FB Instagram Twitter Youtube Linkedin اسباب فشل الشركات الناشئة | أكاديمية اعمل بيزنس
 
الرجوع الى المدونة

اسباب فشل الشركات الناشئة

اسباب فشل الشركات الناشئة

 

عالم ريادة الأعمال عالم كبير شبيه بالمدرسة أو الجامعة بيتعلم فيه رواد الأعمال إزاي ينشئوا ويديروا مشاريعهم بطريقة ناجحة، لكن في أوقات ينتهي المطاف ببعض الشركات بالفشل، رائد الأعمال الجيد عارف إن الفشل بداية النجاح وبالتالي بيتعلم من كل قصة فشل بيمر بيها خلال حياته أو قصص فشل شافها في شركات تانية.

في كتير من الدراسات ركزت على البحث عن أسباب فشل الشركات الناشئة وإيه هى العوامل اللي تؤثر سلباً في نجاح الشركات، ومن ضمن الدراسات ديه دراسة أجرتها مؤسسة "CB Insights" للاستشارات السوقية وشملت الدراسة 135 شركة ناشئة فشلت قبل ما تحقق أي نجاحات، وأعدت قائمة بأبرز الأسباب وأكثرها ضرراً بالشركة الناشئة، هنقدم لكم بعض الأسباب اللي ذكرتها الدراسة مع محاولة تحليلها بصورة تكون مرتبطة بالواقع بتاعنا :

1- الغرور 

لازم نعرف إن في فارق كبير بين "الثقة بالنفس" و"الغرور"، كل رجال الأعمال الناجحين بلا استثناء عندهم ثقة زائدة بالنفس، وإلا مكانوش قدروا ياخدوا خطوات جريئة لتأسيس البيزنس بتاعهم منذ البداي ، لكن الثقة ده بتتحول لـ "غرور" لما يعتقد الشخص إنه بيمتلك من العبقرية والأفكار الجديدة اللي يغنيه عن قراءة حركة السوق في المجال بتاعة، وغرورة ده بيؤدي بيه إنه :

- يفشل في قراءة تشبع السوق بالمنتج.

- يعرض المنتج في توقيت خاطئ.

- يفشل في رصد الخدمات اللي بيحتاجها السوق.

- عدم السعي لطلب المشورة من المتخصصين.

2- قصر النظر 

في مقولة قديمة بتقول "الفشل في التخطيط ما هو إلا تخطيط للفشل" .. فعدم التخطيط الجيد قبل تأسيس الشركة يهدد بفشلها في النهاية، والشركات الناشئة مابتقدرش تتحمل الصدمات الناتجة عن الجهل بالأمور، وده اللي بيهدد بإخفاقها نتيجة لعدة أسباب:

استنفاذ السيولة النقدية.

الإخفاق في تحديد التكاليف والأسعار.

خسارة اهتمام المستثمرين والممولين.

3- الاعتماد الزائد على جودة المنتج 

معظم رواد الأعمال يعتقدون إن جودة منتجاتهم تكفي إنهم يتفوقوا على منافسيها وبيهملوا الجانب التسويقي للأعمال وده خطأ فادح، لأننا هنلاقي تاريخ الأعمال يمتلأ بقصص منتجات ممتازة فشلت نتيجة ضعف التسويق، وبيكون فشل الشركة نتيجة لـ :

فشل المنتج في المنافسة.

ضعف خطط التسويق.

إهمال المستهلك.

4- عدم التوازن بين العمل والحياة الشخصية

حذرت الدراسة من غياب التوازن بين العمل والحياة الشخصية، لكن هنلاقي كثير من مؤسسي الشركات الجدد بيتجاهلوا النقطة ده وبيعتقدوا إن مواصلة العمل بالليل والنهار هيمكنهم إنهم يوصلوا للي هما بيتمنوه، إلا إن العمل المتواصل بيكون سبب رئيسي من أسباب فشل الشركة وده بيكون بسبب:

فقدان التركيز.

تراجع الحماسة.

الانهيار الجسدي 

5- غياب المرونة 

من أكبر الأخطاء البشرية هو إصرار الشخص على تبني نفس الأسلوب اللي كان سبب فشله قبل كده، وعدم المرونة يؤدي بإدارة الأمور بشكل صحيح بسبب:

- القرارات الخاطئة.

- الفشل في اتخاذ القرار.

 



شارك المقال :