيها ده غير كمان التطبيقات الخدمية المهمة اللي بتظهر كل يوم، فلو عندك دراية كافية بأنظمة تشغيل الموبايلات ممكن تبدأ تاخد كورسات تؤهلك للبدء في مجال تطوير التطبيقات مع الاستمرار في الاطلاع على أحدث ما تم التوصل له في المجال.

4- التسويق الإلكتروني: في شركات كثيرة بقت بتستعين بمستقلين متخصصين في مجال التسويق الإلكتروني علشان يصيغوا استراتيجيات لمجموعة من العملاء أو يعملوا حملات تسويق للمؤسسة من خلال البريد الإلكتروني أو مواقع التواصل الاجتماعي وده بيساعدها على تقليل التكاليف وفي نفس الوقت بيحسن من فاعلية جهودها التسويقية ودي حاجة بتخلي المجال ده من أكتر المجالات المطلوبة في السوق في الفترة الجاية.

5- إنشاء المحتوى: ساهم ازدهار التسويق الإلكتروني في رفع الطلب على صناع المحتوى لأن مختلف المؤسسات بقت محتاجة تقدم لجمهورها بشكل دائم معلومات وتقارير على موقعها الإلكتروني وصفحاتها على مواقع التواصل الاجتماعي، ودي حاجة تقدر تعملها لو كنت بتحب القراءة وبتمتلك عقلية مبدعة واهتميت بتدريب نفسك كويس على الكتابة. 

6- التدريب: الانفتاح اللي إحنا بنعيش فيه خلق عند الناس حماسة لتعلم مهارات كتيرة وجديدة وبقى من السهل جدًا إن أي واحد عنده مهارة متميز فيها يبدأ يدرب الآخرين على إنهم يعملوها وينجحوا فيها كمان، مش بس كده أنت كمان لو قدرت ترصد عدد من المشكلات وتوجد حلول ليها وتعلمها لغيرك هتحقق نجاح كبير مكنتش تتوقعه.

7- الترجمة: يوم بعد يوم بيزيد الطلب على المترجمين المستقلين بشكل عام وعلى اللي بيجيدوا الترجمة للغات الصينية أو الإسبانية أو العربية بشكل خاص، وكمان على المترجمين المتخصصين في المجالات التجارية، والطبية، والقانونية فلو عايز تبدأ تشتغل في الترجمة كمستقل حاول تتخصص في واحدة من المجالات أو اللغات دي.

8- تصميم الفيديو: ساعدت مواقع التواصل الاجتماعي لاسيما يوتيوب، وفيسبوك، وإنستجرام في رواج سوق إنتاج الفيديوهات في السنين القليلة اللي فاتت، فلو أنت مهتم بالمجال ده وبتعرف تجمع مقاطع فيديو وتقدم محتوى جيد ممكن تطور مهاراتك وتاخد كورسات أونلاين وتخطط لدخول المجال ده. 

9- التعليق الصوتي: تعتبر فرص العمل المتاحة في المجال ده كثيرة بسبب ارتفاع الطلب على الألعاب الإلكترونية، والكتب الصوتية، والتعليم الإلكتروني واللي بتحتاج معلقين صوتيين، فلو أنت بتمتلك صوت جميل تقدر تشتري ميكرفون وتعمل استديو صغير خاص بيك في المنزل وتبدأ تسجل لنفسك نماذج وتحطها على المواقع المتخصصة في ده زي (مواقع Soundeals، و VoiceBunny).

10- التصوير: لو أنت بتحب التصوير وعندك معدات جيدة ومخزون كويس من الصور المبدعة تقدر تبيع صورك على مواقع متخصصة في بيع وشراء الصور زي (مواقع Alamy، و Shutterstock، و iStock Photo) وده هيتيح لك دخل جيد وممارسة نشاط قريب إلى قلبك.


مقالات مشابهة

المزيد
أفضل 6 أفلام لرواد الاعمال 2
أفضل 6 أفلام لرواد الاعمال 2

اتكلمنا في بوست سابق عن أفلام ملهمة لرواد الأعمال،

ابعد عن الكومفورت زون .. وغنيله
ابعد عن الكومفورت زون .. وغنيله

الكومفورت زون في البيزنس زيها زي الأشخاص.. تستسلم

6 أخطاء قائلة في التحفيز
6 أخطاء قائلة في التحفيز

التحفيز من أهم المهارات اللي لازم تكون موجودة عند أي

فك البلوك بـ
فك البلوك بـ"العصف الذهني"!

    البلوك مش موجود بس على السوشيال ميديا، ساعات

الأكثر قراءة

المزيد
مراحل ترقي الـ HR: من HR Coordinator ل HR Director
مراحل ترقي الـ HR: من HR Coordinator ل HR Director

تعتبر وظيفة الـ HR واحدة من الوظائف المطلوبة بقوة في

أفضل 6 أفلام عن البيزنس لرواد الاعمال
أفضل 6 أفلام عن البيزنس لرواد الاعمال

يمكن الهدف الأساسي اللي بيخلينا نشوف فيلم أو مسلسل هو

شركات تنافس اوبر وكريم
شركات تنافس اوبر وكريم

بتعتبر شركة اوبر وكريم من الشركات الناجحة فى السوق

"ماكدونالدز" و"برجر كينج".. الصراع على عرش البرجر

في مايو اللي فات، قدمت سلسلة مطاعم "برجر كينج" 5 وجبات

ليه كورسات أكاديمية إعمل بيزنس أون لاين ؟
ليه كورسات أكاديمية إعمل بيزنس أون لاين ؟

    لاحظنا تزايد أسئلة الأعضاء بخصوص إن ليه

بطريقة سهلة ... ازاي تكتب إميل احترافي 
بطريقة سهلة ... ازاي تكتب إميل احترافي 

    كتابة إميل بشكل احترافي بتعتبر من الأساسيات

تطبيقات مهمة للبزنس
تطبيقات مهمة للبزنس

تطبيقات مهمة للبزنس.. على موبايل أي رائد أعمالمن

اسباب فشل الشركات الناشئة
اسباب فشل الشركات الناشئة

عالم ريادة الأعمال عالم كبير شبيه بالمدرسة أو الجامعة

كل شيء بيتغير.. في البيزنس حتى
كل شيء بيتغير.. في البيزنس حتى "التوحيد والنور"

"مفيش حاجة بتفضل على حالها في البيزنس" دي أول جملة