920033973
16342
article

إزاي أعمل محتوى تسويقي جذاب؟ .. السؤال المتكرر

May 13, 2018    

 

مش هضحك عليك واقولك أن بعد ما تقرا البوست ده هتبقى خبير في كتابة المحتوى، لأن الموضوع كبير ومحتاج أنك تجرب وتكتسب خبرة، لأن من أكتر الحاجات اللي بتحتاج أنك تجرب بنفسك هو كتابة المحتوى، المحتوى عامل زي اللبس .. ممكن يبقى مناسب على حد وفي مناسبة معينة وعلى حد تاني مش مناسب. 

 

الحاجة للمحتوى التسويقي في ازدياد مستمر ده بسبب أن الجمهور المتواجد على السوشيال ميديا بشكل عام بيحب يقرا المواضيع اللي بتمسه وبيستفيد منها بغض النظر عن المنتج بتاع الصفحة أو استفادة صانع المحتوى نفسه.

 

كمان تطور إعلانات الفيس بوك زودت من حجم الاحتياج ده، طبعا لأن كتير من أصحاب البيزنس هتعتمد على المحتوى اللي ممكن ينتشر بسرعة بدل الحملات الممولة.

 

بس إزاي أنت كصاحب بيزنس أو كشخص شغال في مجال التسويق تقدر أنك تصمم محتوى تسويقي ناجح يخلي العملاء يتفاعلوا معاك ويتحولوا من مجرد أشخاص إلى عملاء محتملين. 

 

بص يا سيدي قبل ما تعرف إزاي تصمم محتوى فعال وجذاب لازم الأول تعرف أيه هي أنواع المحتوى اللي ممكن تستخدمه في التسويق لنفسك 

 

• فيديوهات الشرح: من الطرق التسويقية المتعارف عليها اللي من الممكن أن تستخدمها للبراند بتاعك هي أنك تقدم محتوى تعليمي للعملاء بتوعك زي فيديوهات "كيف تستخدم"، اللي قايمة على فكرة "وريني – show me". 

 

• الندوات: من وجهة نظر المبيعات والتسويق الندوات أصبحت أداة مشهورة جداً تقدر من خلالها أنك تقدم محتوى يساعدك على تعزيز الاتصال مع جمهورك.

 

• أنفوجرافيكس: هي الرسوم التي بيتم من خلالها تقديم الكثير من المعلومات بشكل سهل ومبسط. 

 

• الكتب الإلكترونية: من الطرق اللي بتساعد على التوعية بالعلامة التجارية بشكل قوي هو الكتب الإلكترونية ال pdf اللي بتتكون من 6-50 صفحة المليئة بالمعلومات اللي بيحتاجها العميل بشكل مستمر.

 

• نشرات الإخبار الإلكترونية: الإيميلات الإخبارية news letters تأتي في المرتبة الثالثة كأهم نوع من أنواع التسويق بالمحتوى اللي من الممكن أن يستخدمها المسوقين سواء كان لمنتجات شركات B2B أو أفراد B2C وعلى الرغم من الصورة السيئة التي بتحظى بها الطريقة دي إلا أنها تظل وسيلة مهمة في العملية التسويقية.

 

ويمكن تكون دي الأنواع الأكثر استخداماً في المحتوى بس عشان الأنواع دي تكون مؤثرة لازم تتسم بالآتي: 

 

1. محتوى مفيد وتعليمي: لازم يكون المحتوى اللي أنت بتقدمه ميكونش بغرض دعائي بنسبة 100% بل يفترض أنه يحتوي على قدر من المعلومات اللي تفيد العميل في قرارات كتير، زي منصة beauty talk بتاعة سيفوريا Sephora اللي بيتم من خلالها تقديم محتوى حول طرق الحفاظ على الجمال للسيدات.

 

2. الثقة: العميل اتطور قوي عن زمان، فخلاص مبقاش بيصدق المحتوى اللي بيقولوا أفضل منتج في مصر أو الاختيار الأمثل لأن الكلام ده مش هو اللي هيبني ثقة ما بينه وما بين البراند بتاعك، الثقة بتتبني من خلال المحتوى اللي بيثبتله أنك فاهم كويس أنت بتعمل أيه.

 

3. مرح: في أشكال كتير للمحتوى المرح زي:

 

- المبالغة في النتايج، زي الإعلان ده http://bit.ly/1k62WbE لشركة بليند للخلاطات اللي بسببه ارتفع عدد المتابعين على اليوتيوب لأكثر من 200 ألف مشترك وتجاوزت عدد مرات المشاهدة 18 مليون. 

 

- المفاجئة زي شركة ناشون وايد للشامبو Nationwide لما صدمت جمهورها وفاجأتهم ببديل قبيح للممثل فابيو في اللينك ده https://goo.gl/cc7mtb

 

4. أن يكون المحتوى مثير للمشاعر: من المظاهر اللي من الممكن أن ينتشر من خلالها المحتوى بشكل قوي هو أن يحتوي المحتوى على مشاعر قوية زي إعلان كوكا كولا "أمريكا الجميلة" https://goo.gl/1yg2Hd.

 

5. الطابع القصصي: القصص بتدي ميزة تنافسية للمحتوى وده لأنه بيخلق علاقة عاطفية مع العملاء من خلال سرد القصص اللي من السهل تذكرها ومشاركتها زي حملة إعلانات بي أند جي تحت عنوان أمي ألتقطينيhttps://goo.gl/pPSk8j التي حصلت على أكثر من 20 مليون مشاهدة لأنها استحوذت على التجارب القاسية للرياضيين الشباب العازمين على النجاح.

 

ومن الأمثلة العالمية التي استخدمت أسلوب القصص في التسويق لمنتجاتها 

• إعلان شركة شبوتل: https://goo.gl/iUU3n4 

• إعلان شركة نيكون: https://goo.gl/GDRqE9 

• إعلان شركة دوف للتجميل: https://goo.gl/ZHNByU 

• إعلان شركة جوجل كروم: https://goo.gl/KUm8gN 

 

في النهاية لازم كلنا نعرف أن التسويق دلوقتي أتطور قوي وبقى قايم على فكرة أنه لتحقيق النجاح لازم يبقى فيه قيمة نقدمها للعملاء عشان يهتموا بينا في الأساس.

خصم 50% عند الإشتراك في أكاديمية إعمل بيزنس

 


مقالات مشابهة

المزيد
فنون الماركتنج (4) اتكلم بلغة العميل
فنون الماركتنج (4) اتكلم بلغة العميل

    سنة 2013 وزارة النقل البريطانية عملت دراسة

فنون الماركتنج .. عندما تصبح اللعبة أداة تسويق
فنون الماركتنج .. عندما تصبح اللعبة أداة تسويق

الجيش الأمريكي سنة 2003 بعد ظهور العديد من الأراء عن أن

فنون الماركتنج (2) هزر مع العملاء.. بس بلاش تقلش
فنون الماركتنج (2) هزر مع العملاء.. بس بلاش تقلش

أنك تخلي أسلوبك التسويقي مع العملاء قايم على الهزار

5 غلطات تجنبها وأنت شغال في التسويق
5 غلطات تجنبها وأنت شغال في التسويق

كل يوم في مجال التسويق في جديد لدرجة أن المسوقين اللي

الأكثر قراءة

المزيد
إزاي استفيد من
إزاي استفيد من "فيسبوك ماركت بليس" marketplace؟

"فيس بوك ماركت بليس" "Facebook Marketplace".. فكرة عملت ضجة كبيرة

فرنشايز ولا مشروع خاص ؟
فرنشايز ولا مشروع خاص ؟

فكر قبل ما تبدأ البيزنس بتاعك وأنت بتبدأ البيزنس

أكتر 5 مهارات مطلوبة في سوق العمل بقوة
أكتر 5 مهارات مطلوبة في سوق العمل بقوة

  في أوقات كتير بنقعد نتريق على الأسئلة اللي بتتقال

كيف تستخدم الخرائط الذهنية لتنظيم وقتك وترتيب أولوياتك؟
كيف تستخدم الخرائط الذهنية لتنظيم وقتك وترتيب أولوياتك؟

في أوقات بتيجي علينا بنحس أن أحنا ورانا كمية شغل مفيش

إزاي تحدد شغفك؟
إزاي تحدد شغفك؟

ماهو الشغف"حب ما تعمل حتى تعمل ماتحب".. بنقول لنفسنا كده

5 طرق فعالة لـ
5 طرق فعالة لـ"حل الخلافات" في الشغل

على قد ما ناس كتير بتحلم توصل لمنصب القيادة -سواء إنك

شركات الشخص الواحد .. الفرص والمخاطر
شركات الشخص الواحد .. الفرص والمخاطر

يوم 24 ديسمبر 2017 أعلن البرلمان المصري موافقته على إنشاء

الأسئلة الخادعة في الـ interview
الأسئلة الخادعة في الـ interview

    أكيد عملت قبل كده إنترفيو وجالك سؤال في مظهرة

الدحيح .. بيبسط اللي ما يتبسطش
الدحيح .. بيبسط اللي ما يتبسطش

الدحيح أو أحمد الغندور .. قصة شاب مصري حقق نجاح في مجال