920033973
16342
article

ماتحتفظش بالفكرة كلها لنفسك

May 07, 2018    

إزاي تأسس بيزنس وانت لسه طالب في الجامعة؟

النجاح مالوش سن، وبرضه إنك تقدر تشيل مسئولية بيزنس ده موضوع مالوش عمر محدد، الفكرة الأساسية إن يبقى عندك قوة إرادة وهدف إنك تعمل ده، وكمان إنك تتعلم إزاي تعمله صح.

نجاح البيزنس مش محتاج سنين خبرة طويلة، انت تقدر تبدأ وانت لسه طالب في الجامعة، وعشان كده هنتكلم النهارده في مجموعة من النصايح والإرشادات إلي تساعدك تنجح ي تأسيس مشروع ليك وانت لسه في الجامعة:

* تحقيق أكبر قدر من الاستفادة من قنوات الدعم في جامعتك:
دور على كل وأي قناة دعم موجودة في الجامعة بتاعتك، وحاول تستفيد منها قدر الإمكان، هتلاقي جامعات كتير بتقدم خدمات للطلبة والخريجين اللي بيعملوا بيزنس أو مشروعات صغيرة، وأشكال الدعم اللي هتلاقيها متعددة زي الدعم المادي، أو تقديم استشارات ونصائح في مجال الإدارة والبيزنس، أو دورات وكورسات تدريبية في مجال ريادة الأعمال.

مثال: زي حاضنة الأعمال الموجودة بكلية اقتصاد وعلوم سياسية بجامعة القاهرة، اللي بتقدم خدمات متنوعة للمشروعات الناشئة اللي بيعملها الشباب في الفئة العمرية من ١٨ إلى ٣٥ سنة، وده من خلال توفير 3 خدمات رئيسية: دورات التوعية، خدمه الحضانة، وتقديم استشارات في مجال الأعمال والمشروعات.

* شارك في أكبر عدد من اللجان والأنشطة والجمعيات على قد ما تقدر:
ده هيفتحلك طرق كتير لأفكار مشروعات ولأنك تلاقي تمويل للمشروعات ديه كمان، بس قبل تسجيل ملكيتك الخاصة اتأكد إنك عملت بحث كويس جدا عن التمويل المتاح ليك، لأنه بيحصل كتير إنك تبقى مسجل شركتك وورقك معاك، وبعدين ماتعرفش تاخد التمويل نتيجة أي ظروف طارئة ماكنتش عامل حسابها.

* خليك مرن ومستعد كمان تكون مستد إنك تقدم بعض التضحيات:
على سبيل المثال كتير من طلبة الجامعة بيصرفوا فلوسهم على الخروج أو رحلات الجامعة، لكن لو عايز تعمل البيزنس بتاعك وتبدأ وإنت لسه سنك صغير، فلوسك ديه لازم تصرفها بحرص وتدخر منها على قد ما تقدر.

* الإيمان المطلق بمبدأ "الوقت هو جوهر المسألة":
ممكن يكون فعلا صعب إننا نحقق قدر كبير من التركيز في مرحلة الجامعة، لأنها مرحلة طبيعتها هي التشتت والجري ورا أي حاجة مبهرة بتظهر قدامنا وقتها، عشان كده لازم في بداية المرحلة ديه نحط لنفسنا أهداف دقيقة ونحدد معاد نهائي لتنفيذ كل هدف منهم.

* استخدم موارد رخيصة قدر الإمكان:
إنت لسه بتبدأ حياتك ومشروعك، وكمان لسه بتدرس، فطبيعي إنه ماعندكش مصدر دخل كبير ومضمون، وبالتالي لازم توفر قد ما تقدر، وأهم حاجة في النقطة ديه إنك ما تصرفش كتير في الأول وتستخدم موارد رخيصة، ده هيساعدك جدا في التوفير.

مفيش أي مانع إنك تشوف شريك أو فريق يشتغل معاك، بس المهم هنا هو إنك تختار الشريك أو أعضاء التيم صح، عشان ما يبقوش ما سبب فشلك بعد كده.

* استغل مجتمع الجامعة في تنمية البيزنس بتاعك:
بعد ما تأسس البيزنس بتاعك، غالبا هتلاقي عملاء ليك في الجامعة، لأن أغلب أفكار شباب الجامعات في البيزنس بتيجي من رصد احتياجات الشباب اللي حواليك، كون علاقات وروج لمشروعك واكسب عملاء كتير من مجتمع الجامعة اللي إنت فيه.

النجاح مالوش سن، وأكيد كل ما تبدأ بدري بيبقى قدامك وقت أكتر تحاول فيه لحد ماتنجح، إبدأ وإنت لسه صغير وماتخافش، بس المهم إنك تبدأ صح 


مقالات مشابهة

المزيد
الاحتيال المالي .. ممكن يخسرك كتير
الاحتيال المالي .. ممكن يخسرك كتير

"سو ساشديفا" ده اسم نائبة المدير المالي واللي فضلت

فكرة مشروع .. ملاعب الترتان
فكرة مشروع .. ملاعب الترتان

ملاعب النجيل الصناعي والترتان هي واحدة من المشاريع

البيزنس والورد
البيزنس والورد

عزبة الأهالي هي قرية في القناطر الخيرية أغلبية السكان

حرب العصير .. كل نفسك قبل ما حد ياكلك
حرب العصير .. كل نفسك قبل ما حد ياكلك

جهينة: من الشركات المميزة اللي في الفترة الأخيرة قدرت

الأكثر قراءة

المزيد
إزاي استفيد من
إزاي استفيد من "فيسبوك ماركت بليس" marketplace؟

"فيس بوك ماركت بليس" "Facebook Marketplace".. فكرة عملت ضجة كبيرة

فرنشايز ولا مشروع خاص ؟
فرنشايز ولا مشروع خاص ؟

فكر قبل ما تبدأ البيزنس بتاعك وأنت بتبدأ البيزنس

أكتر 5 مهارات مطلوبة في سوق العمل بقوة
أكتر 5 مهارات مطلوبة في سوق العمل بقوة

  في أوقات كتير بنقعد نتريق على الأسئلة اللي بتتقال

كيف تستخدم الخرائط الذهنية لتنظيم وقتك وترتيب أولوياتك؟
كيف تستخدم الخرائط الذهنية لتنظيم وقتك وترتيب أولوياتك؟

في أوقات بتيجي علينا بنحس أن أحنا ورانا كمية شغل مفيش

إزاي تحدد شغفك؟
إزاي تحدد شغفك؟

ماهو الشغف"حب ما تعمل حتى تعمل ماتحب".. بنقول لنفسنا كده

5 طرق فعالة لـ
5 طرق فعالة لـ"حل الخلافات" في الشغل

على قد ما ناس كتير بتحلم توصل لمنصب القيادة -سواء إنك

شركات الشخص الواحد .. الفرص والمخاطر
شركات الشخص الواحد .. الفرص والمخاطر

يوم 24 ديسمبر 2017 أعلن البرلمان المصري موافقته على إنشاء

الأسئلة الخادعة في الـ interview
الأسئلة الخادعة في الـ interview

    أكيد عملت قبل كده إنترفيو وجالك سؤال في مظهرة

الدحيح .. بيبسط اللي ما يتبسطش
الدحيح .. بيبسط اللي ما يتبسطش

الدحيح أو أحمد الغندور .. قصة شاب مصري حقق نجاح في مجال