920033973
16342
article

ال Growth Hacking

October 30, 2017    

 

الـ Growth Hacking

بمناسبة إننا بقالنا أكتر من أسبوعين بنتكلم فيهم عن التسويق بشكل مفصل جداً .. هناخدكم النهاردة بعيد شوية ( مش بعيد أوى ) وهنتكلم عن تكتيك حديث فى التسويق بيناسب بشكل كبير كل اللى عنده مشروع ( Online ) أو موقع اليكترونى أو حتى تطبيق من تطبيقات الموبايل .. التكتيك ده هو الـ .Growth Hacking

أكتر مشكلة بيفكر فيها صاحب أى بيزنس طول الوقت هى إزاى ينمى مشروعه ويكبره وإزاى يسرع من خطوات النمو للمشروع ده .. الطرق كتير وبتختلف من بيزنس للتانى لكن النهاردة هنتكلم عن المفهوم ده بشكل مفصل .

تعربف الـ Growth Hacking

هو تعربف جديد نوعاً ما فى عالم ريادة الأعمال تحديداً والمشروعات اللى بتعتمد بشكل كبير على الجانب التقنى والتكنولوجى زى المواقع الاليكترونية وزى تطبيقات الموبايل وهو "تكتيك تسويقى" المقصود بيه هو تسريع نمو البيزنس ده أو المشروعات المرتبطة بشكل كبير بالتطبيقات والمواقع الاليكترونية زى ما قلنا وتحقيق ربح منها فى فترة قصيرة بذكاء وفكر بيغلب عليه روح الإبتكار والنظرة التحليلية عن طريق استخدام طرق تكلفتها تكاد تكون صفر .

بداية ظهور مصطلح الـGrowth Hacking

أول حد اتكلم عن ال Growth Hacking كان واحد اسمه "شون أليس" سنة 2010 وكان بيشرح الفكرة دى وانها تكتيك بيستخدم فى الوصول لأكبر الأرباح فى أقل وقت عن طريق استخدام البرمجة والتسويق الاليكترونى تحديداً .. "شون" كان بيحاول يجاوب على السؤال المعتاد .. إزاى أجيب عملاء للمشروع بتاعى أو بالتحديد هنا إزاى أعرف جمهورى المستهدف بموقعى الإليكترونى أو تطبيق الموبايل الخاص بمشروعى؟ اعتمد "شون" فى اجابة السؤال ده على استخدام أدوات زى الإيميل أو التسويق عن طريق البريد بالاضافة للوصول بالموقع التجارى الخاص بيك بالنتايج الأولى فى محركات البحث المختلفة أو ال SEO مع استخدام وسائل التواصل الاجتماعى أو الSocial Media لتحقيق نفس الهدف وتصميم صفحات بيع مخصصة لكل منتج أو ال Landing page للوصول لشريحة العملاء المستهدفين مع تنفيذ أفكار برمجية خاصة فيها نوع من الإبتكار والابداع أقدر من خلالها إنى أقدم حاجة جديدة مش موجودة ويكون فيها فكر وقيمة بتتضاف للعملاء دول مع تحليل البيانات اللى بحصل عليها من كل القنوات دى عشان أقدر أحسن من استخدام التكتيك ده فى الحصول على عملاء أكتر واللى بيترجموا لأرباح أكتر .

ده باختصار شديد توضيح لفكرة ال Growth Hacking وواضح من الشرح اللى فات إنها التكتيك التسويقى ده بيعتمد بشكل كبير على أدوات التسويق الإليكترونى بالإضافة إلى استخدام البرمجة بشكل يقدر يخدم فكرتى بشكل مبتكر وجديد أو بشكل يقدر يخدم البيزنس بتاعى ككل ولو كان مشروعك له علاقة بالجانب التقنى بشكر كبير يبقى النوع ده من تكتيكات التسويق هيكون الأنسب ليك .

ده كان مقدمة بسيطة جدًا لفكرة ال Growth Hacking .. هنتكلم بعد كده عن أمثلة لشركات عالمية أغلب أعضاء الصفحة عارفينها استخدمت نفس التكتيك فى الوصول لأرباح خيالية وقاعدة عملاء بالملايين وربنا يوفقكم جميعاً


مقالات مشابهة

المزيد
كيف تستغل Canva في الدعاية لمشروعك الصغير: 7 نصائح فعالة
كيف تستغل Canva في الدعاية لمشروعك الصغير: 7 نصائح فعالة

هل نظرت يومًا إلى تصميم ما بإعجاب  وقلت لنفسك

كيفية إنشاء إعلان تسويقي على التيك توك كالمحترفين؟
كيفية إنشاء إعلان تسويقي على التيك توك كالمحترفين؟

61% من مستخدمي منصة تيك توك tiktok يرون أنها الأفضل والأكثر

YouTube seo:  كيف تتصدر نتائج البحث في اليوتيوب
YouTube seo:  كيف تتصدر نتائج البحث في اليوتيوب

بلغ عدد مستخدمين اليوتيوب شهريًا بـ 2.6 بليون مستخدم،

كيفية كتابة محتوى تسويقي لمنصة Linkedin؟: النصائح والاخطاء 
كيفية كتابة محتوى تسويقي لمنصة Linkedin؟: النصائح والاخطاء 

4 من أصل 5 أشخاص تدفعهم منصة لينكد إن LINKEDIN إلى اتخاذ

الأكثر قراءة

المزيد
12 نصيحة للترويج لعيادة 
12 نصيحة للترويج لعيادة 

 التسويق للعيادات أمر صعب جدًا وخصوصًا لو ملكش أي

مشاكل التسويق وحلولها
مشاكل التسويق وحلولها

 تتعرض الشركات لكتير من المشاكل التسويقية العصيبة،

مفهوم تقسيم السوق
مفهوم تقسيم السوق

تقسيم السوق أو الـ Segmentation من أكثر المصطلحات الهامة

إزاي تعمل براند ؟ 1
إزاي تعمل براند ؟ 1

هنبتدي النهارده معاكم سلسلة مقالات بعنوان إزاي

إزاي تعمل خطة تسويقية في 7 خطوات!
إزاي تعمل خطة تسويقية في 7 خطوات!

أهمية الخطة التسويقية : كتير من أصحاب المشاريع - وخاصة

دليلك الشامل لأهم 100 مصطلح في عالم التسويق 
دليلك الشامل لأهم 100 مصطلح في عالم التسويق 

يعد علم التسويق الحصان الرابح فى عالم  الأعمال

كيفية الربح من الفيس بوك: أفضل 13 طريقة لتحقيق الربح من الفيسبوك
كيفية الربح من الفيس بوك: أفضل 13 طريقة لتحقيق الربح من الفيسبوك

  يٌعد الفيس بوك أكبر منصة للتواصل الاجتماعي فيبلغ

تعريف SWOT analysis
تعريف SWOT analysis

ما هو تحليل سوت أو الـ swot analysis تعريف تحليل سوت أو الـ

شغل دماغك تعمل بيزنس
شغل دماغك تعمل بيزنس

لو كان لديك قوة ملاحظة تستطيع بها أن تلاحظ الفرص