920033973
16342
article

ليه التسويق بالبريد الإلكتروني مهم؟

April 01, 2019    

 

أكتر كلمة بنسمعها هى " التسويق " أو إزاي اعمل تسويق للبيزنس بتاعي ؟ وعلشان كده قررنا نتكلم عن الموضوع ده بشكل موسع في الأيام الجاية. 

 وهنبدأ بالتعريف " يعنى ايه تسويق " ؟

فى أكتر من تعريف لمعنى التسويق لكن التعريف المرتبط بالسوق والحياة العملية هو " المنتج المناسب بالسعر المناسب فى المكان المناسب فى الوقت المناسب "

 

التسويق بيتقسم لجزئين رئيسين

1- التسويق التقليدي أو الـ Offline Marketing 
 
2- التسويق الإلكترونى أو " الـ Digital Marketing
 

وكل نوع فيهم بيندرج تحته أنواع كتير جداَ لكن النهاردة هنتكلم عن التسويق عبر البريد الإلكتروني أو الـ Email Marketing

يعتبر التسويق عبر البريد الإلكتروني أو الـ " Email Marketing " من أهم أنواع التسويق واللى للأسف شركات كتير جداَ بتغفل عنه على الرغم إن أكثر من 34٪ من سكان العالم بيستخدموا البريد الإلكتروني، يعني حوالي 2.5 مليار شخص، ومن المتوقع أن العدد يزيد إلى 2.8 مليار خلال السنين اللى جاية.

ومن مميزات إستخدام التسويق عبر البريد الإلكتروني أو الـ " Email Marketing " انه من أسهل الطرق إللي بتساعدك توصل للعملاء المستهدفين، لإنك بتقدر تبعته لمجموعة من المهتمين بمنتجك أو خدمتك فعلياَ.

 

كيفية الإستفادة من إستخدام التسويق عبر البريد الإلكتروني أو الـ Email Marketing في البيزنس ؟!
 

1- التسويق بالبريد الإلكتروني أكثر فعالية من التسويق عبر التواصل الإجتماعي.

 لإن العميل بياخد قرار أسرع بعد معرفته بكل التفاصيل الخاصة بمنتجك ده غير إن الـ Conversion Rate بيكون أعلى واللى يأكد كلامنا ان في أكتر من دراسة بتقول البريد الإلكترونى هو أنسب وسيلة تسويق فى حالة رغبتنا فى تحويل العميل العادي إلي عميل مستهدف وفى سنة 2013 توصلت دراسة أجرتها Custora لإن إكتساب العملاء من خلال التسويق بالبريد الإلكتروني تضاعف فى الفترة من 2009 لـ 2013.

 

2 -إقتصادي من حيث التكلفة.

يعتبر التسويق من خلال البريد الإلكتروني من أرخص أنواع التسويق من حيث التكلفة وأسهلها في التنفيذ مقارنة بأنواع الحملات التانية زي إعلانات على التلفزيون أو الراديو، وعلشان كده التسويق بالبريد الإلكتروني مناسب جداً لأصحاب المشاريع الصغيرة إللي ما يقدروش يصرفوا مبالغ هائلة في عملية التسويق.

 

3- السهولة في معرفة نتائج الحملات الإعلانية.

لإنك بتقدر تعرف إيه هي نتيجة الـ campaign إللي عملتها بكل سهولة وكمان تعرف كل أكشن بيعمله العميل، وده بيساعدك تعرف هل الـ campaign دي ناجحة ولا محتاجة تعديل.

 

4- زيادة المبيعات.

فى كتير من الإحصائيات الخاصة بالتسويق من خلال البريد الإلكترونى والمبيعات لكن أهمهم هو دراسة الحالة اللى عملتها Campaign Monitor: والدراسة دى بتقول إن كل دولار بيتصرف على التسويق بالبريد الإلكتروني، العائد منه بيكون حوالي 38$ وده طبعاً هيساعد على زيادة المبيعات.

 

5- إرسال الرسائل تلقائيًا إلى المستهلكين بعد اتخاذ إجراء محدد.

من الميزات إللي موجودة في التسويق بالبريد الإلكتروني انك بتقدر تبعت رسائل تلقائياً بعد ما العملاء يخدوا أكشن معين، مثلاً لو عندك ويب سايت والعميل دخل ضاف كذا منتج في cart وبعد ال أكشن ده وقف وماكملش العملية ، تقدر تبعتله مسدج وتنبه إنه ماستكملش العملية، وتستفسر عن سبب عدم إكتماله للعملية وبتعرض عليه إنه لو محتاج مساعدة يقدر يتواصل معاك وده بيساعد في بناء علاقة قوية مع عملائك وإجراء عملية البيع بسهولة.

التسويق بالبريد الإلكتروني فوايده لا تعد ولا تحصى ومهم جداً لأي شركة سواء كانت كبيرة أو صغيرة ده غير انه من أسهل أنواع التسويق ولكن لازم تاخد بالك من إختياراتك وانت بتفذ أى حملة إعلانية جديدة علشان توصل للعملاء الصح وما تتصنفش على انها Spam وده هيخليك تحقق نتايج ناجحة.


مقالات مشابهة

المزيد
كيف تصبح كاتب محتوى سيو seo محترف؟
كيف تصبح كاتب محتوى سيو seo محترف؟

  مطلوب كاتب محتوى متوافق مع محركات البحث.... مطلوب

كيف يستفيد تجار الجملة والتجزئة من تطبيق تيليجرام؟
كيف يستفيد تجار الجملة والتجزئة من تطبيق تيليجرام؟

يبلغ عدد المستخدمين النشطين لتطبيق تيليجرام Telegram

أفضل  كورسات السيو التي يحتاجها كل مبتدئ في المجال 
أفضل  كورسات السيو التي يحتاجها كل مبتدئ في المجال 

هل تساءلت يومًا ما الذي يجعل الموقع س يظهر كنتيجة أولى

كيف تستغل Canva في الدعاية لمشروعك الصغير: 7 نصائح فعالة
كيف تستغل Canva في الدعاية لمشروعك الصغير: 7 نصائح فعالة

هل نظرت يومًا إلى تصميم ما بإعجاب  وقلت لنفسك

الأكثر قراءة

المزيد
12 نصيحة للترويج لعيادة 
12 نصيحة للترويج لعيادة 

 التسويق للعيادات أمر صعب جدًا وخصوصًا لو ملكش أي

مشاكل التسويق وحلولها
مشاكل التسويق وحلولها

 تتعرض الشركات لكتير من المشاكل التسويقية العصيبة،

مفهوم تقسيم السوق
مفهوم تقسيم السوق

تقسيم السوق أو الـ Segmentation من أكثر المصطلحات الهامة

إزاي تعمل براند ؟ 1
إزاي تعمل براند ؟ 1

هنبتدي النهارده معاكم سلسلة مقالات بعنوان إزاي

إزاي تعمل خطة تسويقية في 7 خطوات!
إزاي تعمل خطة تسويقية في 7 خطوات!

أهمية الخطة التسويقية : كتير من أصحاب المشاريع - وخاصة

دليلك الشامل لأهم 100 مصطلح في عالم التسويق 
دليلك الشامل لأهم 100 مصطلح في عالم التسويق 

يعد علم التسويق الحصان الرابح فى عالم  الأعمال

كيفية الربح من الفيس بوك: أفضل 13 طريقة لتحقيق الربح من الفيسبوك
كيفية الربح من الفيس بوك: أفضل 13 طريقة لتحقيق الربح من الفيسبوك

  يٌعد الفيس بوك أكبر منصة للتواصل الاجتماعي فيبلغ

تعريف SWOT analysis
تعريف SWOT analysis

ما هو تحليل سوت أو الـ swot analysis تعريف تحليل سوت أو الـ

شغل دماغك تعمل بيزنس
شغل دماغك تعمل بيزنس

لو كان لديك قوة ملاحظة تستطيع بها أن تلاحظ الفرص