أهمية جذب العميل
كأصحاب بيزنس ومسوّقين بنبقى دايما فاكرين إن الأفكار والخطوات اللي بناخدها عشان نجذب العملاء لينا ونخليهم يشتروا مننا، بتبقى دايما خطوات فعّالة ومفيدة للبيزنس بتاعنا، بس ساعات خطواتنا دي بتخسرنا عملاء، و بتخلينا نصرف أكتر عشان نرجع العملاء دول تاني.
ازاي تنجح في جذب العميل
لو بصينا على مجموعة من أقوى البراندات العالمية زي آبل وستاربكس وايكيا، هنلاقي إن السبب الرئيسي في نجاحهم لجذب العميل هو رضا العملاء، وحرصهم على ده خلاهم يحصلوا على ولاء قوي جدا من عملائهم، قوي لدرجة إن حماس عملائهم وولائهم للبراند بينتقل منهم لاصحابهم وزميلهم، اللي بدورهم لما بيجربوا البراند بيخلصوا ليه ويكلموا أصحابهم عليها وهكذا.
واللي يخليك حريص علي جذب العملاء للبيزنس بتاعك إنك تعمل زي البراندات العالمية ديه إن فيه دراسة حديثة أثبتت أن 90% من العملاء لما بيمروا بتجربة مزعجة وسخيفة مع براند ما، بيتحولوا فورا للتعامل مع البراند المنافس.
لكن لو الشركات الكبيرة عندها القدرة المادية إنها تتعامل مع خسارة العملاء، فده صعب جدا على الشركات الصغيرة والمتوسطة، عشان كدة في بوست النهاردة هنتكلم عن طريقة تتبعها الشركات ديه تقدر بيها إنها تجذب العملاء اللي هما عايزينها وعايزين يتعاملوا معاها، طريقة تخلي العملاء هما إلي يجروا ورا شركتك، مش إنت إلي تسعى وراهم.

الخطوات أو الآليات اللي هنقولها هتخليك كصاحب شركة تقدر تجذب العملاء معاك ومع منتجك عملية مربحة للطرفين:

6 نصائح لجذب العميل:

1- اعمل أبحاث كويس: دور على عملائك وادرس كويس كل حاجة تخصهم، افهم رغباتهم وتفضيلاتهم، ثقافتهم وتوقعاتهم، عشان توصل للحاجة اللي هتجذب العميل للمنتج بتاعك.

2- أهتم بالعميل: عشان تجذب العميل لازم تبيّن للعميل إنك عارفه ومهتم بأهدافه، ساعده وارسمله خريطة طريق تساعده على النجاح في الجانب الخاص من نشاطه التجاري اللي إنت عايز تشاركه فيه، لازم تظهر تعاطفك مع احتياجاته، وإلا هيسيبك ويروح للمنافس.

3- ناقش التكتيكات: ساعد العميل إنه يفهم إزاي هتساعده في تحقيق أهدافه، بس في المراسلات بينك وبين العميل استخدم لغة العمل يعني لغة رسمية، عشان تخلق جو من ثقة العميل فيك تقدر من خلالها تجذب العميل للشغل معاك، ويبقى ضامن إنك عارف وفاهم كويس في شغلك.

4- حدد قواعد المشاركة: حط قواعد لمدى المرونة صعودا وهبوطا لما يكون الموضوع متعلق بعقد الاتفاقيات مع عملائك، لكن ما تبالغش في التنازل، ولا تقلل من قيمة اللي انت بتقدمه للعميل.

5- اتعرف كويس جدا على أنواع المشترين في السوق بتاعك، لأن كل نوع ليه أولوية هتفرق في طريقة تعاملك إنت معاه:
أولا: العملاء المبذرين، ودول النوع المفضل طبعا عند أي صاحب عمل، خليهم دايما مشغولين بيك، اديلهم تحديثات وتطورات الشغل والمنتجات أول بأول، قدم لهم جميع الخدمات الممتازة المناسبة إلي تقدر تقدمها.
ثانيا: العملاء البخلاء، المجموعة ديه من العملاء بتدي الأولوية للميزانية بتاعتها، لازم تقدم لهم باقة متكاملة فيها خدمة كويسة وهدايا مجانية عشان الأسعار تبقى مقبولة بالنسبة ليهم.
ثالثا: عملاء ﻣﺗوﺳطوا الاﻧﻔﺎق، ودول في معظم الحالات بيكونوا الأغلبية، بيحتلوا المركز

المتوسط في الصرف، حافظ على دوافعهم باستخدام لغة بتأكد بيها على النتائج إلي هيحصلوا عليها لما يجيبوا المنتج.

6- اختار قضية أو فكرة أو هدف، وكافح بشركتك عشانه، بيّن للعميل قد إيه البراند بتاعتك مهتمة بفكرة أكبر من مجرد البيع وبس، الموضوع ده تأثيره بيبقى سحري بالذات لو إنت وعميلك بتتبنوا نفس الفكرة أو القضية هتقدر تجذب العملاء لشركتك بسهولة.

ممكن برضه تعتمد على تنبي أهداف خيرية وغير مهنية زي نظافة البيئة أو أبحاث السرطان و هتكون أكثر مصداقية لو كنت بتتبرع بالفعل بجزء من أرباحك في سبيل خدمة الفكرة ديه.

أي شركة عايزه تكبر وتوسّع دائرة عملائها، بس بما إن خسارة العملاء ليها تكلفة مادية كبيرة عشان نرجعهم تاني، فالأفضل إني أطبق الطرق ديه اللي هتخلي العميل هو اللي يجري ورا الشركة بتاعتي.