920033973
16342
article

القيادة بالحب!

April 17, 2019    

 

أول ما بتيجي سيرة الشغل بنفكر في التارجت وديدلاين تسليم المشروع والأرباح والخساير، وبالرغم من إن كل الحاجات دي مهمة جدا لأي شغل إلا إن في عامل مهم جدا لازم يبقى موجود عشإن شغلنا يتعمل صح وفي ميعاده وهو إن يبقى فيه حب، أيوة زي ما قريت كده متستغربش.
 
لو إنت قائد أو مدير في شركة لازم تكون من النوع اللي بيقود الموظفين بتوعه بالحب، القيادة بالحب المقصود بيها إنك تعامل الموظفين عندك على إنهم بشر، زي ما هيعملوا حاجات كتير صح لازم هيكون عندهم أخطاء، الواحد وهو سايب بيته ورايح الشغل مش بيحط مشاعره وأحلامه واحتياجاته في الدولاب هي دايما معاه، ولأننا بشر مش آلات بنبقى محتاجين نحس إن مديرينا وزملائنا بيحترمونا وبيقدرونا.
 
كل شخص سواء كان قائد أو موظف عنده حياته بره الشغل واللي ممكن تواجهه فيها كتير من المشاكل سواء كانت مالية أو زوجية أو عائلية أو حتى قانونية، وفي الحقيقة إن ممكن جدا المشاكل دي تأثر علينا في الشغل، وقيادتك للموظفين بحب ده هيخليهم يحسوا بلطفك اتجاههم وهما بيمروا بيوم سيئ أو بيشعروا بالإرهاق من ضغوط الحياة.
 
إظهار حبك للموظفين عندك ده مش معناه خالص إن مش هيكون فيه احترافية وحدود في الشغل، أو إنه هيقلل من احترامك أو سمعتك كقائد قوي أو هيكون ترخيص لفريق عملك إنه يكون غير كفء، بل العكس هو الصحيح جدا.
 
وتعالا نقولك على مجموعة نصايح تقدر تطبق فيها مفهوم القيادة بالحب في الشغل عندك:
 
• إظهار التقدير: إنك تعترف بمجهودات وإنجازات فريق عملك سواء بشكل شخصي ليهم أو بين زملائهم، ده هيكون له أثار ونتائج إيجابية عليهم وعلى الشغل.
 
• دايما خليك مشجع ومساند ليهم: لو لاحظت إن في موظف عندك بيعاني عشان يعمل شغله، فمجرد مساعدتك له حتى لو بكلمة طيبة ده هيقوي من عزيمته ويخليه عايز يشتغل أكتر رغم كل التحديات اللي ممكن يكون بيواجهها.
 
• خليك مرن ومتفهم بقدر الإمكان: وده مش معناه إن ميكونش في حدود واضحة وصريحة ولكن دايما حدد توقعاتك للنتايج اللي كل فرد لازم يحققها بس خليك متفهم لما يكون فريق عملك مرهق أو عليه ضغط كبير.
 
• حاول تكون مستمع جيد: مفيش حاجة أسوأ من إنك تدي أوامر وخلاص وتسد ودانك عن أي مخاوف ممكن يحس بيها فريق عملك، عشان كده لازم تسمع لهم كويس ده هيشعرهم بقيمتهم وهيشجعهم على مشاركة أفكارهم والابتكار دايما.
 
• دايما خلي فيه خطوط اتصال مفتوحة بينك وبين موظفيك: لازم تكون في مساحة تواصل الموظفين يقدروا يناقشوا فيها مقترحاتهم ويعرضوا أراءهم بحرية عن التحديات والمشاكل اللي بتأثر على أدائهم من غير ما يحسوا بالرهبة منك.
 
• دربهم بدل ما تنتقدهم: خليك متوقع إن مفيش موظف هيفضل طول الوقت بيدي 100%، وعشان كده لو لاحظت إن في موظف عندك بيكافح عشان ينفذ أدواره، حاول تقدمله الدعم من خلال تدريبه وإنك تعرف منه إيه اللي مؤثر على أداءه بدل ما تقعد تقوله على أخطاءه وفشله بس.
 
• ديما اسأل عن أحوالهم واللي حاسين بيه: لما فريقك بيقوم بعمل جيد بيبقوا عايزين يحسوا إنك مهتم بيهم كأشخاص بدل ما يحسوا إنك مش بتهتم بس غير بأدائهم في الشغل وخلاص.
 
• اختيار التوقيت والطريقة المناسبة: في كتير من الأحيان بتبقى محتاج تقول لموظف أو لفريق عملك أشياء غير إيجابية، ولما يجي الوقت ده لازم تكون محضر نفسك للي هتقوله والوقت اللي هتقول فيه الكلام ده وإزاي هتقوله.
 
• لازم كقائد تخلق بيئة آمنة للموظفين يقدروا يعبروا فيها عن نفسهم بشكل جيد ويقولوا كل اللي بيجي على تفكيرهم من غير ما يكونوا حاسين إن ده ممكن يوقعهم في مشاكل أو عواقب، البيئة دي أفضل نموذج ليها إن انت شخصيا تكون بتعمل كده.
 
كقائد إنت مش مطلوب منك تكون دكتور نفسي لكل موظف عندك ولكن إظهار تعاطفك مع الموظفين بخصوص أي شيء بيمروا بيه بطريقة متوازنة ومن غير أي تطفل منك ده دايما هيخلي فريقك يظهر أفضل إمكانياته وقدراته.


مقالات مشابهة

المزيد
مدير ممتاز.. بس قائد معتقدش!
مدير ممتاز.. بس قائد معتقدش!

  كتير مننا في الشغل بيقابل مديرين ممتازين جداً بس

إزاي تكون مدير مبيعات ناجح في 6 خطوات!
إزاي تكون مدير مبيعات ناجح في 6 خطوات!

في فرق كبير بين كونك شخص ناجح في شغلك وبتعرف تشتغل كويس

عبدالغفور البرعى.. رائد أعمال بالفطرة
عبدالغفور البرعى.. رائد أعمال بالفطرة

  كل الأسر المصرية بلا إستثناء إتفرجت علي المسلسل

إزاي تبقى قائد فاشل ؟؟!!
إزاي تبقى قائد فاشل ؟؟!!

    للأسف بنلاقي كتير من أصحاب المشاريع بيكون

الأكثر قراءة

المزيد
صفات المدير الناجح ج1
صفات المدير الناجح ج1

ما هي أهم صفات المدير الناجح ؟ من أهم صفات المدير

صفات المدير الناجح ج4
صفات المدير الناجح ج4

من أهم صفات المدير الناجح 7- تعيين الكفاءات مهارة

صفات المدير الناجح ج2
صفات المدير الناجح ج2

من صفات المدير الناجح 3- العدل من أهم الصفات التي يجب

صفات المدير الناجح ج3
صفات المدير الناجح ج3

من أهم صفات المدير الناجح   5- الذكاء الاجتماعي من

كيفية التعامل مع الموظف العنيد
كيفية التعامل مع الموظف العنيد

إزاي تتعامل مع الموظف بتاعك اللي مش قادر يتقبل أي

إزاي تكون مدير مبيعات ناجح في 6 خطوات!
إزاي تكون مدير مبيعات ناجح في 6 خطوات!

في فرق كبير بين كونك شخص ناجح في شغلك وبتعرف تشتغل كويس

الموظف المتميز.. أحيانا ما ينفعش يبقى مدير!!
الموظف المتميز.. أحيانا ما ينفعش يبقى مدير!!

بتبدأ حياتك المهنية من منصب صغير في الشركة إلي بتشتغل

فهيم افندى..
فهيم افندى.. "الرجل الثاني"

    النهاردة هنتكلم عن شخصية تانية من شخصيات

عبدالغفور البرعى.. رائد أعمال بالفطرة
عبدالغفور البرعى.. رائد أعمال بالفطرة

  كل الأسر المصرية بلا إستثناء إتفرجت علي المسلسل