بيقولوا كان فيه أرنب وأرنبه خلفو أرنب صغير فلقوه بيعرف يجري كويس فجابوله مدرب سباحه علشان يبقي بيعرف يجري ويعوم في نفس الوقت ...النتيجه إن الأرنب بقي بيعرف يجري ويعوم ...طيب لو كانوا جابوله مدرب يعلمه الجري ....كان ممكن يبقي بطل العالم في الجري من هنا بدأت نظرية الميزة التنافسيه أو Competitive Advantage إن كل واحد فينا عنده ميزه لازم يهتم بيها وينميها ويركز عليها ودي اللي هاتخليه يبقي متميز ويكسب منها كويس ويبقي الأرنب يجري ويبقي بطل العالم في الجري والتماسيح تعوم علشان تاخد ميداليات في السباحه .

-علي مستوي الأفراد شفت ناس كتير بتهدر مواهبها اللي هي متميزه فيها جدا وبدل ما تهتم بيها وتنميها بتهدرها جريا ورا حاجه تانيه وفي النهايه بتفشل في الاتنين زي مثلا لما تلاقي حد كويس قوي بيشتغل في المبيعات وموهوب وتتوقعله نجاح باهر وتلاقيه هو نفسه عمال ياخد كورسات علشان يشتغل في الموارد البشريه مثلا وفي النهايه بيفشل في الاتنين حتي لو حقق نجاح بسيط في التانيه .

-علي مستوي الدول هتلاقي هولندا واحده من أكتر الدول دخلا للفرد بتعتمد علي الزراعه بحوالي 70% من إقتصادها بينما ألمانيا اللي هي رابع أكبر إقتصاد في العالم بتعتمد علي الزراعه بأقل من 1% ....طيب ليه هولندا لم تتمرد علي الوضع وقالت لأ يا جماعه أنا لازم أنتج من الإبره للصاروخ ؟؟؟ وأدخل مجال الصناعه وأبقي قلعه صناعيه عالميه؟؟ لماذا ألمانيا لم تتمرد علي الوضع وقالت أنا لازم أنتج غذائي ومن لا يمتلك غذائه لا يمتلك قراره ؟؟؟

عايزين نفهم ؟؟ سواء علي مستوي الشركات أو الأفراد أو حتي الدول لازم يبقي عندك ميزه تنافسيه مش مهم هي إيه ممكن تبقي دوله سياحية فقط أو زراعية فقط أو صناعية أو حتي تعتمد علي النقل والخدمات المهم إنك يبقي عندك حاجه تخليك مميز وتجيب منها دخل تعيش بيه عيشه كريمه ...

نفس الكلام علي الأفراد شوف انت متميز فيه إيه مش الناس بتقول إيه واتقنه كويس سواء طلعت رئيس مجلس إدارة أو واقف علي عربية فول مفيش فرق المهم إنك تتقنه وتطور نفسك فيه هتلاقيه محققلك عيشه كريمه.

وفي النهايه (دع الأرانب تجري والتماسيح تعوم

انتهت الحلقة