920033973
16342
article

فكرة مشروع

October 16, 2017    

أنا عندى فكرة مشروع هايلة بس ناقصنى التمويل .... أنا فيه فى دماغى مشروع بس مش لاقى حد يمولنى .... أنا قلت المشروع بتاعى لكذا واحد وقعدوا يضحكوا عليا .... كل دى تعليقات أنا بسمعها كل يوم تقريبًا لناس عندهم أفكار وبيدوروا على حد يمولهم طبعًا مش هايلاقوا ولو لاقدر الله لقوا حد يمولهم غالبًا هايفشلوا ليه ؟ لأن مفيش خطة واضحة فتعالوا كده نفهم مراحل بناء أى مشروع إللى جزء منها التمويل .

مبدئيًا مفيش حد أهبل وبيرمى فلوسه دى حاجة مهمه جدًا تفهمها علشان متتعبش نفسك وتحرق فكرتك اللى ممكن تتسرق وإنت بتحكيها لكذا واحد ولازم برضه تفهم إن الناس مش علشان عجبها فكرة أو اقتنعت بالفكرة وبيك يبقى هاتمولها ... فبلاش نفكر تفكير ساذج وتعالوا نقول إزاى نبنى مشروع وإزاى نجيب تمويل كأحد مراحل بناء أى مشروع ..

- مراحل إنشاء أى مشروع :-

1 - مرحلة ما قبل الإنشاء وتشمل :-

 

- الفكرة وتطويرها وعرضها ومعرفة إمكانية تنفيذها من عدمه .
- دراسة الجدوى (دراسة فنية - دراسة تسويقية - دراسة مالية) . 
- خطة عمل Business Plan .

2- مرحلة إنشاء المشروع وتشمل :-

 

- الحصول على التمويل .
- كتابة عقد الشركة .
- الحصول على المكان وتجهيزه .
- الحصول على البطاقة الضريبية والسجل التجارى (شهادة ميلاد الشركة) .

3- مرحلة التشغيل وفيها يبدأ المشروع فى الإنتاج ودى بقى بنكمل فيها المشروع للنهاية .

الموضوع شكله كبير لكن ممكن يتبسط ويتعمل على مستوى بسيط نقدر نعمله كلنا .

هانبدأ إن شاء الله فى المرحلة اللى جاية نشرح ببساطة كل مرحلة من المراحل دى وهانقول إزاى ننفذها وياريت كل واحد ياخد أى بوست ويبدأ يطبقه علشان نوصل لمرحلة إننا نعمل خطة عمل نقدر نقنع بيها أى مستثمر سواء فرد أو مؤسسه إنهم يمولونا ويثقوا فى الدراسة وفينا كأشخاص محترفين 

والله الموفق والمستعان .


مقالات مشابهة

المزيد
مشروعي الناشئ.. في القرية ولا العاصمة؟
مشروعي الناشئ.. في القرية ولا العاصمة؟

لو أنت من شباب المحافظات البعيدة عن العاصمة اللي

ازاي تبدأ مشروعك .. التخطيط
ازاي تبدأ مشروعك .. التخطيط

بعد ماشرحنا ازاي نختار فكرة أي مشروع ناجح والعناصر

الأكثر قراءة

المزيد
ازاي تبدأ مشروعك .. خطة العمل أو Business Plan
ازاي تبدأ مشروعك .. خطة العمل أو Business Plan

أول حاجة عشان تبدأ مشروع لازم تعمل إعداد خطة العمل

حتى لا تخسر أموالك، إليك 9  أفكار مشاريع محلات تجارية مربحة وغير مكلفة 
حتى لا تخسر أموالك، إليك 9  أفكار مشاريع محلات تجارية مربحة وغير مكلفة 

في ظل عالم يتطور بسرعة سريعة لا تتوافق مع الدخل الثابت

ازاي تبدأ مشروعك .. الفكرة
ازاي تبدأ مشروعك .. الفكرة

النهاردة هنبدأ معاكوا سلسلة عن ازاي تبدأ مشروعك ..

ازاي تبدأ مشروعك .. التخطيط
ازاي تبدأ مشروعك .. التخطيط

بعد ماشرحنا ازاي نختار فكرة أي مشروع ناجح والعناصر

20 سؤال وجواب في البيزنس والتسويق
20 سؤال وجواب في البيزنس والتسويق

يواجه رواد الأعمال وأصحاب المشاريع الناشئة العديد من

فكرة مشروع
فكرة مشروع

أنا عندى فكرة مشروع هايلة بس ناقصنى التمويل .... أنا فيه

كيفية بدء مشروع ناجح 1- الفكرة
كيفية بدء مشروع ناجح 1- الفكرة

في الفترة الاخيرة جتلنا أسئلة كتير جداً شكلها يبدو

إزاي تحول فكرتك لمشروع قائم!
إزاي تحول فكرتك لمشروع قائم!

10 خطوات لتحويل فكرتك لمشروع قائمأكتر سؤال بيجيلنا

ببساطة .. الإجراءات والأوراق المطلوبة لتأسيس شركتك
ببساطة .. الإجراءات والأوراق المطلوبة لتأسيس شركتك

معظم رواد الأعمال واللي عاوزين يعملوا مشروع بيهتموا