920033973
16342
article

أفضل 6 أفلام عن البيزنس لرواد الاعمال

October 31, 2019    

يمكن الهدف الأساسي اللي بيخلينا نشوف فيلم أو مسلسل هو التسلية أو الترفيه، لكن في نفس الوقت ممكن نطلع منها بخبرات كتير وخصوصًا في مجال البيزنس، إلى ديمًا بيكون مساحة كبيرة لأنواع كتيرة من الدراما اللي بتخلقها المشاكل والأزمات اللي بيتعرضلها أصحاب المشاريع. عشان كدة ومن خلال المقال ده، هنتعرض لأهم 6 أفلام لازم كل رائد اعمال يشوفها، بحيث نحقق هدفين هما المتعة والإفادة في نفس الوقت. 

6 أفلام عن البيزنس لازم كل رائد أعمال يشوفها

1. فيلم “The Social Network” (البيزنس مش مجرد فكرة وبس!):


فيلم The Social network واحد من الأفلام اللي حققت جدل جامد بمجرد صدورها، وساعدت كتير من رواد الأعمال أنهم يعرفوا الكواليس الخفية وراء البيزنس وأيه هي المضاعف اللي تواجه كل واحد عند بدء مشروعه وبعد ما مشروعه يينجح كمان.
فيلم The Social network بيتناول قصة من أبرز قصص النجاح في القرن العشرين وهي قصة نجاح " مارك زوكربيرج؛ مؤسس “فيس بوك”، واللي بدأ فكرته داخل جدران جامعة هارفرد كوسيلة للتواصل بين طلاب الجامعة، وبعد كده اتحولت الفكرة لمنصة عالمية للتواصل بين سكان كوكب الأرض.

الملهم في فيلم The Social network إنه بيقدم رسالة لأي رائد أعمال مفادها (إن الفكرة مش كل حاجة، ولو معندكش رؤية واضحة لمشروعك وخطة محكمة لتطويره هتكون النتيجة الفشل حتى لو كانت الفكرة عبقرية)؛ فعلى الرغم من إن مارك مكنش صاحب الفكرة الأصلي إلا أنه آمن بيها ودافع عنها ورسملها خطة تطوير، والفيلم ده مهم لأي رائد أعمال بيفكر يبدأ البيزنس بتاعه؛ لأنه بيتناول المشاكل والتحديات اللي بتواجه أي شركة ناشئة في البداية زي دخول السوق والحصول على تمويل وتطوير اليبزنس.

2. فيلم Pirates of Silicon Valley (في اليبزنس مفيش مستحيل!):

فيلم Pirates of Silicon Valley بيتناول قصة نجاح "ستيف جوبز" و"بل جيتس " واللي بيعتبروا من أشهر رجال الأعمال، في تأسيسي اتنين من أنجح الشركات في العالم " آبل ومايكروسوفت" وكمان المنافسة ما بينهم واللي بدأت من وهم لسة صغيرين بيلعبوا في حديقة بيتهم.

الملهم في فيلم Pirates of Silicon Valley إنه بيعرفك إن مفيش مستحيل في البيزنس؛ وده نتيجية الصعوبات اللي واجهة آبل ومايكروسوفت"، وكمان الاخفاقات اللي حصلت حصلتلهم خصوصًا في فترة السبعينات وقدروا يتغلبوا عليها، كمان بجانب الـ " motivation". 
 
فيلم Pirates of Silicon Valley مهم لأي رائد أعمال لأنه بيدور حولين فنون الإدارة والمنافسة الذكية بين " آبل ومايكروسوفت"، ده غير إدارة الموارد والخبرات الذاتية، عشان كده بننصحك لو كان مجال البيزنس بتاعك خاص بمجالات التقنية والتكنولوجيا المتطورة أو الأفكار الرقمية، فالفيلم ده هيساعدك جدًا في معرفة الخبايا وراء كواليس العمل في المجالات دي وأزاي تقدر تقوم بعد وقعات كتير فيها بسهولة بشكل أنجح وأقوي.

3. فيلم “Forrest Gump” (النجاح مش للأذكياء وبس!)

بتدور قصة فيلم Forrest Gump حولين شاب عنده إعاقة جسدية مأثره على معدل ذكاؤه ونموه العقلي، وده كان بيخليه يتعرض أحيانًا للتنمُّر من زمايله؛ وبرغم كده كان رافض إنه يستسلم وكان عنده إرادة وتصميم إنه ينجح ويشق طريقه في الحياة، وبعد كده اتحول لظاهره ناجحة في مجالات كتيرة زي الرياضة والتجارة وصيد الأسماك وكمان التحق بالجيش.

“افعل الأفضل، بما أنعم الله به عليك” دي كانت من العبارات الملهمة اللي اتقالت في فيلم Forrest Gump، وهي جملة ممكن نحققها في حياتنا وخصوصًا في مجال البيزنس، لأن الجال الأفضل اللي كل ما تديله كل ما كان ده هيعود عليك بمزيد من النجاح والتطور؛  فلو كنت شايف إن قدراتك محدودة ففيلم Forrest Gump بيوصلك رسالة عكس كده تمامًا، رسالة  مفادها إن الذكاء مش سلاحك الوحيد عشان تقدر تنجح وتثبت نفسك، النجاح بعتمد على عوامل تانية كتيرة زي الاجتهاد والإصرار واستغلال المهارات الشخصية، فلو كنت محتاج تحفيز كويس عشان تأخذ أول خطوة ناجحة في البيزنس، ففيلم Forrest Gump هو اختيارك المثالي للبدء.


4. فيلم Chef (ترك الوظيفة أول خطوة نحو إنشاء اليبزنس):

بيدور فيلم Chef حولين طباخ ماهر بيشتغل في أحد الفنادق وعنده أفكار للتجديد والابداع لكنه دايمًا بيصطدم بمديره المحافظ اللي رافض أي تجديد، فقرر إنه يستقيل من وظيفته ويفتح مشروع ينفذ فيه كل أفكاره؛ ولأنه مكنش معاه تمويل كافي في البداية قرر إنه يبدأ في عربية صغيرة وعرض عليها أطباقه الجديدة واللي حققت نجاح كبير.

أهمية فيلم  Chef كون القصة بتلمس كل شخص كان عنده فكرة بيزنس مؤمن بيها، واتصدم بردود الفعل من اللي حواليه، فلو أنت بتعيش نفس الأحداث؛ فالفيلم هيكون ملهم ليك جدًا وخاصة في المرحلة الأولى من مشروعك. 
قصة  فيلم Chef بتتعرض لفكرة بتواجه كتير مننا وهي التغلب على الخوف من ترك الوظيفة وبدء البيزنس الخاص، كمان الفيلم بيتكلم عن أهمية التكنولوجيا ومواقع التواصل الاجتماعي في التسويق وجذب العملاء، فهو مفيد جدًا للموظفين ورواد الأعمال أصحاب المشاريع الصغيرة والمتوسطة.



5. فيلم The Intern... (دروس في فن الإدارة):

بتدور قصة فيلم Intern  حولين رائدة أعمال شابة بتأسس موقع إلكتروني في مجال الأزياء والموضة، وبتاخد قرار يبدو إنه غريب شوية وهو تعين شخص بيتعدى الـ 70 سنة ضمن المتدربين في الشركة، بعدها بتكتشف أنه بيمتلك ذكاء وخبرة بيأهلوه إنه يكون مساعد ليها، وبالفعل بيساعدها تحتل الصدارة في مجال الأزياء والموضة.
 
هنا فيلم Intern بيقدم صفعة لمجتمع الأعمال اللي بيقصي الكفاءات لمجرد رقم أو سن؛ بالرغم أن في منهم كتير قادر على العطاء لأخر نفس وله رغبة في الاستمرار، فلو أنت كنت كبير في السن أو شايف أن عالم البيزنس بقا مش مناسب ليك أنك تبدأ من جديد، فالفيلم ده صدقني هيساعدك تغير تفكيرك كتير.

فيلم Intern   فيه دروس كتير لرواد الأعمال من بينها: منح الفرص للجميع، واختيار المواهب بذكاء، وإنك تسمع وجهات النظر المخالفة ليك وتتعلم من أخطائك، وكمان مهم لأي حد بيقود فريق عمل؛ لأنه فيه دروس كتير في فن الإدارة والتعامل مع مختلف الأعمار.

6. فيلم The Founder (ريادة الأعمال مش بالسن)

فيلم  The Founder بيحكي قصـة تأسيس شركة "ماكدونالدز" والتي بدأت بفكرة من مندوب مبيعات بيعجبه مطعم صغير في ولاية كاليفـورنيا، وبعد كده بيقرر يحوله لعلامة تجارية عالمية، "راي كروك" مكانش خايف من المغامرة ورغم إنه كان عنده 16 سنة قدر إنه يستغل خبرته التسويقية في ابتكار شعار "ماك" اللي بقى رمز للعائلة والسعادة.

الفيلم بيسلط الضوء على بعض الاستراتيجيات اللي ساعدت "كروك" على النجاح واللي منها أنه مكنش بيدور على الربح على قد ما كان بيدور على التميز وتطوير البيزنس وانتشاره، ونتيجة ده بقت مطاعم "ماك" موجودة في 31 دولة، كمان إصراره على توحيد طعم "البرجر" ومستوى الخدمة اللي بيقدمها في كل الدول.
فيلم The Founder ده مهم لصغار لواد الاعمال؛ لأنه بيقدم رسالة مفادها إن النجاح في البزنس مش بالسن على قد ماهو بالخبرة، عشان كدة لازم تبدأ من دلوقتي في التعلم سواء من الأبواب الأكاديمية أو العملية في السوق، وتتطبق أول بأول، حتى لو غلطت مرة واتنين وتلاته، ارجع حاول تاني، فالبيزنس ديمًا يكون فاتح ابوابه ليك عشان تقوم وتكبر من جديد.

ولو حابب تبدأ من دلوقتي في إنك تتعلم كل حاجة ليها علاقة بالبيزنس، فتقدر بسهولة تزور قسم ريادة الأعمال التابع لأكاديمية اعمل بيزنس، وهو بدوره هيساعدك تلاقي كل الموارد التعليمية الي هتحتاجها عشان تبدأ مشروعك وتكبره بكل سهولة واحترافية كمان.
 


مقالات مشابهة

المزيد
ابل تتحدى فيروس كورونا وتستعد لإطلاق iPhone se2
ابل تتحدى فيروس كورونا وتستعد لإطلاق iPhone se2

بلا مؤتمرات أو احتفالات، شركة "Apple" تتحدى فيروس كورونا

الشركات المستفيدة من فيروس كورونا
الشركات المستفيدة من فيروس كورونا

"في صباح شهر سبتمبر 2050 استهلكت هبة عبوة المناديل رقم 1500

اختفاء بيتل فولكس فاجن
اختفاء بيتل فولكس فاجن

في مطلع 2020 ودعت شركة السيارات الألمانية "فولكس فاجن-

شركات تنافس اوبر وكريم
شركات تنافس اوبر وكريم

بتعتبر شركة اوبر وكريم من الشركات الناجحة فى السوق

الأكثر قراءة

المزيد
مراحل ترقي الـ HR: من HR Coordinator ل HR Director
مراحل ترقي الـ HR: من HR Coordinator ل HR Director

تعتبر وظيفة الـ HR واحدة من الوظائف المطلوبة بقوة في

أفضل 6 أفلام عن البيزنس لرواد الاعمال
أفضل 6 أفلام عن البيزنس لرواد الاعمال

يمكن الهدف الأساسي اللي بيخلينا نشوف فيلم أو مسلسل هو

التعليم في الصغر كالنقش على الحجر
التعليم في الصغر كالنقش على الحجر

 دايماً بنسمع مقولة "التعليم في الصغر كالنقش على

شركات تنافس اوبر وكريم
شركات تنافس اوبر وكريم

بتعتبر شركة اوبر وكريم من الشركات الناجحة فى السوق

"ماكدونالدز" و"برجر كينج".. الصراع على عرش البرجر

في مايو اللي فات، قدمت سلسلة مطاعم "برجر كينج" 5 وجبات

ليه كورسات أكاديمية إعمل بيزنس أون لاين ؟
ليه كورسات أكاديمية إعمل بيزنس أون لاين ؟

    لاحظنا تزايد أسئلة الأعضاء بخصوص إن ليه

اسباب فشل الشركات الناشئة
اسباب فشل الشركات الناشئة

عالم ريادة الأعمال عالم كبير شبيه بالمدرسة أو الجامعة

تطبيقات مهمة للبزنس
تطبيقات مهمة للبزنس

تطبيقات مهمة للبزنس.. على موبايل أي رائد أعمالمن

بطريقة سهلة ... ازاي تكتب إميل احترافي 
بطريقة سهلة ... ازاي تكتب إميل احترافي 

    كتابة إميل بشكل احترافي بتعتبر من الأساسيات