FB Instagram Twitter Youtube Linkedin
920033973
16342
article

قصة نجاح سليمان الراجحى

January 04, 2017    

واحد من أصحاب قصص النجاح العربية اللى بنقدمها وهو "سليمان الراجحى"
عمر النجاح ما كان مرتبط بدرجة علمية كبيرة لكن معادلة النجاح دايمًا ثابتة فى أى مجال من مجالات الحياة و عشان كده هنتكلم النهاردة عن واحد من أصحاب قصص النجاح دى وهو "سليمان الراجحي" صاحب أهم و أكبر بنك في السعودية "مصرف الراجحي"

تعالو نتعرف على قصته المميزة ورحلته الطويلة فى عالم البيزنس ..
هو إنسان عصامي بدأ من تحت الصفر و إتربى سليمان الراجحى فى أسرة فقيرة و مكملش تعليمه زى اخواته وكان يغيب عن المدرسة كتير بسبب حبه للتجارة ومكنش له رغبة في التعليم واكتفى لغاية سنة تانية ابتدائى بس.
بداية بسيطة ادت لنجاح غير مسبوق
بدأ يشتغل وهو عنده 9 سنين "حمال أمتعة" و كان بياخد أجر نصف قرش فى اليوم و الريال فى الوقت دة كان يساوى حوالى 22 قرش وبعد فترة انتقل ليعمل طباخ بواحدة من الشركات اللى كانت تعمل فى مشاريع الدولة، لكنه لم يستمر فيها كتير بسبب رفض الشركة زيادة مرتبه زي زملاؤه فى العمل.
اتجه سليمان الراجحى بعد كده للعمل بتجارة "الكيروسين"، لأن الكهرباء مكانتش معروفة فى الوقت ده ، وكان "الكيروسين" بييجى من برة المملكة في "تنكات" وتعبأ في قوارير، وكان بيكسب من التجارة دى قرش أو قرش ونص خلال اليومين.

دروس مستفادة من قصة نجاح سليمان الراجحى
سليمان الراجحى شخص لازم تتعلم منه الاجتهاد والعمل والمثابرة والصبر وجمع ثروته بجد وكد وعمل في طفولته ومراهقته وشبابه وكان أغلب وقت يومه يقضيه فى العمل .. ولغاية دلوقتى وهو عجوز وعمره 92 لسة بيقضي أغلب وقته في العمل .قصة كفاح "سليمان الراجحى" من أكثر القصص الى هتلاقى فيها عبر و دروس و مثابرة وإصرار اللى استمرت أكتر من 80 سنة فى عالم التجارة و اللى يقدر يتعلم منها كل واحد بيدور على النجاح .

أرقام عن مصرف الراجحى زى عدد فروعه وعدد العاملين بيه ورأس ماله وإزاى بدأ البداية الصعبة واللى بتكون العامل المشترك فى كل قصص النجاح اللى بنكتبها ..
المصرف إتأسس سنة 1987 و كان من أكبر الشركات المصرفية المساهمة و كان رأسمالها 15,000,000,000 ريال سعودى، وضوابط الشريعة الإسلامية هى اللى كانت تحكم تعاملات المصرف و إستثماراته، و اللى أسسها الأخوة صالح و عبدالله و سليمان و محمد بن عبد العزيز الراجحى.
"مصرف الراجحى" كان من المصارف اللى عندها أكبر قاعدة عملاء وكمان يضم 500 فرع و الفروع دى بيشتغل فيها أكتر من 8 آلاف موظف وبيمتلك أكبر شبكة فروع في المملكة ( 470 ) فرعًا .
فى سنة 1988 حصلت نقلة كبيرة أوى للبنك وتحول ساعتها لشركة مساهمة سعودية عامة، ده غير إنه دخل السوق الماليزية سنة 2006 و دلوقتى فى 19 فرع فى ماليزيا و بيخططو لزيادتهم فى المستقبل و افتتح أول فرع ليه فى الكويت وكان يعتبر وقتها "أول مصرف سعودى كويتى" .

تعالو بقى ناخد فكرة عن الجوائز اللى حاز عليها بنك الراجحى 
حاز البنك على مجموعة جوائز من مجلة "يوروموني" و "بنكرز" الآسيوية و دة كان للإنجازات اللى عملها البنك للأفراد و الشركات،و كان من ضمنها كمان أفضل تمويل لمجموعة مشاريع فى مجال الطاقة والبنية التحتية والإنشاءات والاتصالات مع تطبيق مبادئ و أحكام الشريعة الإسلامية، وكان من أهم وأكبر الجوائز اللى حاز عليها البنك كانت جائزة "الشيخ سالم الصباح" ودة كان لأفضل موقع لبنك تجارى فى العالم العربى .

وعلى الرغم من أن الشيخ "سليمان الراجحى" ماكملش تعليمه إلا إنه نجح فى إدارة الموظفين اللى أغلبهم يحمل شهادات و خبرات اقتصادية كبيرة .

حب العمل والتفاني والإخلاص والتحلى بالأخلاق الدينية الرفيعة عوامل نجاح أساسية لكل من يبحث عن النجاح والتميز فى حياته وربنا يوفق الجميع.

توفي سليمان الراجحى يوم 28 يونيو 2017 عن عمر يناهز 97 عاماً.

 

خصم 50% عند الإشتراك في أكاديمية إعمل بيزنس


مقالات مشابهة

المزيد
قصة حياة الشيخ صالح كامل
قصة حياة الشيخ صالح كامل

قصة حياة صالح كامل في 18 مايو 2020، رحل عن عالمنا واحد من

قصة نجاح إيمان عبد الشكور
قصة نجاح إيمان عبد الشكور

بفضل قوة عزيمتها وإرادتها الصلبة استطاعت أن تنتصر على

صفات القائد الناجح
صفات القائد الناجح

دكتور مجدي يعقوب محبوب جداً بسبب إنسانيته الغير

قصة نجاح لويس فون آن
قصة نجاح لويس فون آن

إذا أردت النجاح في عالم "البيزنس" فالمفتاح هو أن تمتلك

الأكثر قراءة

المزيد
صفات القائد الناجح
صفات القائد الناجح

دكتور مجدي يعقوب محبوب جداً بسبب إنسانيته الغير

شركات نجحت بعد ان واجهت الفشل!
شركات نجحت بعد ان واجهت الفشل!

كل شركة ناجحة بيبقي في وراها بداية صعبة، عقبات، أزمات،

5 شركات نجحت خلال الأزمات الاقتصادية
5 شركات نجحت خلال الأزمات الاقتصادية

من الطبيعي أن تواجه الشركات تحديات كبيرة خلال فترات

قصة نجاح فوري من التأسيس للبورصة
قصة نجاح فوري من التأسيس للبورصة

في الكام يوم اللي فاتوا كان خبر طرح شركة "فوري" لـ36% من

قصة نجاح سليمان الراجحى
قصة نجاح سليمان الراجحى

واحد من أصحاب قصص النجاح العربية اللى بنقدمها وهو

الفشل هو نقطة إنطلاق لا مفر منها
الفشل هو نقطة إنطلاق لا مفر منها

النجاح بعد فشل 39 مرة الفشل هو نقطة إنطلاق لا مفر منها

قصة نجاح ديور في مجال الموضة
قصة نجاح ديور في مجال الموضة

هنتكلم النهاردة عن قصة نجاح ماركة عالمية فى مجال

قصة نجاح تويوتا – ج1
قصة نجاح تويوتا – ج1

تويوتا .. من صناعة النسيج إلى صناعة السياراتهنكلم

قصة نجاح عاصم علام مالك نادي هال سيتي الإنجليزي
قصة نجاح عاصم علام مالك نادي هال سيتي الإنجليزي

النهاردة هنتكلم عن قصة نجاح جديدة و شخصية نفتخر بها فى