920033973
16342
article

شركات نجحت بعد ان واجهت الفشل!

April 10, 2019    

كل شركة ناجحة بيبقي في وراها بداية صعبة، عقبات، أزمات، لكن الشغف والحماس بيخلوا الشركات دي تكمل طريقها رغم كل العقبات اللي بتواجهم، هنتكلم في البوست ده عن أشهر 3 شركات تعرضوا لفشل ولكنهم حولوا الفشل ده لنقطة قوة وحققوا نجاح وبقوا من أهم الشركات العالمية.

3 شركات فشلت ثم نجحت

من الخطأ الشائع والمنتشر بين الناس، أنهم فاكرين إن النجاح بيحصل على شكل منحنى تصاعدي وبخطوات واضحة ومفهومة، لكن الحقيقة عكس كده خالص؛ النجاح بيحصل على منحنى متقطع فيه أوقات بيكون الأداء منخفض جدًا، وفيه أوقات بيكون الأداء في أقصى أوقاته، وبين ده وده بيمر أى صاحب عمل بحالات مختلفة من الفشل والنجاح، واللي بتكون مترابطة وكل منها بيؤدى للأخر بصورة أو التانية.

هتسألنى إزاي، هقولك إن كل فشل هو في الحقيقة خطة لتنفيذ النجاح بطريقة صحيحة، أنت لما تفشل أنت بتعرف أنت غلطت فين وعملت ايه رتب للخطأ ده وازاي هحل ده وازاي اتجنب غنه يتكرر من جديد؛ فبعض رجال الأعمال الناجحين بيشوفوا إن الفشل أصلًا خدمهم أكتر من نجاحتهم بكتير.

تعالوا نشوف 3 حالات شركات فشلت ثم نجحت وإزاى كان الفشل هو المحرك الاساسي ليهم للنجاح

1- والت ديزني "Walt Disney" 

زي ما معظمنا عارف إن والت ديزني هو صاحب واحدة من أكبر شركات وسائل الإعلام والترفيه في العالم ، ومختص في عمل رسوم متحركة ومن أشهرهم ميكي ماوس و بطوط، والت ديزني من الشخصيات اللي قدر يوصل للي عايزه ويحقق أحلامه بشكل كبير ولكنه زيه زي اي شخص قابل بعض الصعوبات والعقبات والانتقاد من الآخرين لدرجة ان الناس اللي حوله كانوا بيتهموه انه صاحب أفكار فقيرة وما عندوش أي افكار جديدة.

على الرغم من كل ده أنشأ العلامة التجارية والت ديزني أول ستوديو للرسوم المتحركة وكان ليه شركاء ولكن انسحبوا من الشراكة لانهم حسوا ان الامر مش سهل ومحتاج مجهود عالي ومش هاينجح من الأساس ، ومع ذلك كمل ومستسلمش وقرر انه يتنقل هو وأخوه لـ هوليوود ، وفعلاً هناك أسسوا ستوديو ديزني براذرز اللي هو حالياً ستوديوهات والت ديزني.

بعد ما أسسوا الاستديو ده قرروا يتنقلوا للخطوة التانية وهي انهم بدأوا يبحثوا عن الرسوم المتحركة وقعدوا يختاروا الشخصيات الكارتونية اللي هتظهر وفعلاً نجحوا وظهر لأول مرة ميكي ماوس في رسوماته الكارتونية. واللي حقق نجاح باهر بمجرد صدوره وكان أول بصمة حقيقية لشركة ديزني في عالم الأعمال.

اللى نتعلمه من القصة دي إن على الرغم من إن ديزني أتعرض للسخرية والانتقاد وشركائه انسحبوا وسبوه ولكن فضل يعافر ومستسلمش ومانسحبش مع أول عقبة قابلته، بل بالعكس ده دفعوا أكتر إنه يثبت إنهم غلطوا في قرارتهم ومسك لواء قيادة الشركة لوحده وقدر يحولها من شركة فاشلة لواحدة من أكبر الشركات المتخصصة في الصور والرسوم المتحركة في العالم.

2- شركة فورد للسيارات.

أكبر مثال لرجل أعمال ناجح هو "هنري فورد" مؤسس شركة فورد للسيارات وليه الفضل في استخدام إنتاج خط التجميع في تصنيع السيارات، في بداية إنشاء الشركة واجهت الشركة مشكلة وهي إن أول تصميم اتعمل للعربية ماكنش ده إللي متفق عليه ده غير كمان إن تكلفتها كانت عالية جداً ، فقرر انه يعيد تصميمها مرة تانية والأمر ده خلي شركاءه والمستثمرين يغضبوا منه.

على الرغم من ده كله ماستثلمش وقرر انه يعيد التصميم ولكن المستثمرين ماكنوش صابرين وقعدوا يضغطوا عليه علشان يبعت العربية لـ خط الانتاج وهو رفض، فما كان من الشركاء إلا إنهم تخقوا عنه وفضوا الشراكة شركائه، بل أن البعض غالى في اعتراضه إنه راهن إنه مش هينجح وقعدوا يحبطوا فيه.

ابس لحسن الحظ أثبت فورد سوء تقديرهم للأمور وخطائهم ولاقى شريك في فترة زمنية قصيرة، ومن خلال تعاونهم قدروا يؤسسوا شركة كاديلاك للسيارات اللي هي بقت شركة فورد دلوقتي، واللى ساعد فورد إن شركته تكبر وتتوسع إن شريكه كان مديله مساحة من الحرية والمرونة في الإنتاج، وده الل يخلاه يقدر يبدع بسهولة وهو مش حاسس عليه قيود مستمرة أو تهديد زي الشركاء السابقين.

ومن هنا إتعلم فورد انه ياخد الوقت الكامل علشان يعمل الحاجة اللي عايزها ومايسمحش لأي حد مهما كان إنه يضغط عليه لأن كان من الممكن جداً إنه يستسلم ويوافق وكان هيأدي لـ نتائج سلبية، عشان كدة ممكن يكون إختيارك للشريك بتاعك هو من الأساس النقطة الجذرية اللي سببت المشكلة وبمجرد ما تقدر تحدد النقطة دي وتواجهها وتعالجها هتقدر تقوم من تاني على رجليك وتساعد المشروع أنه ينمو وينتشر.

3- شركة هيرشي للشيكولاتة.

شركة هيرشي للشيكولاتة من أشهر الشركات إللي بتنتج أنواع مختلفة من الشيكولاتة زي " تويكس وسنيكرز ومارس وغيرهم " بدأت القصة إن رجل الأعمال هيرشي كان حلم حياته إن يكون عنده مصنع حلويات، في الأول خد فلوس من أخت والدته وكانت بمقدار100 دولار والمبلغ ده سنة 1876 كان مبلغ كبير مش صغير، وبالفعل بعد ماخد الفلوس بدأ في عمل شركة لتصنيع الحلويات الخاصة به ولكنه فشل وخسر وباع الشركة وقرر انه يسافر مع والده لتعدين الفضة،.

اكتشف وهو مسافر مع والده في كولورادو إن المكون السري علشان يكون الكارميل حلو هو الحليب الطازج، فقال خلاص كده أنا عرفت السر أنا هفتح شركة تانية بقى واستخدم الحليب الطازج، ولكن مرة أخرى فشلت الشركة برضة وقفلها وبعدها حاول أكتر من مرة وفشل برضو، ونتيجة لفشله المستمر أهله رفضوا إنهم يساعدوه، ولكن ماستلسمش ، قعد يحاول بكذا طريقة لحد ما لقى ممول يموله المشروع بتاعه ووفرله سكن كمان وبالفعل المشروع نجح وأسس هيرشي شركة لانكستر كاراميل اللي حققت نجاح مبهر وأصبحت الأن شركة هيرشي.

وده بدوره يعلمك إن الفشل عمرة ما كان النهاية لأى مشروع حتى لو اتكرر كتير، كل مرة تقدر تستفيد من التجربة الاخيرة وتحسن اللي بعديها لحد ما توصل للنسخة النموذجية من الفكرة اللي حابب تحققها.

في النهاية نحب نقول إنك لو واجهت أي صعوبات أو ضغوطات أو أي حاجة سلبية ممكن تأثر عليك حاول تعديها وماتخليهاش تأثر عليك ولا على مشروعك، كمل وحاول بدل المرة ألف، السبب الرئيسي في فشل الشركات الناشئة هي إن القائمين عليها ماحاولوش إنهم يصبروا ولا حاولوا إنهم يجربوا طرق تانية علشان ينجحوا

تقدر تعرف أكتر عن أسباب فشل الشركات الناشئة من خلال زيارة الكورس المخصصليها على منصتنا الاحترافية، وتقدر كمات تزور قسمي ريادة الأعمال والإدارة، واللي من خللهم هتلاقي كل الموارد اللي هتاحتها مش بس عشان تنشئ شركة ناشئة ناجحة، لا كمان تبقي مدير وقائد جيد الكل بياخدوا قدوة وبيحبوا يتبعوه.

 


مقالات مشابهة

المزيد
5 شركات نجحت خلال الأزمات الاقتصادية
5 شركات نجحت خلال الأزمات الاقتصادية

من الطبيعي أن تواجه الشركات تحديات كبيرة خلال فترات

كيف قاد مرض السارس علي بابا للنجاح
كيف قاد مرض السارس علي بابا للنجاح

 البقاء للأقوى... اشتهر هذا القانون باعتباره

صفات القائد الناجح
صفات القائد الناجح

دكتور مجدي يعقوب محبوب جداً بسبب إنسانيته الغير

قصة نجاح لويس فون آن
قصة نجاح لويس فون آن

إذا أردت النجاح في عالم "البيزنس" فالمفتاح هو أن تمتلك

الأكثر قراءة

المزيد
صفات القائد الناجح
صفات القائد الناجح

دكتور مجدي يعقوب محبوب جداً بسبب إنسانيته الغير

شركات نجحت بعد ان واجهت الفشل!
شركات نجحت بعد ان واجهت الفشل!

كل شركة ناجحة بيبقي في وراها بداية صعبة، عقبات، أزمات،

5 شركات نجحت خلال الأزمات الاقتصادية
5 شركات نجحت خلال الأزمات الاقتصادية

من الطبيعي أن تواجه الشركات تحديات كبيرة خلال فترات

قصة نجاح فوري من التأسيس للبورصة
قصة نجاح فوري من التأسيس للبورصة

في الكام يوم اللي فاتوا كان خبر طرح شركة "فوري" لـ36% من

قصة نجاح سليمان الراجحى
قصة نجاح سليمان الراجحى

واحد من أصحاب قصص النجاح العربية اللى بنقدمها وهو

الفشل هو نقطة إنطلاق لا مفر منها
الفشل هو نقطة إنطلاق لا مفر منها

النجاح بعد فشل 39 مرة الفشل هو نقطة إنطلاق لا مفر منها

قصة نجاح تويوتا – ج1
قصة نجاح تويوتا – ج1

تويوتا .. من صناعة النسيج إلى صناعة السياراتهنكلم

قصة نجاح ديور في مجال الموضة
قصة نجاح ديور في مجال الموضة

هنتكلم النهاردة عن قصة نجاح ماركة عالمية فى مجال

قصة نجاح عاصم علام مالك نادي هال سيتي الإنجليزي
قصة نجاح عاصم علام مالك نادي هال سيتي الإنجليزي

النهاردة هنتكلم عن قصة نجاح جديدة و شخصية نفتخر بها فى