FB Instagram Twitter Youtube Linkedin المركزي يرفع الفائدة 2 | أكاديمية اعمل بيزنس
 
الرجوع الى المدونة

المركزي يرفع الفائدة 2

المركزي يرفع الفائدة 2

- لما حصلت الأزمة الإقتصادية العالمية في 2008 اللي بدأت في أمريكا بالرهن العقاري ....أمريكا وأوروبا خفضوا الفايدة لحد ما وصلت للصفر ... بل أكتر من كده سويسرا عملت فايدة علي العميل اللي يودع أكتر من 100 ألف دولار توصل ل نصف في المائة :) وده ادي إن الإقتصاد الأمريكي ومن بعده الأوروبي قدر يتخطي الأزمة ويتعافي ويوصل لمعدلات نمو ضخمه جدا .

- اللي حصل مع الفائدة البنكية إنها زادت 5% خلال 6 شهور يأكد ويدعم توصياتنا بعدم تعامل المشروعات الصغيرة والمتوسطة مع البنوك ...طبعا لو فيه حد واخد قرض وبيتحاسب علي فائدة البنك المركزي هاتزيد عليه تكلفة التمويل فقط 5% غير الزيادة في الخامات نتيجية زيادة سعر الدولار وزيادة الطاقة نتيجة تخفيض الدعم (كله ضرب ضرب وفيه شتيمه كمان :) ) يبقي المشروع فعلا بيعاني من ضغوط كتيرة جدا علشان كده نصحنا بعدم التوجه للبنك خاصة في بداية المشروع وفي الأوضاع الإقتصادية الصعبة .

- بالرغم من كل التحديات لكن يظل السوق جاذب للاستثمار خصوصا بعد انسحاب كثير من الشركات الأجنبية وارتفاع سعر المستورد بشكل كبير وانخفاض الجنيه المصري اللي أصبح جاذب للتصدير في أماكن كتيره والدليل إن الربع الأول من السنه زادت الصادرات المصرية بنسبة 15.3% وتراجعت الواردات بنسبة وانخفضت الواردات بنسبة 28% مما أدي لتراجع العجز التجاري بنسبة 46% ....

وفي النهاية إحنا قلنا قبل كده إن دائما فيه سوق لكن العبرة بانك بتقدم منتجك لأي شريحه وبتقدمه بأي شكل وفي أي وقت ... لو منتجك أو خدمتك كانت قوية ومنافسه يبقي لا تقلق من النجاح لكن لو خدمتك سيئة ومنتجك ضعيف حتى لو السوق قوي برضه هتفشل وربنا يوفق الجميع لتقديم خدمة جيدة ومنتج قوي

شارك المقال :