FB Instagram Twitter Youtube Linkedin إعمل بيزنس .. عام خامس بـ "طموحات جديدة" (2) | أكاديمية اعمل بيزنس
 
الرجوع الى المدونة

إعمل بيزنس .. عام خامس بـ "طموحات جديدة" (2)

إعمل بيزنس .. عام خامس بـ

- فيه خدمة جديدة مميزة جدا هاتبدأ من الأسبوع القادم في أكاديمية إعمل بيزنس أنا شخصياً هكون من أكثر الناس إستفاده منها وهي خدمة ترجمة وتلخيص الكتب الأجنبية المميزة في عالم البيزنس و الإدارة ...أهم عوامل نجاح أي موظف أو مدير أو رائد أعمال هو المعرفة ...وأفضل أنواع المعرفة بتكون علي هيئة كتب وضع كاتبوها عصارة تجربتهم ودراستهم فيها لفهم ومعرفة كيف ينجح البيزنس وكيف تستطيع قيادة مشروعك إلي نجاح وأفاق عليا من التوسع ....المشروع ده هايلغي مجموعة حواجز بيمنعوك إنك تتعلم وتتطور نفسك وهم

1- حاجز اللغة ...لأن مش كلنا نعرف نقرأ باللغة الإنجليزية ونقدر كمان نستفيد الاستفادة القصوي من اللي بنقراه.

2- حاجز الوقت ... حتي لو بنعرف إنجليزي كويس ليس لدينا وقت كفاية إننا نقرأ كتاب 200 صفحه كل أسبوع.

3- الإختيار ...المشروع ده بيوفر عليك الإختيار من كتب متعدده ممكن تكون ناجحه لكن غير قابله للتطبيق في بلدك أو ممكن تكون أجنبية لكن بتقدم معلومات غير منطقية .

4- التكلفة ... المشروع هايوفر عليك دفع متوسط 100 دولار أسبوعيا يعني 1800 ج كل أسبوع للاستفاده من المعلومات الممتازة

طبعا التلخيص لا يعطيك كل أسرار الكتاب لكن علي الأقل بتقدر تفهم وتعرف الأفكار الرئيسية والخطوط العامه والخلاصة اللي الكتاب عايز يوصلها ...

طبعا البديل عن العلم هو (الفهلوة ) وده طبعاً بيقود صاحبه إلي الفشل حتي لو نجح بسبب جاذبية السوق لفترة لكن إنكماش السوق بيكشف الناجح بمجهوده وتميزه من الناجح بسبب إن السوق هو السبب (ياريت نقرأ مقالة بكره :) ) المهم إننا عملنا مجموعة عمل قوية مكونة من 5 خبراء لاختيار وتبسيط وترجمة كتاب كل أسبوع من الكتب الأنجح في علوم البيزنس والإدارة وهم حوالي 25 علم إن شاء الله هنقدر نغطيهم بشكل قوي بداية من منتصف الشهر الحالي

- نقطة مهمة بالنسبة لسعر الإشتراك السنوي كان من المفترض إن يتم رفعه في 15-7 سيتم تأجيله 20 يوم حتي 5-8-2017 وده بمناسبة الإحتفال ببدء السنة الخامسة في مشروع إعمل بيزنس

شارك المقال :