FB Instagram Twitter Youtube Linkedin
إعمل بيزنس... حيث تحقق أهدافك المهنية عبر تدريب سهل وفعال!
تم النشر في August 28, 2022

صاحب بالين كداب

كيف يمكنك إنشاء عروض تقديمية مقنعة تبهر زملائك وتثير إعجاب مديريك؟ اكتشف ذلك من خلال دليلنا المتعمق حول العروض التقديمية لتجربة المستخدم.

صاحب بالين كداب

 

النهاردة هنتكلم عن النوع التالت من استراتيجيات الاستهداف وهو انتاج منتج واحد لكل الشرايح أو بنسميها ال "product specialization"

يعنى الشركة هنا أو قسم التسويق بيقدم منتج واحد بيناسب كل الشرائح المستهدفة باختلافاتها .. طب زى ايه مثلاً ؟

هنلاقى ان منتج زى الميكروسكوب مثلاً بيستهدف الجامعات والمعامل التجارية والشركة المنتجة هنا بتنوع فى خصائص المنتج عشان يناسب كل شريحة على حسب احتياجاتها .

مثال تانى ملح الطعام اللى بيناسب كل الفئات أو لو نفتكر زمان شركة "باتا" اللى كانت بتنتج منتج واحد بس لكل الشرايح والفئات .. فئات الرجالة, فئات الستات, فئات الشباب, فئات الأطفال الخ ..

لكن لا يفضل الإعتماد على الاستراتيجية دى عند القيام بعملية التسويق لأن فى شوية مخاطر ممكن تواجهها زى مثلاً ظهور تكنولوجيا جديدة بالكامل ممكن تكون بديلة للتكنولوجيا الموجودة فى المنتج وبالتالى ده معناه انهيار المنتج لو ما تمش تطويره عشان يقدر يواكب التطور الموجود زى "باتا" اللى بقت نادرة فى السوق بشكل كبير .

مشكلة كمان ممكن تواجه اللى بيعتمد على الاستراتيجية دى انه لو مش بيراقب العادات الشرائية اللى بتتغير عند المستهلك بشكل مستمر ممكن يوصل فى مرحلة معينة إن منتجه ميبقاش متوافق مع الشريحة دى بسبب تطور سلوكها أو تغيره وبرضه معناه انكماش الطلب على منتجه تمهيداً للاستغناء عنه بالكامل والبحث عن بديل مناسب .

تابعونا فى الحلقات اللى جاية عشان هنكمل بقية استراتيجيات الاستهداف وربنا يوفق الجميع