أفضل عشر شركات فى العالم..

زمان كان فى مثل مشهور بيقول سهل انك توصل للقمة بس صعب تحافظ عليها وده بينطبق على كتير من الشركات المحلية أو العالمية اللى سمعنا عنها واتشهرت لكن بعد كده اختفت وحلت مكانها شركات تانية والشركات الجديدة دى أحيانا بتكون فكرة مشروع قديمة لكن ممكن تكمل وتستمر وده كله راجع لانها بتقدم ميزة مش موجودة عند غيرها واللى بنسميها فى علم التسويق الميزة التنافسية علشان كده قررنا النهاردة نتكلم عن أفضل 10 شركات فى العالم وسبب تميزها ووجودها فى قائمة الأفضل.

1- APPLE

شركة "Apple" بتحتل المركز الاول فى التصنيف العالمى من 2013 لحد النهاردة وسبقت فى التصنيف شركات كتير سبقتها فى السوق والسبب الرئيسى لكده هو اختير الشركة لجمهورها منذ البداية وثبات جودة منتجاتها وتطويرها المستمر علشان تلائم احتياجات المستخدمين، شركة "أبل" بتتميز بمستوى عالى من الولاء الجمهور لعلامتها التجارية، وصلت إجمالي إيراداتها السنوية في جميع أنحاء العالم 265 مليار دولار بنهاية 2018.

2- GOOGLE

تانى افضل علامة تجارية محرك البحث الأشهر عالمياَ "جوجل" ووصلت حصة جوجل السوقية لـ 92.74٪ فى أكتوبر 2018 وبيحصل من خلال أكتر من 3.5 مليار عملية بحث يومياَ.

3- Amazon

شركة أمازون هي أكبر منصة للتجارة الإلكترونية في العالم وبدايتها كانت كمكتب لبيع الكتب من خلال الانترنت وتطورت الشركة بعد فترة ونوعت منتجتها لتشمل تقريباَ كل حاجة ممكن نستعملها فى يومناَ زى البرمجيات، ألعاب الفيديو، الإلكترونيات، الملابس، والموجوهرات وكل اللى قولناه ده خلاها هى أول منصة بيع عبر الانترنت من حيث الإيرادات في العالم.

4- Microsoft

شركة ميكروسوفت من الشركات اللى عملت نقلة نوعية فى مستوى البرمجيات فى العالم وفى سنة 2016 وصلت لإنها تكون أكبر شركة منتجة للبرامج في العالم من حيث الإيرادات بالإضافة لانها تعتبر الأغلى فى القيمة السوقية ودايماَ فى قمة البورصة العالمية.

5- Coca-Cola

شركة كوكاكولا من أشهر شركات المشروبات الغازية واحتلت المركز الأول فى قائمة الأول عالمياَ لحد سنة 2013 وفى سنة 2017 انخفضت مبيعات كوكاكولا بنسبة 11 ٪ بسبب تحول الاعالم للإتجاه ناحية تقليل المخاطر الصحية والابتعاد عن المشروبات المضرة.

6-Samsung

ساموسنج هى المنافس الثابت والأول لشركة أبل لكن على الرغم من كده موجوده فى المركز السادس وده بسبب تنوع منتجات سامسونج لكن يعتبر مصدر مكاسب الشركة الرئيسي الهواتف المحمولة.

7-Toyota

من سنة 2017 تعتبر ثاني أكبر شركة لصناعة السيارات في العالم ,وفي سنة 2018 اعتُبرت تويوتا عنصراً في تكنولوجيا السيارات الذكية والحاجة إلى الابتكار ,واستثمرت الشركة 4 مليارات دولار في معهد الروبوتات ومعهد أبحاث الذكاء الاصطناعي علشان تعمل سيارات أكثر أماناً.

8- Mercedes

في سنة 2018 كانت مرسيدس-بنز أكبر علامة تجارية مبيعاً في العالم ،وباعت 2.31 مليون سيارة ركاب ,وفي سبتمبر 2018 كشفت مرسيدس النقاب عن EQC ، أول سيارة كهربائية بالكامل في حدث في ستوكهولم لكن ده ما قدرش يخليها تحتل مركز متميز فى قائمة الأفضل و احتلت المركز السابع.

9- Facebook

أشهر منصة تواصل اجتماعى واللى تقريباَ مفيش حد فينا مش بيستخدمه وأعلنا الشركة مؤخراَ وجود أكتر من 2 مليار مستخدم نشط علي شبكتها الإجتماعية اللى مش بس بنستخدمها للتسلية لكن كمان فى البيزنس.

10- McDonald's

أسرع دليفيرى فى مصر! تعتبر ماكدونالدز أكبر سلسلة مطاعم في العالم من حيث الإيرادات وبتخدم أكتر من 69 مليون عميل يوميًا في أكثر من 100 دولة لكن كل ده ما أهلهاش انها تكون فى مركز متقدم خصوصاَ مع توجه العالم للتكنولوجيا.