التسويق الشبكي

بعد إثارة الموضوع إمبارح كان فيه مناقشات وتعليقات محترمه وكمان كان فيه نقد و شتايم (ودي أول مره ) وعايز أكد علي شوية حاجات

1-الصفحه دي بقدم فيها رأيي الناتج عن التجربه والعلم والمناقشه ورأيي (إن شاء الله ) مخلص وغير ملزم لأحد

2-أنا لم أتكلم في أحكام شرعيه حلال أو حرام لأني غير مؤهل لذلك .

3-التسويق الشبكي بمعناه العام أنا شخصيا باستخدمه من 2002 في موقع موجه وحتي الأن وأي حد ممكن يستخدمه يعرض علي عميله إنه يديله خصم لو جابله عميل تاني ...بس الفرق في حاجتين أساسيتين وهي وجود منتج أصلا مش إختراع منتج وقيمة الخصم علي المنتج يعني مثلا إحنا أقصي خصم بنديه 3% مش 90 و 100% !!! .

4-طبعا فيه ناس بتكسب في التسويق الشبكي لأنه بيعتمد علي تكوين هرم إللي علي قمته بياخد من اللي بعده لحد أخر مستويات دول بيدفعوا ومبياخدوش .

5-طبعا إنت مش ضامن إنك تبقي في مستوي عالي في الهرم حتي لو اللي بيبعلك بيقنعك بكده

6-وحتي لو كنت في مستوي عالي هل تقبل إنك تعمل ثروه علي حساب الناس اللي إنت هاتقنعها تدخل ؟

7-هل فكرت ليه الحكومه بتمنع حاجه زي كده ؟ يعني هل من الطبيعي إن الحكومه تمنع نشاط هايدر عليها دخل من الضرايب مثلا ؟

8-أنا عارف إن فيه ناس إتورطت خلاص في الموضوع لكن لما تعترف إنه غلط (من وجهة نظري) وتواجه الغلط أحسن من إنك تدافع عنه وتفضل مكمل وكلنا عارفين إن الغلط بيجر غلط

أخيرا بكرر نفس الكلام إن رأيي إستشاري وغير ملزم لحد لكن لازم نبقي مقتنعين إن أي فلوس كتيره بتدخل بدون ما يكون وراها مجهود أو علم أو معرفه يبقي أكيد فيها حاجه غلط وربنا يرزق الجميع رزق واسع

التسويق الشبكى

مقالات مشابهة

تسويق شبكي؟ شغال.. بس هرمي ما انصحكش

الأكثر قراءة

تسويق شبكي؟ شغال.. بس هرمي ما انصحكش

التسويق الشبكى