أهم يومين فى حياة الانسان

إحنا قلنا قبل كده إن أهم يومين في حياة الإنسان اليوم اللي بيتولد فيه واليوم اللي بيكتشف ليه اتولد ؟؟ الموضوع مش سهل خالص يا جماعه كلنا بندور علي حاجه نحبها ونحقق فيها ذاتنا وأحيانا كمان حاجه تخلد اسمنا بعد مانموت ونسيب بيها ذكري للناس اللي بعدنا 

- فيه ناس بتلاقي الحاجه اللي هي مميزه فيها وهي صغيرة وفيه ناس بتلاقيها وهي كبيره وفيه ناس بتعرفها وهي صغيرة بس بتجري ورا حاجه تانيه أكتر جاذبيه و لمعانا وبتسيب اللي ربنا خلقها علشانه علشان تجري ورا سراب

- مؤسس وول مارت واحده من أكبر الشركات في العالم اسمه سام والتون واتكلمنا علي قصة حياته قبل كده أسس الشركه وعمره قرب الخمسين سنة

- مؤسس كينتاكي هارلاند ساندرز أسس كنتاكي وهو عنده 62 سنه (اتكلمنا عليه قبل كده).

- كتير من فنانين هوليود بدأوا متأخر زي سامويل جاكسون حد من أكتر الممثلين اللي باستمتع بيهم بدأ وهو عنده 42 سنة

- علي المستوي المصري فيه أمثله كتيره جدا بس أبرز مثال هو المغفور له بإذن الله طلعت باشا حرب اللي بدأ حياته كرجل أعمال وهو عنده 53 سنه (الراجل ده محتاج دراسه لوحده لأنه شخصيةعظيمه بجد)

- المهم كل واحد فينا لازم يجرب وهو بيجرب لو لقي اللي هو متميز فيه لازم يكمل فيه ويديله حياته حتي لو كان من وجهة نظره أقل دخلا أومنصبا أو مش مناسب لطموحه كل ده مش صحيح .... الصح هو إنك تكمل في اللي انت مخلوق علشانه علشان هو ده اللي هايعملك كل حاجه سواء نجاح أو فلوس أو شهره أو أي حاجه تانية

- كلنا عايزين نعرف إيه هو دورنا في الحياه فياريت لما نلاقيه نمسك فيه ونديله كل حياتنا