920033973
16342
article

شركة المراعى

January 02, 2017    

هنتكلم النهاردة عن قصة نجاح لشركة عربية متخصصة فى مجال منتجات الألبان وهى "شركة المراعى" السعودية .. تعالو نعرف إزاى الشركة دى إتبنت و إزاى كبرت ووصلت للنجاح  

أول حاجة لازم نعرفها عنها إنها شركة مساهمة سعودية بتشتغل فى مجالات كتير منها الزراعة و الألبان و المواد الغذائية و هى موجودة فى السعودية ولها فروع فى دول الخليج العربى كمان .

بدأت "شركة المراعى" سنة 1977 على يد الأمير "سلطان بن محمد بن سعود الكبير" لما عرف أهمية تطوير صناعة الألبان فى المملكة العربية السعودية و مستمر فى إدارتها برضه لحد دلوقتى .

قدر الأمير "سلطان بن محمد بن سعود" فى فترة زمنية قصيرة إنه يبنى و يطور مشروعات زراعية متنوعة و بكفائة عالية و طبعًا ده علشان يوصل لهدفه اللى محدده من البداية.

بدأت الشركة بإنتاج الحليب الطازج و بسرعة تم توسيع الإنتاج ليشمل مزارع الألبان الحديثة و المصانع المتقدمة .

فى بداية التسعينيات دخلت "شركة المراعى" مرحلة جديدة فى إعادة تنظيم و تخطيط إستثماراتها و ده علشان يقدرو يوصلو لهدفهم بسرعة أكبر و كان هدفهم واضح جدًا وهو تقديم أفضل المنتجات بأسعار منافسة ليتمكن المستهلك من الإستمتاع بمنتجات عالية الجودة و بأسعار مناسبة .

و فعلا نجحت "شركة المراعى" بتحقيق هدفها ده ببناء و تشغيل مجمعها الأول للصناعات الغذائية ليحل مكان خمسة مصانع مستقلة كانت موجودة, و معاه قدرت تنشئ أربع مزارع كبيرة لتحل مكان عشر مزارع صغيرة .

و مش بس كده كمان "شركة المراعى" حاولت تسعى لتوفير إحتياجاتها من الأعلاف و ده كان عن طريق إستثمارها فى مزارع كبيرة فى الأرجنتين لتوفير الأعلاف من الخارج عشان توصل تدريجيًا لكافة إحتياجاتها منه .

بدأت كمان "شركة المراعى" فى إنشاء مصنع للأجبان و العصائر فى أواخر 2005 و أضافت مزرعتين أبقار عملاقتين, و فى نفس السنة حصل تحول لشركة المراعى من شركة خاصة إلى شركة مساهمة مسجلة فى سوق الأسهم السعودى للأوراق المالية, و بدأ يزيد عدد مساهمى المراعى و اللى وصل عددهم دلوقتى حوالى 125,000 مساهم .

لازم نعرف كمان إن "شركة المراعى" كان ليها دور قوى فى دعم الشباب السعودى و حرصهم على تهيئتهم للعمل فى القطاع الخاص و قطاع الأغذية بالتحديد و علشان كده قامت بإنشاء المعهد التقنى للألبان و الأغذية لتهيئة و تدريب الشباب السعودى فى صناعة الغذاء و تزويدهم بالعلوم و المعارف و المهارات للحصول على أفضل الفرص فى سوق العمل السعودى, و المعهد كان بيستوعب 600 طالب و يخرج 200 طالب سنويًا .

 

زى ما إحنا عارفين إن مفيش مجهود بيضيع و طالما عملت بجهد أكيد هتنجح

وكانت نتيجة المجهود الكبير ده هو حصول "شركة المراعى" على شهادة "الآيزو" للجودة سنة 20099 و كانت من أوائل الشركات فى العالم التى تحصل على الشهادة دى.

نتمنى إننا نشوف نماذج عربية مشرفة وناجحة زى شركة ألبان المراعى

خصم 50% عند الإشتراك في أكاديمية إعمل بيزنس


مقالات مشابهة

المزيد
قصة نجاح هوندا
قصة نجاح هوندا

هوندا .... عندما تقودك الصُدفة إلى غزو السوق! بعد

قصة نجاح عظيم بريمجي
قصة نجاح عظيم بريمجي

من زيوت الطهي للبرمجة ...قصة نجاح "عظيم بريمجي" زي ما

قصة نجاح الطفلة ميكايلا أولمر
قصة نجاح الطفلة ميكايلا أولمر

بسبب قرصة نحلة.. ميكايلا أولمر مديرة تنفيذية في سن الـ

قصة نجاح هابي أور نوت
قصة نجاح هابي أور نوت

تجربة سيئة لطفل.. تتحول لشركة تكسب الملايينهل ممكن

الأكثر قراءة

المزيد
صفات القائد الناجح
صفات القائد الناجح

دكتور مجدي يعقوب محبوب جداً بسبب إنسانيته الغير

شركات نجحت بعد ان واجهت الفشل!
شركات نجحت بعد ان واجهت الفشل!

كل شركة ناجحة بيبقي في وراها بداية صعبة، عقبات، أزمات،

5 شركات نجحت خلال الأزمات الاقتصادية
5 شركات نجحت خلال الأزمات الاقتصادية

من الطبيعي أن تواجه الشركات تحديات كبيرة خلال فترات

قصة نجاح فوري من التأسيس للبورصة
قصة نجاح فوري من التأسيس للبورصة

في الكام يوم اللي فاتوا كان خبر طرح شركة "فوري" لـ36% من

قصة نجاح سليمان الراجحى
قصة نجاح سليمان الراجحى

واحد من أصحاب قصص النجاح العربية اللى بنقدمها وهو

الفشل هو نقطة إنطلاق لا مفر منها
الفشل هو نقطة إنطلاق لا مفر منها

النجاح بعد فشل 39 مرة الفشل هو نقطة إنطلاق لا مفر منها

قصة نجاح تويوتا – ج1
قصة نجاح تويوتا – ج1

تويوتا .. من صناعة النسيج إلى صناعة السياراتهنكلم

قصة نجاح ديور في مجال الموضة
قصة نجاح ديور في مجال الموضة

هنتكلم النهاردة عن قصة نجاح ماركة عالمية فى مجال

قصة نجاح عاصم علام مالك نادي هال سيتي الإنجليزي
قصة نجاح عاصم علام مالك نادي هال سيتي الإنجليزي

النهاردة هنتكلم عن قصة نجاح جديدة و شخصية نفتخر بها فى