FB Instagram Twitter Youtube Linkedin على الطاير ج1 | أكاديمية اعمل بيزنس
 
الرجوع الى المدونة

على الطاير ج1

على الطاير ج1

1- أى واحد عايز يفتح مصنع لازم قبل ما يفتح المصنع يشترى بضاعة من اللي عايز يصنعها لأن الحركة دي هاتنقله نقلة كبيرة وهيعرف إيه عيوب المنتجات المصنعة وإيه هي مميزاتها وهتحط نفسك مكان العميل وهتفهم جداً العميل كيفية تفكير العميل النهائي والتاجر اللي المفروض يشترى منك وهتوفر عليك فلوس ووقت كتير جداً جداً جداً وده عن تجارب كتير علي الصفحة كل اللي أخد خطوة التصنيع بعد التوزيع نجح جداً بعكس اللي بدأ من الأول كمصنع تعب جداً علي ما يفهم عقلية التاجر والعميل النهائي

2- لو أى حد بيشتغل في مجال وأخد قرار يعمل بيزنس فيه وقرر إنه يعمل دراسة جدوى لازم يفهم إن الدراسة دى استشارية بمعني إنه هو نفسه لازم يبقي عنده القدرة مثلاً علي توقع المبيعات نتيجة خبرته ....ولو مقدرش يتوقع المبيعات يبقي يأجل خطوة إنه يفتح بيزنس لأن اللي هيعمله دراسة جدوى هيروح لحد خبرة يتوقعله المبيعات ..... فلازم انت خبرتك تكون قادرة علي إنك تتوقع أي حاجه مصروفات مبيعات مشاكل ...إلخ .

3- أي حد بيتخرج بيشتغل في شركة علشان يتعلم مش علشان يكسب لأن المكسب في النهاية هو انك تاخد خبرة وتكسب مجال تكمل فيه باقي عمرك وتكسب منه فلوس بعد كده يعني بتكسب مهنة Career .... أنا عارف إنك تعبت في التعليم لمدة 16 سنة وعندك أمل إنك تعتمد علي التعليم ده وتشتغل بيه لكن للأسف الكلام ده مش صحيح إعتبر تعليمك ده معلومات عامه Background ولازم تبدأ رحلة جديدة وتحط لنفسك 5 سنين تكتسب فيها مهنة تشتغل عليها باقي عمرك ... لازم تضحي في الأول علشان تكسب في الأخر

- دى أسئلة مكررة بتجي علي رسائل صفحتنا على الفيس بوك هبدأ أنزلها بالتتابع علشان الجميع يستفيد وربنا يوفق الجميع

شارك المقال :