FB Instagram Twitter Youtube Linkedin 8 نصائح مهمة لنجاح مشروعك الناشئ! | أكاديمية اعمل بيزنس
 
الرجوع الى المدونة

8 نصائح مهمة لنجاح مشروعك الناشئ!

8 نصائح مهمة لنجاح مشروعك الناشئ!

تأسيس شركة من الحاجات اللى بتقلق وتخوف خصوصا لو دى أول مرة تكون صاحب شركة وعلشان تقدر تنجح وتكمل مهما قابلت من عقبات النهاردة هنقولكم 8 نصائح علشان تقدر تحافظ على مشروعك الناشئ.

1- مفيش داعى للقلق

القلق من أكتر الحاجات اللى ممكن تخلى شركتك تخسر خصوصاَ لانك هتكون دايماَ بتفكر تاخد خطوات جديدة أو تنفذ قرار مش عارفة نتيجته علشان كده مفيش داعى للقلق لإن أى موقف صعب ممكن يعدى بالهدوووووء.

2- حافظ على أخلاقك ومبادئك

مفيش حد مش بيواجه مواقف صعبة وممكن تجبره يتنازل عن أخلاقه أو مبادئه لكن نصيحتنا ليك هى انك تحافظ على أخلاقك ومبادئك لانهم فى يوم من الأيام هيخلوك مميز عن غيرك.

3- ما تلتزمش بالخطة بنسبة 100%

دايماَ هتقابل مواقف أو حاجات مش موجودة فى خطة عملك علشان كده حاول تكون مرن وما تلتزمش بخطة عملك بنسبة 100% علشان مش كل حاجة بتكون فى الخطة، خليك مرررن.

4- مش كل العملاء بتدفع!

حاول تخلى شغلك مع أى حاجة ليها علاقة بالعملاء والدفع تكون موثقة ومكتوبة لإن مش كل العملاء بتدفع وكتير بيتهربوا فلازم تكون واخد حذرررك.

5- السلف تلف والرد خسارة

حاول متعتمدش علي السلف لانه هيأثر عليك والبدائل هى انك تلجأ لشريك أو تقلل النفقات وده أفضل كتير من السلف.

6- ما تشتغلش مع أصحابك

حاول ما تديش الأمان أوى وتفتكر ان شغلك مع أصحابك هينجح لان العشم هيخسرك شغلك ويخسرك أصحابك الا لو فى عقود قوية مكتوبة.

7- خليك مرن

كل يوم هتقابل حاجات تفاجئك فحاول تكون مرن لان المرونة هتخليك تخرج من أى موقف صعب بسهولة.

8- اعتمد على اللى مؤمن بيك.

حاول وانت بتوظف أول مجموعة موظفين يكونوا مؤمنين جداَ بيك وبمشروعك لانهم عنصر أساسى فى النجاح.