القواعد والنصائح مليانة فى كتب الإدارة والتسويق وكل ماله علاقة بالبيزنس .. لكن فى بعض النصائح المهمة اللى لازم متغفلش عنها أبدًا وتحطها دايمًا قدام عينيك أثناء مسيرتك فى عالم البيزنس والحياة بشكل عام ..

أول نصيحة إنك لما تساعد حد على تحقيق شئ معين فى الحياة ربنا هيكرمك وهيساعدك برضه ( ساعد غيرك هتلاقى اللى يساعدك ) .. هتحس بسعادة العطاء لأنك بتأدى رسالتك لغيرك .

تانى نصيحة إنك لازم تكون أمين مع نفسك وتكوف عارف نقط ضعفك كويس جدًا زى نقاط قوتك بالظبط .. هتلاقى الناس بتحب تتعامل معاك لأنك أمين مع نفسك قبل ما تكون أمين مع حد تانى .

تالت نصيحة إنك مش هتوصل للى أنت عاوزه او مش هتقدر تحق هدفك إلا من خلال العمل الجماعى .. فكرة البطل الأوحد منتهية تمامًا

رابع نصيحة ما تقارنش نفسك بحد .. إنت شخص مختلف تمامًا له أهدافه وطموحاته .. إنت مختلف

مهم إنك تبقى واثق من نفسك ومحترف فى عملك .. واحدة منهم مش كفاية ودى كانت خامس حاجة

تقدر تغير الظروف اللى حواليك وتحولها لنقطة إنطلاق ليك سواء على المستوى المهنى أو حتى على المستوى الإجتماعى وكل ده هيحصل من خلال التزامك بالنقط دى بشكل مستمر .

دى كانت روشتة سريعة ( المبادئ كتير جدًا ) كل واحد فينا عنده مبادئه الخاصة فى الحياة .. كونها وحافظ عليها وامشى بيها فى شغلك وعملك الخاص

وربنا يوفق الجميع