FB Instagram Twitter Youtube Linkedin قصة نجاح بونجورنو | أكاديمية اعمل بيزنس
 
الرجوع الى المدونة

قصة نجاح بونجورنو

قصة نجاح بونجورنو

درس جديد فى السوق ، امبارح شركة نستلة العالمية استحوذت على شركة كارفان اللى مالكة لبونجورنو، بونجورنو دى قصة كفاح ، خرجوا من رحم المنافس المحتكر للسوق فى مجال القهوة السريعة وأسسوا شركة توزيع مش انتاج علشان توزع النوع ده من المنتجات للغير وبعدها بدئوا يصنعوا لدى الغير ماركتهم ( بونجورنو) الكل وقتها قالك الناس دى بتنحت فى الصخر خصوصاً ان سعرها قريب نسبيا من نسكافيه العالمى اللى بتملكه نستله ، لكن بصبر ومثابرة نافسوا ، نستلة خاضت حرب قوية عشان توقفها ، لكنهم بامكانيات محلية بحتة وبدون مصنع عرفوا يهزوا عرش نستلة حرفياً.

النهاردة نستلة استحوذت بعد مفاوضات ٦ شهور على ١٠٠٪‏ من الشركة بصفقة توصل ٥٠٠ مليون جنيه رغم ان الرقم غير معلن، لو قيمنا رأس المال اللى بدأت بيه كارفان وهو ٥ مليون جنيه واتباعت ب٥٠٠ مليون يعنى أكثر من ١٠٠ ضعف خلال ١٣ سنة ، نستلة قررت الاحتفاظ بنفس العلامة وفصل الشركة فعلياً عن نستلة عشان فريقها يكمل طريقة ، بونجورنو أمل لكل شركة محلية خايفة من المنافس العالمى اللى فى السوق عافر حتى لو كانت امكانياتك قليلة

محمد هاشم

شارك المقال :