FB Instagram Twitter Youtube Linkedin على الطاير ج5 | أكاديمية اعمل بيزنس
 
الرجوع الى المدونة

على الطاير ج5

على الطاير ج5

1- الوضع الإقتصادي سيظل دائما عامل من عوامل النجاح في مصر طول ما هي دولة نامية Developing country والدليل الكثير من الشركات المتوسطة والصغيرة اللي بتنشأ في ظل الوضع ده وبتحقق نجاح ضخم واللي بنعرضها كل أسبوع علي موقع أكاديمية إعمل بيزنس وبيتوقف النجاح والفشل علي التجديد وقوة الإدارة وإتقان المنتج أو الخدمة والسوق دائماً في حاجة مستمرة طالما فيه 100 مليون شخص في حالة نشاط واستهلاك العبرة بإنك هتستهدف مين وإزاي وبأي منتج

2- مش كل الأفكار الممتازة قابلة للتطبيق علشان كده العلم الحديث في الإدارة بيشدد على تطبيق الأفكار في نطاق ضيق قبل إطلاقها كمشروع تجاري Prototype وبيعتبر ده أفضل وبديل عن دراسة الجدوى ودراسة السوق ويعتبر أفضل ما قرأت في هذا الموضوع كتاب اسمه The StartUp Owner's Manual وده كتاب أمريكي صادر سنة 2014 وبيشرح باستفاضة ليه لازم نستغنى عن دراسة الجدوى ونستبدلها بنموذج مصغر وإزاي نكبر النموذج ده وأنا شخصياً إتبعت الأسلوب ده من 2012 وحققت بيه نجاح كبير وهكتب بوست طويل أحاول ألخص أهم ما جاء في الكتاب .

3- لو إنت شاب وعندك فكرة مشروع ومتحمس للفكرة ... حاول إنك تحط أولوية لتنفيذ الفكرة عن إمتلاكها ... يعني ليس من الضروري إنك تعمل شركة وتبقى صاحبها ممكن تبقى شريك في الشركة ولو بجزء بسيط أو حتى تبقى مدير للشركة لأنك لو لم تنفذ الفكرة نتيجة لشروطك ممكن لا تدخل عالم البيزنس أبداً وتفضل منتظر وقت طويل على أمل إن حد يتبناها ... إنما لو أصبحت شريك فيها حتي لو ب 10% ده معناه إنك هتدخل عالم البيزنس وتتعلم كيفية تحويل الأفكار لواقع حقيقي ولشركة تجارية بتكسب أو تخسر وبعد كده هاتلاقي أفكار كتير ووقتها هيبقى لديك من الخبرة والتمويل اللي يجعلك تعمل الفكرة من الألف للياء دون الحاجة لمساعدة خارجية أو بمشاركات بسيطة من الخارج  .....

وربنا يوفق الجميع

شارك المقال :