FB Instagram Twitter Youtube Linkedin 5 خطوات أساسية لإدارة المشروعات. | أكاديمية اعمل بيزنس
 
الرجوع الى المدونة

5 خطوات أساسية لإدارة المشروعات.

5 خطوات أساسية لإدارة المشروعات.

 

ناس كتير بتكون عندها مشروعات قائمة ولكنها بتفشل في إدارتها ومابيكونوش عارفين يعملوا إيه وبالتالي مشروعهم بيفشل وعلشان كده قررنا ان البوست المرة دي يكون عن ازاي تدير مشروعك.
قبل مانتكلم عن إزاي تدير مشروع خلينا نعرف الأول يعني إيه إدارة المشروعات من الأساس؟
معهد إدارة المشروعات بيعرف إدارة المشروع بأنه "تطبيق المعرفة والمهارات والأدوات والتقنيات من أجل تلبية متطلبات مشروع معين".
ادارة المشروعات بتمر بـ 5 مراحل أساسية وهي:
1- بداية المشروع.
أول مرحلة في إدارة المشروع هي البداية وهنا لازم يكون عندك خطة للمشروع بتشمل الخطوات أو المهام اللى لازم تنفذها فى البداية ولازم توضح لفريق العمل اللى هيتعاون معاك أولولية تنفيذ الخطوات دى و خلال المرحلة الأولى بيتم تحديد بعض التفاصيل المهمة زي: 
- الميزانية
- الإحتياجات والموارد اللازمة لبداية المشروع
- تحديد الجدول الزمني للمشروع.

 

2- تخطيط المشروع
تاني مرحلة بتكون مرحلة التخطيط المشروع، في المرحلة دي بنقوم بتوزيع مهام المشروع على فريق العمل وابلاغهم بالمسؤوليات وبالتالي لازم فريق العمل يكون عنده المعلومات الكاملة والكافية الخاصة بالمشروع. 
3- إنطلاق المشروع
بعد مابيكون خلاص الفريق عنده كل المعلومات الخاصة بالمشروع وعرف كل مسئولياته هنا بنوصلة لمرحلة
" إنطلاق المشروع " على أرض الواقع، في المرحلة دي حاول إنك تحدد أساليب وأسس للحفاظ على سير العمل والتأكد من تنفيذ المهام بأعلى كفاءة ومن الضروري جداً أن يكون عندك خطة للتعامل مع المشاكل أو المخاطر إللي ممكن تحصل بعد انطلاق المشروع. 
4- تقييم أداء المشروع
في المرحلة دي إنت بتحكم على المشروع من خلال عمل إحصائيات، الاخصائيات دى بيكون غرضها إنك تعرف هل انت حققت الأهداف إللي عايز توصلها ولا لأ ؟ هل بيتم تنفيذ المهام؟ هل في مشاكل واجهت المشروع؟
5- تقييم المشروع
في المرحلة دي إنت بتقيم مشروعك، هل مشروعك نجح ؟ طب ولو نجح إيه هي العوامل إللي أدت لنجاحه، ولو فشل إيه السبب ؟! وبتبدأ تحدد الأساليب والحلول اللي هتتبعها فى المراحل اللى جاية.