920033973
16342
article

على الطاير ج2

September 14, 2017    

1- الكاش مهم جداً في أي شركة مش علشان بس القرش صياد وممكن تستخدمه في عمل صفقات ممتازة لكن علشان وجوده بيخليك تتحرك وانت متطمن وبيحميك من تقلبات السوق الكتير ...الناس اللي بيصعب عليها الكاش ويقولك لازم يدور دايماً فكر في إن الدنيا مش بتدور علي طول ...أحد مقاييس قوة شركتك هي إنك هتصمد أد إيه في السوق لو الدنيا وقفت معاك ؟ يعني لو السوق وقف معاك كاش يكفيك أد إيه لحد ما السوق يتحرك ؟ 3 شهور ؟ 6 شهور ؟ سنه ؟ سنتين ؟ كل ما تزيد المدة كل ما كانت شركتك شرك قوية

2- زي ما حذرنا من إن المشروع التجاري مهم إنه لا يعتمد علي مورد واحد علشان لو حصلت مشكلة بينك وبين المورد مشروعك لا يتأثر تأثر كبير ...برضه بنحذر من التعامل مع عدد موردين كبير جداً لأن ده بيخليك صغير مع كل الموردين ومفيش حد منهم هيعملك خاطر أو حساب في حالة حدوث مشكلة أو حتي لو فيه نقص في البضاعة هتبقي أول واحد هيتم استبعاده لأنه هيشتري خاطر العميل اللي بيسحب منه بضاعة بكميات أعلي ... بلاش مورد واحد وبلاش 12 مورد .... ممكن يبقوا 3 مثلاً ده رقم مثالي

3- فيه مميزات إنك تشتغل مع المورد كبير ورقم 1 زي إنه ثقة ودايمًاً عنده البضاعة وأصنافه كتير وممكن يبقي عنده ائتمان أكبر لكن ممكن يبقي عنده شوية عيوب من ضمنها إن مهما كبر معدل السحب هتفضل عميل صغير بالنسبه له وإهتمامه بيك مش هيبقي كبير ودي مميزات إنك تشتغل مع مورد صغير لكنه نشيط وعايز يكسب ودك دايماً بأسعار أفضل وبإهتمام عالي وبحرص عليك وعلشان كده قالو Bigger is not Better يعني مش لازم المورد الكبير يبقي أفضل من المورد الصغير فعلشان كده ممكن تنوع موردينك ومش لازم دايماً تشتغل مع رقم واحد لأنه أحياناً وبالذات في مصر الشركات لما بتكبر بيبقي رد فعلها بطيء وأخطائها بتكتر وبتتحول شيئاً فشيئاً إلي سلوك اشبه بالقطاع العام ودي حاجة ليها مميزاتها وليها سلبياتها وربنا يوفقكم جميعا


مقالات مشابهة

المزيد
على الطاير ج5
على الطاير ج5

1- الوضع الإقتصادي سيظل دائما عامل من عوامل النجاح في

على الطاير ج3
على الطاير ج3

1- أي حد بيفتح مشروع لازم يتفرغ له ...مفيش حاجه إسمها

الأكثر قراءة

المزيد
على الطاير ج2
على الطاير ج2

1- الكاش مهم جداً في أي شركة مش علشان بس القرش صياد

على الطاير ج4
على الطاير ج4

1- دراسة الجدوى بتنقسم ل 3 أقسام ...دراسة فنية ودراسة

على الطاير ج5
على الطاير ج5

1- الوضع الإقتصادي سيظل دائما عامل من عوامل النجاح في

على الطاير ج3
على الطاير ج3

1- أي حد بيفتح مشروع لازم يتفرغ له ...مفيش حاجه إسمها

على الطاير ج6
على الطاير ج6

1- لا يقلل من قيمتك أبدأ كصاحب عمل أو مدير أو قائد فريق

على الطاير ج1
على الطاير ج1

1- أى واحد عايز يفتح مصنع لازم قبل ما يفتح المصنع يشترى