920033973
16342
article

كيف تدير رئيسك في العمل؟

September 02, 2019    

بالنسبة لناس كتير ممكن تبقى فكرة " كيف تدير مديرك" أو "تدير رئيسك في العمل"، فكرة مريبة أو غير مقبولة، لأنه من غير المعتاد عندنا إدارة العلاقات في العمل من أسفل الهرم لأعلاه، بمعنى أن البديهي عند أغلب الناس إن المدير هو القائد إلي بيدير الفريق، وممكن برضه نلاقي ناس تفهم المصطلح ده بإنك تتملق مديرك، أو بالبلدي كده "تطبله"، بس برضه مش ده المعنى المقصود.

كيف تدير مديرك في العمل؟

اللي نقصده بسؤال " كيف تدير مديرك" إنك تكون واعي لطريقة التعامل الصح مع مديرك في بيئة العمل، عشان توصل لأفضل النتائج في مستوى بناء العلاقة، وفي شغلك، وطبعا أفضل النتايج بالنسبة للشركة إلي بتشتغل فيها.

دلوقتي خليني بقى أقولك على آليات لو نفذتها هتقدر إنك "تدير مديرك" بنجاح:

أفضل 8 استراتيجيات لإدارة مديريك بنجاح

استرايتيجية بناء علاقة ودية مع مديريك مش سهلة، وخصوصًا لو كان مديرك طباعه صعبة أو ما بيحب يبنى حواجز بينه وبين موظفيه، لكنها في نفس الوقت مش مستحيلة وده في حالة لو اتعلمت امتى وازاي تدير مديرك بكفاءة كالآتي:

1. افهم مديرك:

عشان تقدر تدير مديرك لازم تفهمه كويس، يعني تتعرف على أهدافه وتقّدرها، تتفهم كويس كم الضغوط إلي بيتعرضلها في الشغل، ونقاط قوته وضعفه.. إلخ، لازم تتخلى عن فكرة إن مديرك ده شخص كامل، أو منصب مجرد من أي إحساس إنساني زي القلق أو التوتر. من غير المعلومات ،ديه مديرك هيبقى زي الكتاب المقفول، وهتلاقي صدامات كتير وسوء تفاهم بيحصل بينكوا كل شوية وبالتالي عمرك ما هتعرف تجاوب على سؤال كيف تدير مديرك صح، بل بالعكس هتظهر اسئلة جديدة تانية زي ليه المدير بيتعامل معايا كدة؟ واسيب الشغل ولا لا ؟ وهل أنا كفوء أصلا للوظيفة ولا؟

 

2. افهم نفسك:

العلاقة بينك وبين مديرك فيها طرفين، عشان كده بعد ماتفهم مديرك كويس، لازم تفهم نفسك، تفهم أهدافك واحتياجاتك، ونقط قوتك وضعفك، وإيه إلي بتحاجه عشان تحس بالتحفيز وتجتهد في شغلك أكتر..إلخ.

حدد طريقة التعامل بينك وبين مديرك: بعد ماتفهم نفسك وتفهم مديرك كويس، هتقدر تحدد الطريقة الأفضل للتعامل بينكوا، وهتعرف تحدد أسلوب التواصل المثالي وتوقيت التواصل الأفضل، عشان توصل لأفضل النتائج في الشغل و تعرف تدير مديرك صح.

 

  1. اعترف بفضل مديرك:

ونأكد تاني.. مش بنقول تنافق مديرك أو تمجده على حاجات مش بيعملها، لكن مش عيب أبدا لما مديرك يعلمك مهارات جديدة في الشغل، ويساعدك تطور نفسك، إنك تعترف بده وتشكره.

 

  1. عبر عن شكوتك بطريقة إيجابية:

ممكن قوي يكون عندك مخاوف أو شكوى وتكون صاحب حق، بس طريقتك في التعبير مش بس تضيع حقك، لأ كمان تخلي العلاقة بينك وبين مديرك متوترة.

يعني مثلا لو نتيجة أي اجتماع في الشركة مش بتوصل ومش بيعرفها كل الموظفين، وبالتالي ناس بتشتغل وتطور شغلها حسب المطلوب وناس تانية لأ.. ممكن قوي تطلب من مديرك اجتماع فردي، وتقترح عليه:

إيه رأيك نوزع توصيات أي اجتماع على كل الموظفين، عشان نرفع إنتاجية القسم كله؟

وده هيبقى أفضل من إنك تشتكي وتتخانق عشان مش بتعرف نتيجة وتوصيات أي اجتماع، لو تبنيت الطريقة الإيجابية في التعبير عن مطالبك، هتفرق كتير قوي في علاقتك بمديرك.

 

  1. وضح أي سوء تفاهم أول بأول:

لو مديرك مش واضح عنده شغلك ومجهودك، أو فاهم إن حد بيعمل معاك شغلك وإنه مش مجهودك لوحدك، أو فيه إنجازات بتعملها إنت ومديرك مش واخد باله منها، وبالتالي واخد عنك فكرة إنك مش مجتهد.

لازم أول ماتلاحظ كده تقعد مع مديرك أول بأول، وتوضح أي سوء فهم، عشان الصورة تبقى واضحة عند مديرك وماتبقاش العلاقة بينكوا متوترة، أو فيها أي سوء فهم.

 

  1. تجنب التواصل مع مديرك في لحظات الغضب:

وإنت منفعل أو متضايق أكيد مش هتقدر تعبر عن أفكارك كويس، وبالتالي هتوصل معنى خاطئ، وكمان ممكن تتجاوز حدود الاحترام لمديرك، حتى لو حاسس إنك مظلوم في حاجة، استنى لما تكون هادي وبعدين اقعد اتكلم.

ونفس القصة برضه لو لقيت مديرك غاضب أو منفعل، تجنب تماما إنك تقعد تكلمه أو تناقشه.

 

7. روح لمديرك بحل للمشكلة:

لو بتواجهك مشكلة ماتجريش على مديرك وتصدرله المشكلة، روح واتناقش معاه وإنت معاك على الأقل حل واحد لمواجهة المشكلة ديه.

 

  1. تحّمل المسئولية:

أكيد مديرك هيتعامل أكتر بطريقة كويسة وبتقدير مع الموظف إلي بيشيل المسئولية، الموظف إلي يقدر يعتمد عليه و هو متطمن، عشان كده خليك فرد مسئول في فريق العمل، وهتلاحظ تحسن كبير في علاقتك بمديرك.


الخاتمة

في النهاية خليك عارف إن مديرك ده بني آدم طبيعي، عنده ضغوط وتحديات بتواجهه، هو مش منصب مجرد، وتحسين علاقتك بمديرك مسئوليتك إنت مش مسئولية أي حد تاني، وأي مدير طبيعي ومنصف لو اتعاملت معاه بالآليات إلي قلناها في البوست، هتلاقي علاقتك بيه بقت أحسن ما يكون.

عشان كدة لازم تعريف إن سؤال كيف تدير مديرك أوكيف تدير رئيسك في العمل إجابته بيتحملها أنت ومديرك، فأنت من ناحية ملزم بتقريب المسافات وإزالة الحاجز بينكم، وهو من الناحية التانية ملزم باستيعابك وتقدير مهاراتك وتطويرها؛ وبالرغم من أن الصورة دي تبدو مثالية زيادة عن اللزوم للبعض، إلا أن يمكن تحقيقها بالتدريب والتعلم المستمر عن مهارات التواصل الفعال وكمان طرق الإدارة الذكية.

تقدر تعرف أكثر عن كورسات المهارات الشخصية التى بتقدمها منصة أكاديمية إعمل بيزنس من خلال زيارة القسم المخصص لذلك، وتقدر كمان تتطلع على تشكيلة ضخمة من الدورات التعليمية المحترفة في مجالات مختلفة كالإدارة وريادة الأعمال والمحاسبة والاقتصاد وغيرها.

 

خصم 50% عند الإشتراك في أكاديمية إعمل بيزنس


مقالات مشابهة

المزيد
كيف يتم تحديد رواتب الموظفين؟ 7 معايير انتبه لها
كيف يتم تحديد رواتب الموظفين؟ 7 معايير انتبه لها

كثيرًا ما تجد سؤال كيف أحدد راتبي هو السؤال الأكثر

شروط الحصول على الـ MBA: المهارات الشخصية والعملية لرواد الأعمال
شروط الحصول على الـ MBA: المهارات الشخصية والعملية لرواد الأعمال

يعد ماجستير إدارة الأعمال Master of Business Administration أهم

ما الفرق بين الـ MBA والـ EMBA مجالات التخصص، المميزات، وعلى أى أساس تختار؟
ما الفرق بين الـ MBA والـ EMBA مجالات التخصص، المميزات، وعلى أى أساس تختار؟

الـ MBA  والـEMBA، إذا كانت هذه المرة الأولى لك فى رؤية

دليلك لإدارة المخزون: 13 نوع للجرد و17 استراتيجية فعالة فيها
دليلك لإدارة المخزون: 13 نوع للجرد و17 استراتيجية فعالة فيها

يكابد رجال المبيعات في إقناع العملاء بالصفقات البيعية

الأكثر قراءة

المزيد
لغة الجسد: مفهومها وأهميتها وكيفية قراءتها؟  
لغة الجسد: مفهومها وأهميتها وكيفية قراءتها؟  

هل تعرف لماذا يهوى الجميع المسلسلات البوليسية

أخلاقيات العمل المهني: مفهومها أهم المبادئ الحاكمة لها
أخلاقيات العمل المهني: مفهومها أهم المبادئ الحاكمة لها

العمل ضمن وظيفة معينة لا يتعلق بعدد الساعات أو المهام

4 أنماط للقيادة الإدارية بين المزايا والعيوب
4 أنماط للقيادة الإدارية بين المزايا والعيوب

يصف بعض الأشخاص القيادة على أنها القدرة على جعل شخص

كيف تنجح في إدارة مطعمك: 9 استراتيجيات إحترافية لتتفوق على المنافسين 
كيف تنجح في إدارة مطعمك: 9 استراتيجيات إحترافية لتتفوق على المنافسين 

في ظل موجة انتشار المطاعم مؤخرًا، تكونت لدى الجمهور

الفلوس أهم ولا الخبرة
الفلوس أهم ولا الخبرة

  في أحد المقابلات لتعيين محاسب جديد لقيت اللي جاي

السلوك التنظيمي في إدارة المؤسسات: المفهوم والمبادئ والأهمية
السلوك التنظيمي في إدارة المؤسسات: المفهوم والمبادئ والأهمية

تهتم إدارات الشركات المحترفة بالسلوك التنظيمي

كيف تدير مديرك؟ تعلم 11 استراتيجية ناجحة لتدير مديرك بنجاح 
كيف تدير مديرك؟ تعلم 11 استراتيجية ناجحة لتدير مديرك بنجاح 

سواء أحببنا الأمر لا، فإن المديرين عادة ما يتحكمون في

مشاكل عملية تقييم الأداء: أشهر 9 أخطاء وكيفية علاجها؟
مشاكل عملية تقييم الأداء: أشهر 9 أخطاء وكيفية علاجها؟

تعد مشاكل عملية تقييم الأداء واحدة من أهم المشاكل التي

أهمية إدارة العلاقات العامة وتأثيرها في المؤسسات
أهمية إدارة العلاقات العامة وتأثيرها في المؤسسات

يعد نشاط الـ PR  أو ما يعرف عربيًا بالعلاقات العامة