FB Instagram Twitter Youtube Linkedin ليه الـ SEO مهم للبيزنس ؟! | أكاديمية اعمل بيزنس
 
الرجوع الى المدونة

ليه الـ SEO مهم للبيزنس ؟!

ليه الـ SEO مهم للبيزنس ؟!

 

 
النهاردة هانتكلم عن ال SEO وقد إيه هي مهمة جداً لأي بيزنس، بس خلينا قبل ما نتكلم عن ال SEO نعرف يعني إيه SEO وإزاي العملية دي بتحصل؟!
 
الـ SEO نوع من أنواع الأونلاين ماركيتنج وهي اختصار لـ Search Engine Optimization أو "تحسين عملية الظهور من خلال محركات البحث" 
 
من خلال الـ SEO بتقدر تزوذ معدل الزيارات للموقع بتاعك بشكل مجاني، عن طريق إضافة بعض الـكلمات المفتاحية إللي بيستخدمها المستخدم في عملية البحث، الهدف من العملية دي إن أعمل تهيئة للموقع بتاعي علشان يظهر في النتائج الأولى لمحركات البحث زي جوجل وياهو وبينج.
 
إيه هي الفائدة من ظهور الويب سايت بتاعي في نتائج البحث الأولى؟!
 
1- زيادة معدل الزيارات للويب سايت.
 
ظهور موقعك أو الـمنتج إللي بتقدمه أو الخدمة في الصفحة الأولى من نتائج البحث هيساعدك في أن معدل الزيارات على موقعك يزيد، وبالتالي لما معدل الزيارات يزيد تلقائياً كده هتلاقي زيادة في المبيعات.
 
2- مصداقية البراند.
 
حوالي 98 % من المستخدمين بيخدوا قرار الشراء من المواقع إللي بتظهر في الصفحة رقم 1 من نتائج البحث إعتباراً أن المواقع دي موثوق فيها ومشهورة لإنها ظاهرة في نتائج البحث الأولى.
 
3- التكلفة زيرو!
 
بتقدر تعمل SEO لموقعك مجاناً من غير ما تدفع ولا مليم! ودي من أهم الميزات إللي بتميز ال SEO Marketing عن غيرها من أنواع الماركتنج التانية.
 
4- إنتشار أكتر لموقعك بين مستخدمين محركات البحث.
 
ظهورك في الصفحة الأولى لمحركات البحث هيساعدك في إن الناس تعرف البراند بتاعك، وعلشان كده بننصح أصحاب المشاريع الصغيرة إنها تعمل SEO علشان تتعرف بكل سهولة للمستخدمين وكمان مجاناَ.
 
5- ال SEO بتحقق مكاسب أكتر من الإعلانات المدفوعة.
 
الغالبية العظمى من المستخدمين مش بيضغطوا على الإعلانات المدفوعة إللي بتظهر في نتائج البحث، ولكن بيميلوا أكتر للمحتوى إللي بيظهر مجاناً، وعلشان كده الـ SEO بتحصل على عدد زيارات أكتر من المحتوى إللي معموله إعلان. 
 
في النهاية نحب نقول إن الـ SEO مهم جداً لأي شركة سواء كانت صغيرة أو كبيرة لإنك من غيرها إنت مش موجود، ولا العملاء شايفينك ولا شايفين انت بتقدم إيه ولا هاتظهرلهم على محركات البحث من الأساس، تخيل كده يكون العميل بيدور على منتج انت بتقدمه ومش شايفك ولا عارف يوصلك! 
 

شارك المقال :