FB Instagram Twitter Youtube Linkedin 7 تطبيقات مهمة لتنظيم شغلك! | أكاديمية اعمل بيزنس
 
الرجوع الى المدونة

7 تطبيقات مهمة لتنظيم شغلك!

7 تطبيقات مهمة لتنظيم شغلك!

7 تطبيقات تساعدك في تنظيم عملك
هو أنا يومى راح فى إيه؟! ازاى ملحقتش اخلص كل المطلوب منى النهاردة؟! ياااه كل ده شغل المفروض يخلص؟َ! كل دي أسئلة بنوجهها لنفسنا في نهاية كل يوم شغل بنكتشف فيه اننا ما خلصناش كل الشغل اللى من المفترض انه يخلص ده بالإضافة للشغل اللي لازم يخلص فجاءة والحاجات اللى بننساها فى وسط يومنا.. علشان كده النهاردة هنعرف كل موظف أو صاحب مشروع مجموعة من التطبيقات المجانية اللى هتساعدهم فى تنظيم ومتابعة الشغل.

1- Trello 
تريللو يعتبر من أهم التطبيقات المجانية اللي بتساعدك في تنظيم شغلك، من خلاله بتقدر تعمل الأتي:

- تحديد المهام اليومية لكل فرد فى مجموعة الشغل وبالتالى مش هيكون فى مجال للنسيان و كل فرد من هيكون عارف إيه هي مسئولياته.

- تقدر تضيف بعض التعليقات على أي Task سواء تعديلات أو مصادر.

- تحميل وإضافة ملفات كمصادر مهمة لكل Task.

2- Google Docs
من أشهر الـ Tools هي Google Docs تقدر من خلاله تنظم عملك كالتالي:

- إضافة أو تعديل أي نص أونلاين والتعديلات دى بتحصل فوراَ ويقدر يشوفها كل الأفراد الموجودين على نفس الملف.

- مراجعة المحتوى. 

- إعطاء تعليقات للآخرين فى أى مكان.. 

- تقدر من خلاله تعرف مين الأشخاص اللي بيقوموا بعمل تعديل على المستندات والتحدث معهم.

3- Dropbox
من أفضل التطبيقات لتنظيم عملك من حيث التخزين والنسخ الإحتياطي، وكمان تقدر توصل للملفات بتاعتك من أي مكان وفى أى وقت وتقدر تشاركها مع غيرك وبيتيح ليك مساحة تخزين تصل الي 2جيجابايت.

4- Slack
من أفضل التطبيقات لتنظيم العمل واللي تقدر تستخدمها للاتصال بين أعضاء الفريق وغيرهم من الأقسام التانية، كمان بتقدر ترسل أو تستقبل ملفات من خلاله، بالإضافة إنك تقدر تربطه بكل سهولة بتطبيقات تانية زي WordPress أو Skype.

5- Boomerang
من افضل التطبيقات لتنظيم عملك لانها بتساعدك في تنظيم البريد الإلكتروني الخاص بك، تقدر من خلالها تكتب إيميلات وتحدد الساعة إللي أنت عايز تبعت فيها الايميل، وكمان لو بعت إيميل لحد والشخص ده ماردش بينبهك ويفكرك علشان تعمله تنبيه.

6- SideKick
من أفضل التطبيقات لتنظيم العمل لانها بتقوم بترتيب للإيميلات إللي انت بتبعتها " تتبع "، وبتقدر تعرف إذا كان الشخص إللي انت بعتله الإيميل فتح الإيميل ولا لأ؟ وإمتى؟ وكمان عدد المرات اللى فتح الإيميل فيها وفتحها من الموبايل ولا ديسك توب، والأداة دي ننصح بيها خاصة لو بتعمل حملات إعلانية عبر البريد الإلكتروني.

7- Awesome Screenshot 
من أفضل التطبيقات لتنظيم العمل وبتكون عبارة عن EXTENSION بتقدر تستخدمها من خلال جوجل كروم بتساعدك إنك تعرف تاخد سكرين شوتس من الكمبيوتر.