FB Instagram Twitter Youtube Linkedin غلطات ممكن تخلص على مشروعك | أكاديمية اعمل بيزنس
 
الرجوع الى المدونة

غلطات ممكن تخلص على مشروعك

غلطات ممكن تخلص على مشروعك

 

بنشوف كتير ناس أصحاب مشاريع بيكونوا واخدين خطوات صحيحة وكويسة في تنفيذ المشروع لكن بسبب غلطة والاستمرار فيها المشروع ده بيقع ؛ منها على سبيل المثال:
1- من زمان ولحد دلوقتي في ناس بتعتمد على مبدأ المكسب القليل والبيع كتير، للأسف على مدار السنين اللي فاتت المبدأ دا طلع غلط، لأن للأسف إنت بتستنى كتير على أعصابك عقبال ماتبيع كمية كبيرة من البضاعة ؛ ولو محققتش مبيعات كتير في مرة بتكون في موقف صعب جدا، مينفعش تقلل في السعر لدرجة إنك تقلل من مكسبك لدرجة تخليك واقف دايماً واقف ما بين حافة المكسب وحافة الخسارة.
 
2- كتير بنشوف واحد يكون معاه فلوس عاوز يحطها في مشروع فيفتح ماركت علشان هو شايف إن الناس اللي فاتحة ماركت في الشارع شغالين كويس وبيكسبوا وماشيين بمبدأ مفيش حد ما بياكلش وبناء على المبدأ ده فهو متأكد إن أي مشروع بيقدم اكل مبيخسرش سواء ماركت او هايبر او مطعم ؛ مع إنه لو فكر شوية وشاف الناس محتاجة إيه ويفتح مشروع مخصوص يلبي بيه إحتياجاتهم هيكسب أضعاف اللي بيكسبة الماركت، ودا لأن الناس في الشارع اكيد عندها حالة تشبع من تعدد محلات الماركت، لكن لما تكون إنت أول واحد بيقدم الخدمة ومفيش منافسين ليك العملاء مش هيكون عندهم إختيار في التعامل سوى معاك إنت.
 
3- مفيش اهتمام بحركة توزيع وبيع المنتج وشكله وصورته فإيد العميل، كتير بنشوف منتجات شكلة وحش كدا بسبب التصميم السئ للعبوة ودا اللي بيدي إيحاء للعميل بإن المنتج ردئ ؛ مع إنه ممكن يكون العكس.
 
4- إختيار أماكن التوزيع تعتبر من الحاجات المهمة واللي بسببها لازم تكون فاهم العميل بتاعك كويس، من فترة شوفنا شركة جديدة بتقدم مشروبات الطاقة بس أقل من المنافسين ليها في السوق ؛ الغريب في الشركة إنها حبت تستغل الموضوع السعر ده وتنزل منتجاتها في مناطق شعبية جداً معروفة إنها غير مهتمة بالمنتجات دي ؛ وفعلا استمر الحال زي ماهو والناس مشترتش المنتج لأن ببساطة إن الشركة لما خفضت في سعر المنتج برضك فضل المنتج سعره غالي بالنسبة لشريحة الزباين اللي بينزلهم المنتج، وفعلا بسبب الغلطة دي الشركة خسرت جامد لحد ماجه رجل أعمال واشتراها وبدأ يعدل ويصلح في المشاكل. 
 

شارك المقال :