FB Instagram Twitter Youtube Linkedin أجازة ولا مش أجازة | أكاديمية اعمل بيزنس
 
الرجوع الى المدونة

أجازة ولا مش أجازة

أجازة ولا مش أجازة

عندنا في الشركه حوالي 120 موظف ...فيه 90 منهم بيشتغلوا علي أسواق خليجية و30 منهم في السوق المصري .... لحد يوم الثلاثاء كنا متفقين إن الشركه كلها أجازة الأسبوع اللي جاي لحد ما الجكومه أعلنت إن البنوك والبورصة هاتشتغل يومي الأربعاء والخميس ...المهم إن المدير الإداري بعت لل 30 بيبلغهم إن فيه شغل يوم الأربعاء والخميس وأنا مشفتش الميل ده

-جالي يوم الاربعاء أخر اليوم أحد المديرين بياخد رأيي فقلت له إني شايف إنهم ياخدوا كلهم الأربعاء والخميس أجازه علشان مفيش فائده حقيقية إني أشتغل وأنا عارف إن العملاء بتوعي أجازة فلو أنا خدمة عملاء أو مبيعات أو أي تخصص مفيش حاجة كبيرة أو حقيقية إني أتعب الموظفين علي الفاضي فرأيي إنهم ياخدوا أجازة ويرجعوا بروح معنوية أعلي وده رأيي وعليه إنتو أجازة

-النهارده دخل عليا المدير الإداري وهو متنرفز جدا وقالي إني كرئيس مجلس إدارة ما ينفعش إني أخد قرارات فردية وإلا تبقي دي مش مؤسسه وكمان كل قراراتي بتتوجه إني بدلع الناس وبريحهم زياده من غير فائده ... وإن مصر أجازتها كتير فمينفعش إن ندي الناس أجازة فوق الأجازة خصوصا إن فيه لسه داخل علينا 6 أكتوبر وزيها كتير وإحنا لو حبينا ننزل الموظفين يوم أجازة هما هايرفضوا فليه نريح الناس أكتر من الدوله بتريحهم ؟؟؟

 -المهم إعتذرتله علي القرار الفردي وإني لازم كنت أرجعله أو أرجع لقسم الموارد البشرية قبل ما خد قرار زي ده بس إختلفنا طبعا في إننا ننزل الموظفين وقت إحنا عارفين إننا مش هانستفيد منه لمجرد إننا نبقي إدارة حازمه وهو أصر إن قرارات زي دي بتخلي فيه روح تسيب وعدم إنجاز في المكان ....

-عايز أعرف إيه رأيك في الخلاف وإيه هو القرار الصحيح ؟؟ كنا ندي الموظفين أجازة ولا ننزلهم ؟؟ وليه ؟؟؟

شارك المقال :