920033973
16342
article

على الطاير ج6

September 14, 2017    

1- لا يقلل من قيمتك أبدأ كصاحب عمل أو مدير أو قائد فريق إنك تاخد رأي فريقك قبل أي قرار سواء داخلي أو خارجي لأن ده هيديلك مساحة تفكير ورؤية أعمق وفي نفس الوقت هيعطي إحساس للفريق بأهميته وهيساهم في تهيئتهم نفسياً لتنفيذ القرار فيما بعد.

2- في كثير من القرارات أنا شخصياً بقول أنا شخصياً موافق لكن هاخد رأي المدير المالي أو مدير التسويق أو مدير الموارد البشرية أو مدير المبيعات وبعد أخذ رأيهم برد بالرفض فبلاقي استغراب من الطرف اللي برد عليه وأحياناً تهكم وأحياناً استفزار بسؤال (هو مين المدير؟؟) فبرد أنا المدير لكن هو بيفهم أكثر مني في الجزئية دي وده مش عيب تماماً ولو فيه مدير بيعمل كده وقلقان يتأكد إن ده الصح والموضوع ده تحديداً أنقذني من مشاكل كتير وتجاهل أخذ رأي فريق العمل أوقع بي في مشاكل أكبر .

3- كثير من المديرين عندهم مشكلة في التعامل مع أفراد من الفريق أكثر منهم علماً أو خبرة أو مهارة وبيعتبروهم تهديد دائم ليهم وده بيأدي لمحاولة الضغط عليهم بغرض (تطفيشهم) وده بيعطي للمدير إحساس بالإطمئنان إن لا يوجد في الفريق من هو أكثر خبرة منه أو معرفة أو مهارة وده بيؤدي إن دايماً أداء الفريق في النازل وبيعمل إحباط لدى الفريق وعدم رغبة في التطوير خوفاً من الإضطهاد أو الإقصاء ... كتب القيادة الحديثة بتهتم جداً بالموضوع ده وبيتكلموا إن من المهم لأي فريق إنه يحتوي علي أفراد أكثر تميزاً من مدير الفريق لأنه طبعاً بيقوي الفريق وبيجعله أكثر كفائة وأقل عرضة للفشل وفيه صفحات بتناقش كيفية تعامل المدير مع الأفراد الأكثر تميزاً من المدير وكيفية الإستفادة منهم بدلاً من إعتبارهم تهديد وهنكتب بوست قريباً عن الجزئية دي تحديداً لكن لابد إننا ننبه وننصح المديرين باستغلال وجود المتميزين في الفريق والإستفاده منهم وجعل تميزهم يصب في مصلحة الفريق بدلاً من الحرب والتضييق عليهم وخنقهم وبكده بنخصم من قوة الفريق بدلاً من الزيادة في قوة الفريق .... وكل عام كلكم بخير وأمان وسعادة


مقالات مشابهة

المزيد

الأكثر قراءة

المزيد
على الطاير ج2
على الطاير ج2

1- الكاش مهم جداً في أي شركة مش علشان بس القرش صياد

على الطاير ج4
على الطاير ج4

1- دراسة الجدوى بتنقسم ل 3 أقسام ...دراسة فنية ودراسة

على الطاير ج5
على الطاير ج5

1- الوضع الإقتصادي سيظل دائما عامل من عوامل النجاح في

على الطاير ج3
على الطاير ج3

1- أي حد بيفتح مشروع لازم يتفرغ له ...مفيش حاجه إسمها

على الطاير ج6
على الطاير ج6

1- لا يقلل من قيمتك أبدأ كصاحب عمل أو مدير أو قائد فريق

على الطاير ج1
على الطاير ج1

1- أى واحد عايز يفتح مصنع لازم قبل ما يفتح المصنع يشترى