7 أدوات هتساعدك في إدارة مشروعك ومهامك

يمكن التحدي الصعب اللي بيواجه كتير من رواد الأعمال لما بيبدأو البزنس الخاص بيهم هو إدارة كم كبير من المهام اللي ليها علاقة بالبزنس، خصوصًا رودا الأعمال اللي لسه بيبدأو من الصفر واللي بيديروا كل حاجة بنفسهم تقريبًا.
لكن لحسن الحظ الانترنت في الوقت الحالي وفرلنا حلول بديلة لكل حاجة تقريبًا، ومن ضمن الحلول دي منصات العمل الجماعي وأدوات إدارة المشاريع، وده اللي خلى كتير من رودا الأعمال بدأوا يتجهوا ليها عشان بتوفر مرونة وانسيابية وسهولة في التحكم بالعمليات الإدارية للمشاريع وبتخليها أكتر كفاءة وإنتاجية.
عشان كده 7 من كل 10 مشاريع تقنية دلوقتي بتستخدم إحدى أدوات إدارة المشاريع على الإنترنت، وحوالي 97% من أصحاب المشاريع دي قالوا إن استخدامهم للأدوات دي ساعدها على توسيع نشاطهم بشكل كبير، ومش بس كده كمان زود إنتاجية شركاتهم بمعدل 12% وده بحسب الاحصائيات المنشورة على موقعي click" "و " oursocialtime".
في البوست ده جمعنالكم مجموعة من الأدوات والمنصات لإدارة وجدولة المهام الخاصة بمشروعك على الإنترنت، واللي هتساعدك تدير كتير من المهام المتعلقة بالبزنس بسهولة كبيرة خصوصًا لو كنت بتتعامل مع فرق عن بعد، وكمان هتساعدك تكون منظم وهتوفر عليك وقت ومجهود، تعالوا نعرف إيه هي الأدوات دي:
1) Aha ( خارطة الطريق):
ودي من المنصات اللي اتعملت مخصوص للشركات الناشئة أو الشركات اللي لسه في مراحلها الأولى وعايزة تعمل خريطة للمنتجات بتاعتها، فلو بتفكر تفتح شركة ناشئة المنصة دي هتساعدك أنك تخططلها صح وتحدد رؤيتها، وتبني نموذج العمل الخاص بيك.

وكمان هتساعدك تحدد أهداف الشركة وتتعرف على منافسيك وتدرسهم كويس، وبتكون تجريبية أول 30 سوم بس يعد كده بيكون مدفوع، وبأسعار مختلفة حسب الخيارات المتاحة عليه.

2) Flow ( بديل المكتب):
لو عندك شركة ومعندكش مقر ليها وبتدير فريقك أونلاين فالمنصة دي هتحسسك إنك في مكتب عمل بالظبط؛ وده لأن كل مهام التخطيط والتنفيذ والمتابعة والإشراف والمناقشة التي بتتم في أي مكتب عمل هتقدر تنفذها من خلال الأداة دي عن طريق القوائم والبطاقات.

وكمان هتقدر تستضيف أعضاء من بره الفريق بتاعك بشكل مؤقت للمشاركة في بعض المهام، ده غير إنك تقدر تعمل export؛ لأي مشروع عندك بكل ملحقاته ومناقشاته نسخه pdf أو Excel أو HTML، وفي البداية بتكون تجريبية وبعد كده مدفوعة.

3) "10,000 ft " 10,000 ft (تقارير وتحليلات):
المنصة دي بتعتبر مثالية ليك لو كانت شركتك موجودة بالفعل وعندك فريق كبير؛ لأنها بتعرفك حاجتين في منتهى الأهمية وهم: مدى التقدم اللي بيحققه فريقك من خلال تحليلات عميقة بتعرفك نقاط القوة ونقاط الضعف في كل عضو، وكمان كيفية إنفاق ميزانيتك وده من خلال جداول زمنية مفصلة، وأسعارها تبدأ من 49 دولاراً أمريكي.

4) Podio ( توزيع المهام وتقييم الموظفين):
لو عندك شركة ناشئة والشركة بتحقق نجاح ملحوظ ومع الوقت مشاريعك بتكبر وقاعدة عملائك بتزيد، وبالتالي المهام أصبحت مقعدة أكتر، فالمنصة دي هتكون حل مناسب ليك.

وده لأنها هتساعدك تدير المهام بتاعك بمرونة من خلال تخصيص المهام بدقة لكل عضو من أعضاء الفريق، وكمان هتساعدك تقيم أداء كل موظف بشفافية، والمنصة دي تقدر تستخدمها مجانًا لحد 5 مستخدمين وبعد كده بتدفع 5 دولار شهريًا.

5) Teamwork (3 x 1 ):
ودي من المنصات اللي هتساعدك على إدارة فريقك وعملائك، وبتشمل أداةً لإدارة المشاريع، وأداةً لإدارة العملاء، وأداة تالتة لتواصل أعضاء الفريق، وأكتر حاجة بتميزها إن فيها نظام مركزي لإدارة الملفات، يعنى بنقدر نوصل من لكل الملفات والملحقات والتعليقات الخاصة بهم من مكان واحد.

وبردو من المميزات التانية الموجودة فيها إنها متصلة بالبريد الإلكتروني، وبالتالي هتقدر تتواصل مع فريقك كله في وقت واحد، وكمان هتقدر تحددلهم المهام من خلال البريد الإلكتروني، والأداة دي متاحة مقابل 24 دولار شهريًا.

6) Scoro ( تخزين المعلومات):
ودي منصة بتساعدك تجمع كل ما المعلومات الخاصة بالعمليات الإدارية والتشغيلة والوظيفية لمشروعك أيًا كان نوعه، وكمان بتسهل عليك عمليات التواصل والمتابعة والإشراف على كل أعضاء فريقك، ده غير إن فيها خصائص تانية متعلقة بمؤشرات قياس النمو للمشروع والميزانية ومتابعة المبيعات والنفقات والوقت المستغرق لكل مهمة.

وكمان فيها إمكانية التخصيص حسب كل عميل من عملاءك، وحتى الأمور التانية المتعلقة بتغيير العملات المستخدمة بين كل عميل وآخر وهامش الأرباح هتلاقيها في الأقسام المخصصة لهيا ضمن لوحة التحكم، والأداة دي تجريبية لمدة 14 يوم فقط بعد كده بتكون مدفوعة.

7) Wrike: ( تخصيص المهام):
ودي منصة هتساعدك تخصص المهام لأعضاء الفريق وتناقش كل مهمة أو كل مشروع مع معاهم، ده غير جدولة المهام وإرفاق الملفات والروابط وإدارة كل التفاصيل المتعلقة بالمشروع.

والمنصة دي فيها ميزة حلوة وهي إن كل مستخدم في فريقك بيكون عنده مساحته الخاصة التي بيتلقى فيها كل التنبيهات والتذكيرات والرسائل المباشرة من الأعضاء التانيين، وكمان فيها أكتر من إسلوب عرض حسب تفضيلات المستخدم زي أسلوب الجداول أو القوائم أو الجدول الزمني لكل مهمة ومشروع، وبتكون متاحة بشكل مجاني وبخصائص محدودة لفرق العمل التي بتتكون من 5 أشخاص أو أقل، ولأكتر من كده بتكون مدفوعة.

دي كانت الأدوات اللي قدرنا نجمعهالكم في البوست ده، ده مع العلم إن فيه منصات تانية شبيهة بيهم وبتأدي نفس الغرض، لكن دول بيعتبروا الأشهر

7 أدوات تساعد في إدارة مشروعك

مقالات مشابهة

كيفية تحميل كتاب دليل أصحاب الشركات الناشئة pdf؟

حمل كتاب شركة ناشئة ب 100 دولار The $100 startup

كيف يمكن للشركات الناشئة منافسة الشركات الكبيرة

ما اهمية نموذج عمل الاشتراكات

الأكثر قراءة

حمل كتاب شركة ناشئة ب 100 دولار The $100 startup

كيفية تحميل كتاب دليل أصحاب الشركات الناشئة pdf؟

علمتنى الصيدلية

مولنى شكراً

ما اهمية نموذج عمل الاشتراكات

كيف يمكن للشركات الناشئة منافسة الشركات الكبيرة

7 أدوات تساعد في إدارة مشروعك

رائد الأعمال الموظف... كيف تبدع من أجل تطوير شركتك؟