FB Instagram Twitter Youtube Linkedin صفات رجل الأعمال | أكاديمية اعمل بيزنس
 
الرجوع الى المدونة

صفات رجل الأعمال

صفات رجل الأعمال

-من أهم صفات أي رجل أعمال هي المرونة

الدوله دلوقتي بتحجم الاستيراد وفيه ناس ليها باع وخبره كبيره بالاستيراد طيب ايه الخيارات اللي ممكن يعملوها ؟؟؟

1 - إنه يقعد يشتم في الحكومه وينعي حظه السيء ...

2 - يكمل في البيزنيس ده بكل مشاكله ووجع دماغه وعدم الاستقرار.

3 - إنه يخرج من البيزنيس ده خالص ويضيع سنين الخبرة ويتجه لبيزنيس تاني خالص ويبدأ من جديد

4 - إنه يستخدم خبرته بالدورة الكامله لعملية الاستيراد ويقلبها لعملية تصدير وبدل ما يجيب بضاعه مصر ياخد بضاعه من مصر ويخرجها لكل أنحاء العالم (أفريقيا-أوروبا-أمريكا)

5 - إنه يستخدم شبكة علاقاته القائمه ويستورد بس بدل ما يجيب البضاعه من الصين لمصر يجيبها من الصين لأفريقيا أو أوروبا أو يضحي بمكسب كونتاينر ويطلع علي أمريكا ويستورد من الصين لأمريكا وهايلاقي هناك سوق ضخم وإجراءات أقل تعقيدا (اللي يسلك مع السوق المصري يسلك مع أي مكان في العالم )

-دي حلول مهمه جدا إننا نخرج خالص من الصندوق ومن فكرنا الضيق ومن طريقة شغل واحده اتعلمناها ومش عايزين نغيرها ....غرب أفريقيا فيها شغل كويس ..وسط افريقيا فيها شغل كويس ...عندي صديق بيصدر لجيبوتي (الدوله الصغيره اللي مش باينه علي الخريطه فيها شغل كويس)

-المهم إن الشغل كتير بس إحنا زانقين نفسنا في حته واحده ياريت نسعي ونغير فكرنا علشان ربنا يكرمنا

شارك المقال :