FB Instagram Twitter Youtube Linkedin على الطاير ج4 | أكاديمية اعمل بيزنس
 
الرجوع الى المدونة

على الطاير ج4

على الطاير ج4

1- دراسة الجدوى بتنقسم ل 3 أقسام ...دراسة فنية ودراسة تسويقية ودراسة مالية.... أصعب قسم وأكثرهم تكلفه هي الدراسة التسويقية اللي المفروض إنها تتنبأ بحجم الطلب والحصة التسويقية اللي ممكن المشروع يستحوذ عليها مع تحديد حجم الحملة التسويقية لتحقيق الحصة التسويقية المستهدفة

2- دراسة الجدوى الحقيقية مكلفة جداً ومعني الحقيقية يعني اللي بتعمل دراسة سوق جادة وليست الدراسة الجاهزة اللي بتتكلف 5 أو 10 ألاف ج ودي بغرض تقديمها لبنك أو الصندوق الاجتماعي للتنمية علشان تاخد قرض وانت في النهاية مش هتطبق ما جاء في الدراسة ....دراسة الجدوى الحقيقية بتتغير في تفاصيل مشروع وبتحط شروط للنجاح وممكن في النهاية تخلص مثلاً إن رأس المال المستثمر لن يحقق العائد المرجو لأنه قليل بالتالي لا جدوي من إقامة المشروع

3- المشروعات الصغيرة والمتوسطة (في رأيي) لا تحتاج دراسة جدوى لأنه ليس من المنطقي إنك تدفع 100 أو 200 ألف ج لعمل دراسة جدوي حقيقية من رأس مال مليون أو اتنين مليون يعني ما ينفعش تبقي الدراسة 10 أو 20 % من المشروع والصواب هو قيام صاحب المشروع بعمل دراسة سوق ودراسة جدوى جاده بعد تعلمها بشكل جيد (مش لازم يبقي ممتاز لأنك مش هتتخصص إنت بتتعلم علشان تعمل دراسة مره واحده ) واحنا قبل كده اتكلمنا عن إزاي تعمل دراسة سوق في سلسلة مكتوبة ومصورة .

4- لو اضطريت إعمل دراسة تسويقية عند مكتب محترم وأعتقد هتوفر من 40% إلي 50% من سعر الدراسه الكلي .

5- في الأسواق الناشئة Developing Markets زي مصر التنبؤ بالمستقبل بيكون صعب جداً نظراً لعدم الاستقرار السياسي والاقتصادي فخللي بالك دراسة الجدوى ممكن تكون مبنية علي توقعات معينة وكل التوقعات تنهار أمام قرارات إقتصادية تعبر عن تغيرات سياسية مستمرة .

6- خطة العمل أو ال Business Plan هي خطة تنفيذية يتم تنفيذها بعد الانتهاء من دراسة الجدوي وأخذ قرار واضح بتنفيذ المشروع .

وربنا يوفق كل مجتهد والسلام عليكم ورحمة الله وبركاته

شارك المقال :