من أكتر مهام خدمة العملاء أهمية هى متابعة العملاء بعد ما بيقوموا بعملية الشراء .. واللي للأسف شركات قليلة بتعمله بشكل صحيح .. واللي بيعمل كده من الشركات بيكون أشبه بشكل من أشكال المجاملة وبتكون بعد أيام قليلة من عملية الشراء وبعض الشركات بتحاول من خلال المتابعة إنها تبيع منتج تاني وده طبعًا سلوك مش صحيح لحد كبير .

لازم نفهم إن التوقيت بيعتبر عامل مهم جدًا فى موضوع متابعة العملاء .. في الغالب بيبقى العميل لسة شاري المنتج بتاعك بسعر كبير وبيبقي معندهوش إستعداد لا نفسي ولا مادي إنه يشتري منتج جديد إنت بتعرضه عليه فى عملية المتابعة .. يبقى قرار تقديم منتج لعميل لسة شاري منك بقيمة كبيرة باعتبار إنك بتابع معاه هو قرار خاطئ .

خلينا ناخد مثال على واحدة من الشركات القليلة اللي بتابع عملائها بشكل راقى جدًا هى شركة "فوتون" للأثاث .. واللي بتكون فترة المتابعة بتاعتها بتبدأ بعد فترة طويلة ممكن توصل لسنة من بعد عملية الشراء ، المتابعة بتكون عبارة عن تقديم إكسسوارات أو إضافات للمنتج الأصلي اللي إشتراه العميل .. زى مثلاً مجموعة أدراج بتتضاف لكنبة أو أغطية للأثاث علشان تحمية من التراب أو منظفات الأثاث إلخ ..

بالطريقة دى قدرت شركة "فوتون" إنها تربط عملائها بالعلامة التجارية وبقوا بينتظروا المتابعة دي بشكل مستمر علشان عارفين إنهم هيتقدملهم منتجات ليها قيمة وفايدة مكملة للمنتج الأصلي ، عامل إختيار التوقيت الأمثل للمتابعة من جانب الشركة كان ذكي جداً .. بعد سنة من عملية الشراء يكون العميل فيها بدأ يتعافى شوية من أثر المبلغ اللي دفعه فى شراء المنتج الأصلي ومهيئ نفسياً لتقبل أي عرض .. ده غير إن العملاء نفسهم عاجبهم الطرح ده ورحبوا بيه لأنهم عندهم إستعداد يشتروا تانى بشكل .. وده بسبب الإحساس بالإطمئنان والأمان اللي قدرت توصله شركة "فوتون" بذكاء .

لو بدأت تفكر فى إستخدام الطريقة دي مع عملائك للتسويق لشركتك لازم تخللي بالك من شوية حاجات منها إحتفاظك بسجلات العملاء وتوقيتات شراؤهم منك علشان تقدر تتابع معاهم فى توقيتات ذكية ومناسبة .. ده غير إن مطلوب منك تقدم حاجة ليها قيمة وفايدة حقيقية لعميلك عشان يقوم بعملية الشراء وهو متطمن وحاسس بالأمان وتكون القيمة دى بتناسب المنتج اللى اشتراه منك أول مرة وتكون فى صورة تقديم مساعدة حقيقية وفنفس الوقت تخلق ولاء لمنتجك .

علشان تخلي البيزنس بتاعك يدير عملية متابعة ما بعد الشراء بشكل صحيح إنضم لينا في أكاديمية إعمل بيزنس وإشترك في كورس "خدمة العملاء" للمحاضرة أسماء الشرقاوي (إستشارية ومدربة فى مجال خدمة العملاء والمبيعات لمدة تزيد عن 7 سنوات .. قامت بتطوير أداء العديد من فرق خدمة العملاء والمبيعات لمؤسسات فى أكثر من صناعة مما ساهم فى تحقيق طفرة ونمو ملحوظ فى هذة الشركات) .

سجل دلوقتى على اللينك ده

http://bit.ly/academ-signup

أو كلمنا على 16432

وخدمة العملاء هتتواصل معاك وتوضحلك كل إستفساراتك :)