FB Instagram Twitter Youtube Linkedin
920033973
16342
article

الموظف المتميز.. أحيانا ما ينفعش يبقى مدير!!

May 02, 2019    

بتبدأ حياتك المهنية من منصب صغير في الشركة إلي بتشتغل فيها.. تجتهد في شغلك وتثبت نفسك ..وتبدأ تشق طريقك خطوة خطوة، لحد ما تترقى وتوصل لمنصب إداري كبير.. بالنسبة لأغلب الناس ده التطور الطبيعي للتقدم الوظيفي، بس النهاردة هنطرح سؤال غريب شوية: هل المناصب الإدارية دائمًا هي الخطوة الصح لتقدم الموظف الأعلى أداء والمتميز في شغله؟

بوست النهاردة بيعرض وجهة نظر مختلفة شوية، وبيشرح أسباب تخلي المدير ما يعينش الموظفين إلي أدائهم متميز في مناصب إدارية، وديه وجهة نظر ممكن ناس كتير تختلف عليها، لأن نسبة كبيرة شايفة إن الموظف الشاطر لازم مع الوقت يترقى في المناصب جوه الشركة.

الموظف الشاطر والمتميز مش بالضرورة يكون إداري شاطر، الذكاء والتميز في الشغل مش هيخليك تلقائي تكون مدير متميز.

ويمكن يكون هو ده السبب الرئيسي إلي يخلي أي مدير يتجنب تسليم الأدوار الإدارية العليا للموظفين المتميزين، ويقرر إنه لازم يسيب المناصب ديه للأشخاص إلي عندهم مهارات بناء فريق العمل ومهارات إدارة الأشخاص.

وعشان نفهم وجهة النظر ديه بشكل أفضل، خليني هنا أعرضلكوا بالتفصيل شوية الأسباب إلي تشرح الرأي ده:

 

1- المهارات الفنية والمهارات الإدارية مش بالضرورة مرتبطين ببعض:
الموظف المتميز بيكون عنده المهارات الفنية والذكاء اللازم للتفوق في الشغل إلي هو بيعمله حاليا، لكن الفهم الجيد لتقنيات الشغل وإزاي أنجح في البيزنس مش كفاية إنهم يخلوا الموظف ينجح في إدارة فريق عمل.

المديرين المحتملين المفروض يتعينوا بناء على مهاراتهم الإدارية والشخصية، مش قدراتهم التقنية والفنية.

حتى الموظفين المتميزين إلي عندهم بعض صفات القائد بالفطرة، برضه مش كفاية، لأنه الصفات إلي عندك بشكل تلقائي مش هتخليك قائد ناجح في إدارة فريق العمل، إنت برضه محتاج تتعلم صفات تانية كتير، زي: التعاطف والتفاهم، الوعي الذاتي، التواصل القوي، ومهارات التواصل مع الآخرين، التعاون، التفكير الاستراتيجي، الحسم، الصدق والشفافية، الأصالة والجدارة بالثقة.

 

2- الترويج لأفضل موظف عندك.. موضوع ليه عيوب:
شركتك هتستفيد لما يكون فيها موظف متميز وشاطر وبيعمل شغل هايل، ويكون برضه فيها موظف عنده مهارات إدارية وناجح في إدارة فريق العمل، طيب ليه مايفضلش الوضع كده، ليه ماتسبش كل واحد شاطر في حاجة في المكان إلي هو شاطر فيه؟

بعض الدراسات المتخصصة في الاستشارات وإدارة الأعمال بتوضح عيوب الترويج لأفضل موظف عندك، وإزاي إن الترقية للمناصب الأعلى بشكل تلقائي ليها تأثير سلبي على الموظف وعلى شغل الشركة.

والسبب في رأيهم إنك لما تكافئ موظف مبدع في مهنته، وترقيه لمنصب إداري أعلى وهو ماعندوش مهارات القيادة المطلوبة، ده هيكون ليه تأثير سلبي على أداء الموظف نفسه وبالتالي على الشركة ككل.

ممكن الموظف المتميز كقائد يعرف يمشي الأمور، ويخلي الوضع مستقر لفترة، لكن من غير مهارات القيادة المطلوبة.. أكيد فريق العمل هيجيله إحباط، وهيبدأوا يدوروا على مكان تاني يشتغلووا فيه.

طيب بعد ماعرفنا الأسباب إلي بيتبناها أصحاب وجهة النظر ديه، أكيد هيجي في بالنا سؤال مهم: الموظف المتميز والشاطر في شغله، طبيعي صاحب الشركة أو المدير يبقى عايز يقدره، لكن وجهة النظر إلي بنتكلم عليها بتعتبر إن ترقية الموظف ده لمنصب إداري أعلى ليه آثار سلبية، يبقى إيه بقى الحل؟

 

إزاي مدير الموظف المتميز يقدر يديله حافز يخليه يفضل في الشركة ويكمل أداؤه المتميز؟
فيه أكتر من حل أو طريقة زي: 
- زيادة المرتب.
- مسئوليات إضافية جوه القسم أو الجزء إلي هو متميز فيه.
- تغيير هيكل المؤسسة عشان يبقى أفقي أكتر منه رأسي، عشان التوسع الأفقي بيزود قوة الاتصال والمشاركة من الموظفين.

ومن خلال تنفيذ هيكل فريق أفقي، هيقدر كبار الموظفين يشاركوا في عمليات حل المشكلات واتخاذ القرارات، وهيحسوا بأهميتهم وقيمتهم أكتر، وبالتالي هتزيد جودة ومعدل إنتاجهم.

 

طبيعي وجهة النظر ديه تكون مختلفة وغريبة ومختلفة في نظر ناس كتير، بس في الوقت نفسه أصحاب الرأي ده قدموا حلول تانية نقدر بيها نقدر جهد الموظف المتميز.
إحنا كمان حابين نسمع رأيكوا ونعرف وجهة نظركم في الموضوع ده إيه؟
خصم 50% عند الإشتراك في أكاديمية إعمل بيزنس


مقالات مشابهة

المزيد

الأكثر قراءة

المزيد
صفات المدير الناجح ج1
صفات المدير الناجح ج1

ما هي أهم صفات المدير الناجح ؟ من أهم صفات المدير

صفات المدير الناجح ج4
صفات المدير الناجح ج4

من أهم صفات المدير الناجح 7- تعيين الكفاءات مهارة

صفات المدير الناجح ج2
صفات المدير الناجح ج2

من صفات المدير الناجح 3- العدل من أهم الصفات التي يجب

صفات المدير الناجح ج3
صفات المدير الناجح ج3

من أهم صفات المدير الناجح   5- الذكاء الاجتماعي من

كيفية التعامل مع الموظف العنيد
كيفية التعامل مع الموظف العنيد

إزاي تتعامل مع الموظف بتاعك اللي مش قادر يتقبل أي

إزاي تكون مدير مبيعات ناجح في 6 خطوات!
إزاي تكون مدير مبيعات ناجح في 6 خطوات!

في فرق كبير بين كونك شخص ناجح في شغلك وبتعرف تشتغل كويس

الموظف المتميز.. أحيانا ما ينفعش يبقى مدير!!
الموظف المتميز.. أحيانا ما ينفعش يبقى مدير!!

بتبدأ حياتك المهنية من منصب صغير في الشركة إلي بتشتغل

فهيم افندى..
فهيم افندى.. "الرجل الثاني"

    النهاردة هنتكلم عن شخصية تانية من شخصيات

عبدالغفور البرعى.. رائد أعمال بالفطرة
عبدالغفور البرعى.. رائد أعمال بالفطرة

  كل الأسر المصرية بلا إستثناء إتفرجت علي المسلسل