920033973
16342
article

كيف تجذب العملاء

September 17, 2019    

نفرض إنك بتبيع منتج أو خدمة "أونلاين"، وليكن كورس لتطوير أحد المهارات، عشان تعرف تبيع الكورس ده لازم تاخد عناوين البريد الإلكتروني بتاعت العملاء "المحتملين" اللي بيزورا موقعك عشان تسوقلهم المحتوى بتاعك من خلال البريد الالكتروني، وتشجعهم يشتروا الكورس.

وعشان معظم العملاء بيكون عندهم هواجس من ترك بيناتهم على المواقع أوبيكون موضوع تسجيل البيانات ده تقيل عليهم، فإنت بتقدملهم "real value" أو قيمة حقيقية تشجعهم إنهم يدولك بيناتهم أو يسجلوا على الموقع بتاعك، وده بيتم من خلال نماذج جذب العميل المحتمل ""lead magnets.

طيب النماذج ديه عبارة عن إيه؟! هي بالظبط زي الطُعم اللي بتصطاد بيه العميل لإنك بتقدمله عرض مجاني"related " بالخدمة أو المنتج بتاعك، وبتطلب منه تسجيل بياناته على موقعك (البريد الإلكتروني أو الاسم ورقم الهاتف) عشان ياخد العرض ده.

عشان كده الـ" lead magnets" بتعتبر أول"Call to action" للعميل، وهي اللي بتعلي معدلات التحول على موقعك conversion rates؛ لأنها بمثابة أول عملية بيع بتقوم بيها، وبالرغم من إنك مش بتاخد عائد مادي من وراها إلا إن العائد بيكون بناء الثقة بينك وبين العميل اللي بتمكنك إنك تسوقله منتجك عبر البريد الإلكتروني.

طيب يا ترى إيه أنواع نماذج جذب العملاء المحتملين، وإزاي استخدمها في موقعي ؟!
قبل ما نجاوب على السؤال ده لازم تعرف إن نماذج الجذب عشان تكون فّعالة وتشجع العملاء إنهم يستخدموها المفروض تمتاز بـ 3 حاجات:

• بتقدم قيمة عالية للعملاء real value.
• بتحللهم مشكلة ما بتواجههم بشكل فوري.
• بتوضحلهم العرض بتاعك بحيث لما يستخدموا نموذج الجذب يكون عندهم رغبة يشتروا منتجك.

بعد كده فيه مجموعة أنواع مختلفة لنماذج جذب العملاء المحتملين كل واحد منهم ليه خصائص ومميزات مختلفة تقدر تستخدمهم حسب طبيعة منتجك وجمهورك المستهدف:

1- فيديوهات التدريبTraining Videos: وده نموذج شائع جدًا وبتستخدمه لو بتعرض دروس "أونلاين" على موقعك، زي موقع "hear and play" لتعلم دروس الموسيقي اللي بيدي 4 دروس مجاني في البداية للعملاء بيقدرو يشفوهم بعد تسجيل بيناتهم، وبمجرد ما بيسجلوا على الموقع وبيشوفوا الدروس بيجيلهم رسايل بريد إلكتروني بكافة الدروس.

2- العيناتSamples: ودي أغلبها بتكون خاصة بمنتجات التجميل والعناية بالبشرة، وعندنا مثال شركة "Bio-essence Bio-energy Complex" لمستحضرات التجميل اللي بتدي عينات مجانية للعملاء اللي بيعملوا إعجاب لصفحتهم على الفيس بوك وبيتم توصيل العينات ليهم بعد تسجيل بيناتهم على الموقع، وبعد كده بيتم التواصل معاهم عن طريق البريد الإلكتروني لعرض المنتجات.

3- القوالب الجاهزة Templates: وهي عبارة عبارة عن Template جاهز بيحّمله العميل المحتمل من الموقع عشان يسهل عليه أداء مهمة ما، وده طبعًا بعد تسجيل بيناته.

زي النماذج بتاعت الـ CV اللي بتكون متاحة في المواقع اللي بتقدم خدمات في البيزنس وريادة الأعمال، وبتكون طريقة سهلة لالتقاط عناوين البريد الإلكتروني وبعد كده بيبعتوا للعملاء رسايل تسويقية ... وطبعًا فيه شركات كبيرة بتستخدم الطريقة دي أشهرهم جوجل من خلال " Official Google Ads Templates".

4- النسخه المجانية Trial: أغلب شركات البرمجة بتستخدم النموذج ده عشان تجذب العملاء يجربوا المنتج بتاعهم قبل شراؤه بشكل نهائي، والنسخه المجانية بتعتبر وسيلة فعالة جدًا لالتقاط عناوين البريد الإلكتروني، لأن العميل بمجرد ما بيسجل في البرنامج بيجيله رسايل بريد إلكتروني لشراء البرنامج وبعد ما النسخة التجريبة مدتها تنتهي ويكون تعرض لرسائل إعلانية كتير بيشتري المنتج في النهاية.

5- المسابقات Quizzes: ودي من أكتر نماذج الجذب اللي بتجيب نتايج إيجابية ومعدل استخدمها بيوصل 32% من بين الـ lead magents ، على سبيل المثال شركة "care of" للأدوية بتعمل اختبارات للعملاء عشان يشوفوا إيه أكتر منتج مناسب ليهم وبعدين بيبعتوه ليهم بسهولة.

6- كوبونات وأكواد الخصم Coupons/Discount Codes: عبارة عن خصومات بتديها للمشتريين بتوعك من خلال أكواد بينسخوها ويستخدموها عند الدفع، زي كوبانات الخصم اللي بتعملها متاجر الملابس والأحذية الأونلاين، وبتعتبر من الأدوات المهمة لالتقاط عناوين البريد الإلكتروني وكمان بتعللي الــ convertion rate.

7- قوائم المراجعة Checklist: ودي زي أدلة إرشادية لأداء مهمة ما، وبتسهل أداء المهام متعددة الخطوات وبتعتبر من الأدوات المهمة لبعض المهن زي قوائم المراجعة اللي بتتعمل مخصوص للطيارين والأطباء وغيرهم ... أيًا كان مجالك إيه ممكن تقوم بإعداد قائمة مراجعة بسهولة وهتكون فكرة ذكية جدًا وسهلة لالتقاط عناوين البريد الإلكتروني للعملاء، مثلا لو بتقدم خدمات في مجال التسويق ممكن تعمل قائمة مراجعة لكيفة عمل إعلان لبوست على الفيس بوك، وبمجرد ما العملاء يسجلوا بيناتهم هتستخدم عناوين البريد الإلكتروني في التسويق لمنتجك.

8- الكتب الإلكترونية EBooks: غالبًا إعدادها بيكون بسيط، ممكن تاخد مجموعة مقالات من على موقعك حول موضوع ما وتنسقهم كويس وتحطهم في كتاب ودي حاجة هتكون مفيدة جدًا والعملاء هيقدورها.

والكتب ممكن تنفع في حالة إنك بتقدم خدمة أونلاين وليكن أحد الكورسات، ممكن تجمع محتوي ليه علاقة بالكورس في كتاب إلكتروني وتعرضه على موقعك وبمجرد ما العملاء اللي بيدخلوا على موقعك ويحملوه هتلاقي عندك مجموعة من عناوين البريد الإلكتروني تقدر تستغلها في التسويق لمنتجك.

9- الندوات Webinars: ودي من الأدوات المهمة جدًا لالتقاط عناوين البريد الالكتروني، زي الندوات المجانية اللي بيعملها موقع Marketo"" للعملاء اللي بيزورا الموقع، وبيطلب تسجيل البيانات، وبعد كده بيقدر يسوقلهم باقي المنتجات من خلال البريد الإلكتروني.

نماذج جذب العميل المحتمل متعددة، وحاولنا في بوست ال نهاردة نشرحلكم أهمها بشكل مبسط، وإنت عليك تختار الأنسب منهاللبيزنس بتاعك، عشان تلاقي نتيجة فّعالة.

خصم 50% عند الإشتراك في أكاديمية إعمل بيزنس


مقالات مشابهة

المزيد

الأكثر قراءة

المزيد
12 نصيحة للترويج لعيادة 
12 نصيحة للترويج لعيادة 

 التسويق للعيادات أمر صعب جدًا وخصوصًا لو ملكش أي

مشاكل التسويق وحلولها
مشاكل التسويق وحلولها

 تتعرض الشركات لكتير من المشاكل التسويقية العصيبة،

مفهوم تقسيم السوق
مفهوم تقسيم السوق

تقسيم السوق أو الـ Segmentation من أكثر المصطلحات الهامة

إزاي تعمل براند ؟ 1
إزاي تعمل براند ؟ 1

هنبتدي النهارده معاكم سلسلة مقالات بعنوان إزاي

إزاي تعمل خطة تسويقية في 7 خطوات!
إزاي تعمل خطة تسويقية في 7 خطوات!

أهمية الخطة التسويقية : كتير من أصحاب المشاريع - وخاصة

دليلك الشامل لأهم 100 مصطلح في عالم التسويق 
دليلك الشامل لأهم 100 مصطلح في عالم التسويق 

يعد علم التسويق الحصان الرابح فى عالم  الأعمال

كيفية الربح من الفيس بوك: أفضل 13 طريقة لتحقيق الربح من الفيسبوك
كيفية الربح من الفيس بوك: أفضل 13 طريقة لتحقيق الربح من الفيسبوك

  يٌعد الفيس بوك أكبر منصة للتواصل الاجتماعي فيبلغ

تعريف SWOT analysis
تعريف SWOT analysis

ما هو تحليل سوت أو الـ swot analysis تعريف تحليل سوت أو الـ

شغل دماغك تعمل بيزنس
شغل دماغك تعمل بيزنس

لو كان لديك قوة ملاحظة تستطيع بها أن تلاحظ الفرص