FB Instagram Twitter Youtube Linkedin اترفدت من خمس سنين | أكاديمية اعمل بيزنس
 
الرجوع الى المدونة

اترفدت من خمس سنين

اترفدت من خمس سنين

 

كنت امبارح مع مجموعة من الأصدقاء بنتكلم وبنحاول نساعد زميلنا اللي اترفد امبارح! وكان كلامه ان مديره ظالم و هو السبب لإنه معندوش احساس ومش بيراعى ظروف الموظفين الشخصية! في وسط كلامه سرحت ورجعت بعمري 10 سنين فاتوا وافتكرن يوم ما مريت بنفس الموقف بالظبط وكان احساس ميختلفش عنه وكان عندى حالة غضب من الدنيا والشركة ومديرى اللى شوفت وقتها انه رفدنى بسبب انه مش فاهمنى ومش شايف شغلى كويس اكتشف بعدها انه خدمنى! لانه خلانى اكتشف نفسى واعرف قد ايه انا متميز.
 
طبعا عايز ين تعرفوا اترفدت ليه! ببساطة علشان كنت ساعات باخد وقت فى الشغل وده علشان أكون متأكد من الشغل اللي طلعته لكن مديرى كانت عنده وجهة نظر تانية خالص لانه شاف انه مستهتر ومش بقدر الوقت رغم انى عمرى ما سلمت تاسك بعد ميعاده لكن كان مقياس المدير هو ان زميلي اللى هو دايماَ كان بيشتكى من انه مش بيركز وبيكروت بيبعت الشغل أسرع منى. 
أجتمع بيا مديرى وبلغنى قراره بعد ما بعتلى أكتر من انذار وعرفت رسمياَ انى همشى من الشغل وانا مش عارف هعمل ايه فى الخطوة الجاية!
 
قررت ان اللى حصلى مش نهاية الدنيا وانى المفروض ما ازعلش انى ماشى بالسبب ده وركزت مع نفس ومستقبل وقررت أحسن نفسي وأخدت كذا كورس و دخلت أمتحانات أونلاين ولما ثقتى رجعتلي فى نفسى بدأت أدور على شغل تانى وفعلا ربنا وفقنى واشتغلت فى مكان جديد وكان أملهم كبير فيا انى انقل مبيعات الشركة لرقم عمره ما اتحقق ورغم صعوبة التارجت اللى انى وثقت فى نفسى وجربت كل اللي اتعلمته لكن للأسف أول شهر فشلت! 
فى تانى شهر أخدت نفس التارجت بس وقتها حاولت بأقضى طاقة وجهد ليا و طبقت نصايح كتير من كورسات ومن ناس سبقونى فى المجالى و اشتغلت ليل نها لحد ما فعلا عرف احقق المطلوب وساعتها الفرحة ما كنتش قادر اصدقها وفضلت أشتغل وأطور من نفسى لحد ما اترقيت ووصلت لمستوى عمرى ما تخليلته وفجاءة جالى ميل عمرى ما تخيلت انه يتبعتلى!
 
شركتى القديمة رفدت مديرى السابق نظراَ لانه كان شايف ان العيب فى الموظفين بس ودايما كان بيطلب موظفين جديدة وبرضه كل ده مكنش بيخليه يحقق التارجت أو المطلوب منه! وقتها شركتى عرفت بنجاحاتى و انى بقيت من أحسن الموظفين فى مجال المبيعات وقرروا يرجعونى مرة تانية وبعتولى عرض انى ارجع الشركة وقتها حسبتها ولاقيت انى فعلاَ دربت اللى معايا فى الشركة دى وانهم هيعرفوا يشتغلوا زى وأحسن وتوكلت على الله ووافقت ورجعت شركتى واستمر نجاحى وتفوقى واستغراب كل اللي كانوا عارفين انى مشيت من الشركة دى زمان مرفود! 
ونصيحتى لصاحبى وكل واحد مر بنفس المشكلة انه بس يثق فى نفسه ومايصدقش أى حد يشكك فى قدراته لانه يقدر!
 

شارك المقال :