لو جينا بصينا بمنظور عملي لمنصة Instagram هنلاقي إنها مش مجرد شبكة اجتماعية يشارك فيها ملايين الناس المنشورات، إنستجرام عمل ثورة حقيقية في السوشيال ميديا وبقى من أهم القنوات التسويقية اللي تقدر تستفيد منها في التسويق لمنتجك أو خدمتك ؛ ودا من خلال تقديم محتوى يجذب عملائك المحتملين في شكل صورة أو فيديو.

منصة إنستجرام دلوقتي بقت منطقة جاذبة لأغلب المسوقين المسئولين عن منتجات أو خدمات ينفع تتعرض في شكل صور أو فيديوهات وأغلب، لو انت صاحب مشروع وواخد خطوات فعلية في الترويج لمنتجاتك على الفيسبوك يبقى لازم تفكر جدياً انك تاخد خطوات فعلية كمان على Instagram.

لو اخدت قرار إنك تاخد الخطوات دي خلينا نقدملك مجموعة نصايح تساعدك إنك تبني ليك وجود على منصة إنستجرام :

1- أول حاجة بما إن إنستجرام منصة بتقوم على الصور والفيديوهات فبالتأكيد لازم يكون المحتوى بتاعك High quality وشكلة يكون جاذب للعملاء ومرتبط اكيد بمجالك

2- خلي المحتوى مش formal لأن انستجرام منصة ترفيهية من الأساس، حاول دايماً الـ Tone of voice بتاعك يكون friendly، قدم صور أو فيديوهات من الشركة علشان المتابعين يبقى عندهم إحساس بالألفة مع البراند ؛ مش مجرد تعامل مع شركة بصورة رسمية

3- الـ bio لازم يكون معبر ومرتبط بشغلك اللي بتقوم بتسويقة

4- استخدام هاشتاج خاص بيك ويكون مميز يقدر يميزك عن غيرك من المنافسين ويسيب أثر مع العملاء

5- إتواصل مع متابعينك علشان تزود التفاعل ودا طبعا هيساعد في زياده مبيعاتك

6- استخدم المواقع اللي بتعمل Analyze للإنستجرام زي موقع ink361 علشان تعرف انت ماشي ازاي ومستواك ايه