FB Instagram Twitter Youtube Linkedin 7 مهارات أساسية للتفاوض بشكل سليم! | أكاديمية اعمل بيزنس
 
الرجوع الى المدونة

7 مهارات أساسية للتفاوض بشكل سليم!

7 مهارات أساسية للتفاوض بشكل سليم!


وارد جداً أنه يحصل خلاف بينك وبين أي حد سواء كان في الشغل أو الشارع أو في أي مكان عشان كده من أهم المهارات اللي المفروض تكون موجودة عند أي شخص هي مهارات التفاوض، قبل مانتكلم عن إيه هي أهم المهارات إللي المفروض تكون موجودة عند أي حد مهتم بمهارات التفاوض خلينا نعرف الأول

يعني إيه كلمة "تفاوض"؟

التفاوض تم تعريفه على أنه طريقة من خلالها بيتم حل الخلافات والمشاكل، بيكون هدف الأشخاص المسئولين عن التفاوض إنهم يوصلوا لـ حل توافقي وتجنب الجدل والمشاكل.

ما هى مراحل عملية التفاوض:

1- مرحلة التجهيز.
قبل إجراء أي مفاوضات، لازم الأول تحدد ميعاد الإجتماع والمكان فين والساعه ومين الأشخاص اللي هيحضروا.

2- مرحلة النقاش.
في المرحلة دي بيتم التفاوض عن طريق فتح الموضوع وسماع جميع الأطراف لتكوين شكل كامل عن المشكلة ، وفي الخطوة دي يجب على المسئولين إنهم يهتموا بالإستماع والاستجواب والتوضيح.

3- توضيح الأهداف.
بعد ما تتم مرحلة المناقشة بيتم توضيح الأهداف إللي بنكون عايزين نتفاوض عليها ونخرج بيها من الجلسة دي. 

4- مرحلة التفاوض.
في المرحلة دي بيجي دور التفاوض علشان نوصل لـ نتيجة مربحة للطرفين. 

5- مرحلة الإتفاق.
في المرحلة دي من الضروري إننا نوصل لإتفاق يفيد جميع الأطراف وعملية التفاوض تكون مرضية للجميع.

بعد ما حددنا المراحل اللي بتمر بيها عملية التفاوض هنتكلم عن أهم المهارات إللي من الضروري إنها تكون موجودة عند الأشخاص المسئولين عن عملية التفاوض.

أهم 7 مهارات التفاوض الجيد

1- طرح أسئلة جيدة.
من أهم المهارات إللي المفروض تكون موجودة عند الشخص المسئول عن التفاوض هو إنه يكون عنده مهارة طرح الأسئلة بذكاء ويكون عارف إمتى يسمع وإمتى يسأل.

2- ماتبقاش متحيز.
لو حصل خلاف في الشغل وكان في طرف من الطرفين صحابك مثلاً من الضروري جداً إنك ماتتحيزش ليهم، خليك عادل وأحكم صح وماتخليش حاجة تأثر عليك.

3- خليك على علم بكل حاجة.
علشان تحكم صح لازم تكون على دراية بكل حاجة في المشكلة، وتسمع من جميع الأطراف وأطراف تانية خارج المشكلة علشان تعرف تحكم صح.

4- مستمع جيد.
وانت في جلسة التفاوض لازم تكون بتسمع كويس للي بيتقال ومركز جداً علشان ده هيساعدك في إنك تعرف فين المشكلة و تعرف تحكم كويس.

5-التحكم العاطفي.
من المهم جداً إنك تعرف تعمل كنترول على مشاعرك، وماتخدش أي قرار بناءً على عاطفتك، لإن في أساليب بتتعمل للفت الانتباه فقط والبعد عن الحقيقة.

6-حل المشاكل.
لازم يكون عندك مهارة المقدرة على حل المشاكل مهما كانت صعبة.

7-القدرة على اتخاذ القرار.
شرط من الشروط الأساسية إن يكون عندك المقدرة إنك تتخذ القرار مهما كان صعب.