920033973
16342
article

فريق الأحلام - ج1

December 31, 2016    

أى فريق عمل وهو بيتكون أيا كان حجمه أو طبيعته بيمر ب 4 مراحل رئيسية ومهم جدًا نتعرف عليهم علشان نعرف نكون فريق عمل أو حتى لو احنا جزء من فريق العمل نتعلم نتفاعل صح .

أولا مرحلة الإنشاء أو ال Forming ودي بتبقي عاملة زى الخطوبة كدة الكل مؤدب الكل إيجابي البعض بيبقي متوتر لأنه مش عارف هايعمل ايه كويس والبعض متحمس لبداية جديدة .

من المهم إن قائد الفريق يحاول يعرف الفريق على بعضه يحاول إنه يشرح كويس طبيعة الشغل بعد كده لأن مهام الفريق لسه مش واضحه مع الفريق.

ثانيا مرحلة الاقتحام أو ال Storming ودي المرحلة اللى معظم فرق العمل بتفشل فيها ودى بيظهر فيها الاختلاف الكبير بين أعضاء الفريق لأن كل واحد جاي من بيئة عمل أو من خلفية ثقافية مختلفة عن التانى وفيها بقى بيظهر إن بعض الناس بيقاوم المهام اللي واخدها والبعض بيحاول ياخد صلاحيات أكبر من المحددة وهكذا ودى مرحلة فيها خناقات وشد بين أعضاء الفريق وقائدهم أو بينهم وبين بعض ولازم المدير أو قائد المجموعة يبقى حازم وفي نفس الوقت بيعرف كل واحد مهامه وبيحفظهاله كويس وبرضه غالبًا علشان الفريق يكمل ويشتغل صح لازم يتم استبعاد واحد أو اتنين فى المرحلة دى علشان مايأثرشى علي الفريق بعد كدة .

ثالثا مرحلة وضع القواعد أو ال Norming دلؤقتى الفريق اتعرف ببعضه وبدأ كل واحد يبقى واخد علي التانى شوية وممكن كمان يكون خرج معاه اتغدوا وفطروا سوا وبدأوا يساعدوا بعض ويقفوا جنب بعض ويطلبوا المساعدة من بعض ودى مرحلة وضع قواعد صارمة والبداية على التعرف على الأهداف (فيه فرق بين المهام والأهداف).

رابعا مرحلة الأداء والتألق أو ال Performing دى بقى مرحلة تحقيق الأهداف ومرحلة إن الفريق يشيل شغل تقيل من غير ما يشتكى ولا يظهر فيه تضارب فى المهام والفريق فى الوقت ده بيتحرك كفريق مش كأفراد .

المشكلة إن نتيجة الجهل وغياب المعلومة بنلاقى فرق بتتكون وصاحب القرار عايزهم ينطوا للمرحلة الرابعة من غير ما يمروا بال3 مراحل الأولانية وده بيقود للفشل فلازم نبقى فاهمين طبيعة تكوين الفرق وامتى نطلب منها نتائج وامتى تبقى النتائج دى باهرة.


مقالات مشابهة

المزيد
ازاي تخلي الموظف ليه انتماء للشركة
ازاي تخلي الموظف ليه انتماء للشركة

عايز موظفين مبدعين.. غير نظام الإجازات زمان كان

ترتيب جلوس الموظفين .. بيفرق في الإنتاجية؟
ترتيب جلوس الموظفين .. بيفرق في الإنتاجية؟

كل الشركات بتدور وتبحث عن الطرق والوسائل اللي ممكن

مراحل تكوين فريق العمل ج2
مراحل تكوين فريق العمل ج2

بالإشارة لموضوع مراحل تكوين فريق العمل إللى هما 4

مراحل تكوين فريق العمل ج1
مراحل تكوين فريق العمل ج1

أى فريق عمل وهو بيتكون أيا كان حجمه أو طبيعته بيمر ب 4

الأكثر قراءة

المزيد
ادارة الصراع بين فريق العمل - ج1
ادارة الصراع بين فريق العمل - ج1

إدارة الصراع بين فريق العمل داخل الشركة .... مفيش حد

تعرف على أساليب وطرق استقطاب الكفاءات البشرية لشركتك
تعرف على أساليب وطرق استقطاب الكفاءات البشرية لشركتك

"الشخص المناسب في المكان المناسب" مبدأ يدور حوله عملية

ادارة الصراع بين فريق العمل - ج2
ادارة الصراع بين فريق العمل - ج2

اتكلمنا فى حلقة قبل كده عن ضرورة وجود منافسة وأحيانًا

دليلك المختصر لفهم أهمية تدريب وتطوير الموظفين 
دليلك المختصر لفهم أهمية تدريب وتطوير الموظفين 

في ظل المنافسة الشرسة بين الأسواق، أصبح الحصول على

فريق الأحلام - ج2
فريق الأحلام - ج2

بالإشارة لموضوع مراحل تكوين فريق العمل إللى هما 4

مراحل تكوين فريق العمل ج1
مراحل تكوين فريق العمل ج1

أى فريق عمل وهو بيتكون أيا كان حجمه أو طبيعته بيمر ب 4

فريق الأحلام - ج1
فريق الأحلام - ج1

أى فريق عمل وهو بيتكون أيا كان حجمه أو طبيعته بيمر ب 4