لو سمحت أنا بشتغل designer فى شركة بقالى 5 شهور ..

أنا حاسة بعدم تقدير مادي وحتى التقدير المعنوي قل وبدأت كمان أتكلف بحاجات أكتر من طاقتى ومن مسؤلية شغلى وبدأت بالفعل أدور على شغل تانى

أنا مشكلتى إنى مش عارفة أسيب الشغل ازاى من غير مشاكل ومن غير ما أخسر حد بجد الناس دى مهمة عندى اتعلمت منهم كتير بس أنا كمان نفسي أطلع خطوة لأنى لسة صغيرة وبتعلم و الشركة دى مش بتاعة اعلانات .. المشكلة ان المعاملة اتغيرت والشغل بقى كتير جداً مع خصومات وحاجات .. انا مش مادية والله بس أكيد كل شخص يحب ان يحس انه بياخد حقه .. صاحب الشغل نفسه معترف انى غيرت كتير في الشركة بس دلوقتى بدأ يضغط عليا كتير وبطريقة أوفر جداً .. وهل لو طلبت زيادة فى مرتبى مش حيخلي شكلى طماع أو مادي .. أعمل ايه ؟؟

وكانت الاجابة :

5 شهور فتره قصيرة قوى ومادمتى بتستفيدى وبتتعلمى يبقى خليكى معاهم وممكن تقعدي مع صاحب الشركة وتفهميه وتطلبى زيادة بشكل واضح وتفهميه انه فى حالة لم يستجيب انك هتدورى على شغل وانتى موجودة لحد مايلاقى حد مكانك وطلبك للزيادة مفيهوش مشكلة لأن الشغل شغل ..