920033973
16342
article

كيف تدير بيزنس وقت الأزمات ؟؟؟ ج6

December 28, 2016    

قصص نجاح عن الاستثمار في وقت الازمات

- ليا صديق كان يجهز لمشروعه اللي هو سلسلة محلات أكل رجيم وعمل افتتاح صغير كده في يناير 2011 .... طبعاً كلنا عارفين الثورة حصلت واضطر إنه يقفل المكان لحد مارجع تاني يفتحه في مارس 2011 عارفين توقيت الفتح عامل إزاي ؟؟ الوقت ده كان ليه الناس بتنزل لجان شعبية وبعد كده ربنا أكرمه في الخمس سنين اللي بعد كده وحقق نجاح محترم جداً وبيفتح فرع جديد كل سنة والفرع الأول الصغير استبدله بمحل كبير يليق بسمعة المكان دلوقتي المكان ده اسمه Diet House

- صديق آخر فتح من 4 شهور محل اسمه ( Koftagy - كفتجي ) وبرضه بالرغم من إن كل الناس بتشتكي من السوق والواقع والإقتصاد هو ربنا أكرمه وبيعمل محل تاني مساحته أكبر 6 مرات من المحل الأول وفي منطقة أفضل رغم شكاوي كل الناس ومحاولتهم الإنسحاب.

- أحد التوكيلات التجارية للملابس التركية فتح خلال ال 5 سنين اللي فاتوا 14 فرع آخرهم شهر نوفمبر الماضي ولا خاف من أزمة دولار ولا إقتصاد ولا أي حاجه علشان عارف هو هيكسب إزاي في مصر.

- أحد أصدقاء صفحة إعمل بيزنس لما تابع الصفحة معانا واحنا من سنتين كنا بننصح الناس بالتصدير ورغم نجاح شغله التجاري بدأ يعمل مصنع لملابس الأطفال من سنه اسمه Colors for Kids Wear  وقدر خلال سنة واحدة يحقق أرباح عالية عن طريق إنه يدخل التصميمات العالمية بتقفيل أفضل من المستورد وناس كتير جداً فكرته مصنع أجنبي وهو مصري 100% وقدر يفرض نفسه وسط المصانع الكبيرة ودلوقتي بيجهز مصنع لانتاج المواد الخام يخدم المصنع الحالي وهنعرض تجربته بالتفصيل بعد كده.

- فيه ألاف من قصص النجاح دي حصلت في مصر آخر 5 سنين رغم الظروف السيئة والإقتصاد الغير مستقر لأن أصحابها لم يستسلموا لليأس ولا أخدوا الظروف كحجة للفشل لكن وقفوا وتحدوا الظروف ونجحوا وكسبوا وتوسعوا كمان

- أنا مقتنع تماماً إن الإقتصاد العام للدولة له تأثير على المشروعات الخاصة لكن في النهاية تأثيره محدود وكل ما كان صاحب أي منشأة بيجتهد وبيشتغل ويعمل اللي عليه ويجدد وعنده مرونة وقدرة على المناورة هينجح تحت أي ظروف ويتخطى أي عوائق ومقتنع كمان إن مصر بالرغم كل اللي بيحصل فيها زيها زي أي اقتصاد ناشئ فرص النجاح فيها عالية ونسبة الربح كمان فيها عالية جداً بالمقارنة بالأسواق المستقرة وعادي إنك تلاقي حد بيفتح في أمريكا ويفشل (80% من المشاريع الصغيرة والمتوسطة في أمريكا بتقفل خلال 18 شهر ) وتلاقي حد بيفتح في مصر وينجح

- كل المشاريع اللي نجحت في مصر وقت الأزمات بيبقى الرابط بينهم هو دراسة إحتياجات السوق بشكل متميز وإنتاج منتج مميز لتلبية إحتياجاته مع الإهتمام بالعميل وسرعة تعديل المنتج وخدمة ما بعد البيع .

- في النهاية النجاح مرتبط بالاجتهاد والسعي والتجديد وربنا يكافئ المجتهد دايماً ويوفقه وعلشان كده هنبدأ من بكرة ننشر سلسلة إدارة البزنس وقت الأزمات علشان نعرف إيه هي مميزات السوق وقت الأزمة وإيه هي عيوبه وإزاي نكبر وننجح وقت الأزمة وربنا يوفق كل مجتهد

 


مقالات مشابهة

المزيد
تسريح الموظفين: كيف تنهى العمل بأقل خسائر ممكنة لجميع الأطراف؟
تسريح الموظفين: كيف تنهى العمل بأقل خسائر ممكنة لجميع الأطراف؟

عملية فصل الموظف تكون قاسية بالرغم من كونها خطوة

كيف تتعامل الشركات الاحترافية مع الأزمات الإعلامية؟ 
كيف تتعامل الشركات الاحترافية مع الأزمات الإعلامية؟ 

تعد الأزمات الإعلامية ولاسيما المثارة على وسائط

تصفية الشركات: 7 استراتيجيات عليك بها لتصفية مشروعك باحترافية
تصفية الشركات: 7 استراتيجيات عليك بها لتصفية مشروعك باحترافية

  لا تأتى الرياح بما تشتهى السفن دائمًا، وسواء

تعلم فن التعامل مع المشكلات الادارية: 11 نصيحة احترافية مجربة
تعلم فن التعامل مع المشكلات الادارية: 11 نصيحة احترافية مجربة

لا تخلو الشركات-حتى الاحترافي منها-من وجود مشكلات

الأكثر قراءة

المزيد
إستراتيجية حل المشكلات وإتخاذ القرارات
إستراتيجية حل المشكلات وإتخاذ القرارات

من الطبيعي أن نتعرض خلال يومنا إلى لأكثر من مشكلة

كيف تدير بيزنس وقت الأزمات ؟؟؟ ج1
كيف تدير بيزنس وقت الأزمات ؟؟؟ ج1

كيفية إدارة البيزنس وقت الأزماتالأزمات التى أصبحت

كيف تدير بيزنس وقت الأزمات ؟؟؟ ج2
كيف تدير بيزنس وقت الأزمات ؟؟؟ ج2

كيف تدير البيزنس في أوقات الازماتسوف نستكمل اليوم

كيف تدير بيزنس وقت الأزمات ؟؟؟ ج4
كيف تدير بيزنس وقت الأزمات ؟؟؟ ج4

الاستثمار وقت الازماتفي عام 2008 في أحد اللقاءات مع شركة

كيف تدير بيزنس وقت الأزمات ؟؟؟ ج3
كيف تدير بيزنس وقت الأزمات ؟؟؟ ج3

كيف تدير بيزنس وقت الازماتاتكلمنا في المقالات

كيف تدير بيزنس وقت الأزمات ؟؟؟ ج6
كيف تدير بيزنس وقت الأزمات ؟؟؟ ج6

قصص نجاح عن الاستثمار في وقت الازمات - ليا صديق كان

كيف تدير بيزنس وقت الأزمات ؟؟؟ ج5
كيف تدير بيزنس وقت الأزمات ؟؟؟ ج5

الاستثمار وقت الازمات هنتحدث اليوم عن المكاسب التى

كيفية استغلال الأزمات لصالح الشركات؟ 5 دراسات حالة ناجحة
كيفية استغلال الأزمات لصالح الشركات؟ 5 دراسات حالة ناجحة

نظرة خاطفة إلى الأوضاع المالية للشركات في الفترة

الهندرة ودورها في تحسين الأداء الوظيفي
الهندرة ودورها في تحسين الأداء الوظيفي

عندما تواجه الشركات عقبات فيما يتعلق بتحقيق أهدافها،