4- الريادة في السوق: قبل ما تعمل المشروع اللي بتحلم بيه إعرف انت هتنافس مين!! يعني ايه الكلام دة؟

البيزنس عالم كبير جداً وعشان تدخل فيه لازم تعرف هتدخل السوق ازاي وهتنافس مين لان مش سهل تعمل مشروع وتكون شركة تانية هي الرائدة فيه من زمان جداً غير لو انت هتعرف إزاي تنافسها وتتغلب عليه..

عشان تدخل منافسة مع شركة رائدة في سوق معين وتاخد من الحصة السوقية بتاعتها موضوع مرهق جداً لأي شركة مبتدأه لان اي شركة رائدة في سوق معين بيكون عندها قاعدة كبيرة جداً من العملاء الخاصيين بيها أو اللي عندهم loyalty ليها ودة اللي إتكلمنا عنه في اول عائق و"هو الانتماء الي العلامة التجارية"

دة غير انك في البداية بتكون مواردك المالية ضعيفة ومش حمل إنك تنزل بمنتج وتصرف على تطويره عشان تقدر تنافس الرائد اللي موجود في السوق!!

التطوير عامل مهم جداً لاي شركة سواء رائد في مكانك أو لأ ودة اللي خلى شركة نوكيا تضيع في سوق الموبايلات بعد ماكانت الشركة الرائدة في السوق من حيث عالم الموبايلات.. بس شركة نوكيا توقفت عند حد معين وممكن نقول استكفت أو كسلت و قالت ان مفيش حد ممكن يدخل السوق عليها بس دة اللي حصل وشركة نوكيا توقفت عن التجديد والتطوير ودة خلى منافس ليها دخل السوق طوّر المنتج بطريقة مبتكرة وخد منها كل الحصة السوقية تقريباً!! فى الحالة دى صعب جداً لشركة انها تكون رائدة على شركة غير لو حصل إنهيار زي انهيار شركة نوكيا.