1- أي حد بيفتح مشروع لازم يتفرغ له ...مفيش حاجه إسمها أصلي هفتح جنب شغلي ولما يقف علي رجلية هبقي أستقيل وأتفرغ له لأنه عمره ما هيقف علي رجلية غير في وجود صاحب المشروع لأن المشروع في البداية بيبقي عامل زي الطفل محتاج رعاية وعناية وتغذية علشان يكبر وممكن بعد ما يكبر يبقي تفرغك ليه أقل ....لكن في البداية كل أصحاب المشروعات بيحكوا إنهم كانوا بيوصلوا ل 16 ساعة عمل في اليوم علشان يقدروا يبنوا كيان ...إنت ممكن تشتغل شغل خاص جنب شغلك لكن لو قررت تفتح مشروع يعني إيجار شهري وموظفين لابد من التفرغ والتركيز الشديد علي الأقل أول 24 شهر من بداية المشروع .

2- تاني يا جماعة نكرر كل مشروع جديد له دورة لابد إنه يمر بيها حتي تصبح إيراداته أكبر من مصروفاته ويدخل ربح ....الدورة دي ممكن تبقي 6 شهور وممكن تصل لسنتين علي حسب الصناعة ورأس مال المشروع وحجمه ...ياريت واحنا بنعمل دراسة قبل ما نفتح نتفائل ونضع حسابات إننا هنغطي مصاريفنا بعد 3 شهور وبعد كده نقفل بعد 3 شهور ونخسر كل حاجه واحنا لو كنا كملنا 6 شهور مثلاً كنا وصلنا لل Break Even أو نقطة التعادل اللي بعدها نكسب ...ياريت نعمل حسابنا من الأول علي وقت طويل ونصبر ولا نتعجل لأن فيه ناس بتقفل وهما علي وشك إنهم ينجحوا بسبب حسابات غلط.

3- مش كل أصحاب الأفكار قادرين علي إدارة شركات ومش كل أصحاب رؤوس الأموال قادرين علي إدارة الشركات ...ومش كل الشركاء قادرين علي إدارة الشركة وحتي لو كلهم قادرين مينفعش كلهم يديروا في نفس الوقت لازم نتفق علي واحد فقط يدير ممكن يكون واحد من الشركاء أو واحد من غير الشركاء أصحاب الخبرة والعلم الإداري ...وبعد ما يتعين لازم ياخد وقت ومهام ونتايج مستهدفة واضحة وتوقيتات للمتابعة ومش كل يوم يلاقي واحد من الشركاء بيزوروه ويحاسبه ويوجهه ويغير له في المستهدفات او التوقيت او حتي رؤية الشركة ....لو جاديين في إنجاح الشركة لابد من تحجيم تدخل الشركاء في الإدارة والإكتفاء بالمحاسبة كل فترة زمنية محددة

وبالتوفيق للجميع

على الطاير ج3

مقالات مشابهة

على الطاير ج5

على الطاير ج2

الأكثر قراءة

على الطاير ج2

على الطاير ج4

على الطاير ج5

على الطاير ج3

على الطاير ج6

على الطاير ج1