920033973
16342
article

مدير ممتاز.. بس قائد معتقدش!

May 01, 2019    

 

كتير مننا في الشغل بيقابل مديرين ممتازين جداً بس مش كل مدير متفوق ينفع يكون قائد قوي لان القيادة مختلفة تماماَ عن الإدارة وفى مجموعة من الصفات لازمتتوافر في المدير عشان يكون قائد محنك.. 
 
طيب إيه الفرق بين الإدارة والقيادة؟
 
طبعاً الادارة والقيادة مصطلحين متداخلين او فيهم من بعض كتير أو زى ما بنقول وجهين لعملة واحدة لكن الاختلافات الجوهرية اللى بينهم هى:
أولا: الادارة بشكل مبسط بتكون عملية تنظيم وتخطيط سواء للأفراد أو للشركة نفسها لتحقيق او الوصول لهدف محدد.
 
ثانيا: القيادة هي الهام وتحفيز الموظفين للخروج بأفضل نتائج ممكنة.
 
معنى كدة ان الادارة والقيادة وجهين لنفس الشىء بس القائد بيكون عامل مساعد ومحفز اكتر من المدير.. طيب إزاي اكون مدير و قائد في نفس الوقت؟؟
 
في بعض النقاط اللي ممكن اي مدير يتبعها عشان يطور من نفسه ويحاول يكون قائد قبل ان يكون مدير (القائد المدير) :
 
1- متحاولش ابداً انك تدور على مصلحتك الشخصية وركز على تطوير فريقك والبحث على مصلحة الفريق والمنظمة اللى بتشتغل فيها.
 
2- اوعى تتشدد لرأيك وتقول رأيي هو الصح لمجرد انك عندك نقص وعايز تبين للموظفين انك مدير جامد وانك لوحدك بس اللي تقدر تفكر ودماغك اعلى منهم كلهم لأ المفروض انك تسمع لاراء موظفيك وتشجعهم على التفكير والابتكار مع العمل على تعديل أو تصحيح افكارهم لو فيها مشكلة او محتاجه تصحيح.
 
3- (التطبيل) موضوع خطير جدا لان مفيش قائد بيطبل لرؤسائه او يمشي مع التيار عشان الدنيا تمشي زي مابيتقال بل بالعكس القائد لو شاف وجهة نظر رئيسه او صاحب المنظمه مش صح ممكن يعرض وجهة نظرة السليمة وده مش عيب او هيققل من الرئيس.. وعشان تقدر مدير وقائد اوعى تستخدم اسلوب التطبيل او السير مع الطيار ومش معنى كدة انك تتحدى روؤسائك ولكن بأسلوب القائد تقدر تقنعهم بوجهة نظرك.
 
4- معظم الناس في مصر بتقابل مديرين متشددين بطريقة صعبة وطبعاً اسلوب التشدد واجبار فريق العمل على وجهة نظر معينة مش من اساليب القائد.. من الوارد اني الاقي وجهة نظر غلط من فريق العمل وهنا بيجي دور القائد بإقناع فريق العمل على احترام وجهة نظره.
 
5- القائد دايماً بيركز على الاهداف اللي هيوصل ليها هو والفريق بتاعة مش كدة وبس كمان بيحاول يطور من نفسه وفريقه.
 
6- من مميزات القائد انه مش بيحسسك انه مديرك ومش بيحاول يعمل اي نوع من الضغط عليك في الشغل بل بيساعدك ودايماً في ضهرك وبيحفزك ودايماً بتحس انه بيشجعك ومصلحتك تهمه.
 
7- دايماً بيواجهه الضغوط واي ظروف صعبة بتمر بيها الشركة وعمره ما بيستسلم تحت أي ظروف وتلاقيه دايماً بيعافر.
 
في النهاية نحب نوضح ان اي شركة بتحتاج لصفات القائد عشان تعلى وترتقي واي موظف بيروح اي شركة بيكون مستني قائد بجد يعرف يطلع الموهبه اللي جواه.
 
لو أنت مدير وشايف انك محتاج تشتغل على نفسك وتطور بنرشحلك مجموعة من الكورسات والكتب المهمة المتاحة من خلال أكاديمية إعمل بيزنس اللى هتفيده وتخليه يقدر يكون المدير الناجح.
 


مقالات مشابهة

المزيد
القيادة بالحب!
القيادة بالحب!

  أول ما بتيجي سيرة الشغل بنفكر في التارجت وديدلاين

إزاي تكون مدير مبيعات ناجح في 6 خطوات!
إزاي تكون مدير مبيعات ناجح في 6 خطوات!

في فرق كبير بين كونك شخص ناجح في شغلك وبتعرف تشتغل كويس

عبدالغفور البرعى.. رائد أعمال بالفطرة
عبدالغفور البرعى.. رائد أعمال بالفطرة

  كل الأسر المصرية بلا إستثناء إتفرجت علي المسلسل

إزاي تبقى قائد فاشل ؟؟!!
إزاي تبقى قائد فاشل ؟؟!!

    للأسف بنلاقي كتير من أصحاب المشاريع بيكون

الأكثر قراءة

المزيد
صفات المدير الناجح ج1
صفات المدير الناجح ج1

ما هي أهم صفات المدير الناجح ؟ من أهم صفات المدير

صفات المدير الناجح ج4
صفات المدير الناجح ج4

من أهم صفات المدير الناجح 7- تعيين الكفاءات مهارة

صفات المدير الناجح ج2
صفات المدير الناجح ج2

من صفات المدير الناجح 3- العدل من أهم الصفات التي يجب

صفات المدير الناجح ج3
صفات المدير الناجح ج3

من أهم صفات المدير الناجح   5- الذكاء الاجتماعي من

كيفية التعامل مع الموظف العنيد
كيفية التعامل مع الموظف العنيد

إزاي تتعامل مع الموظف بتاعك اللي مش قادر يتقبل أي

إزاي تكون مدير مبيعات ناجح في 6 خطوات!
إزاي تكون مدير مبيعات ناجح في 6 خطوات!

في فرق كبير بين كونك شخص ناجح في شغلك وبتعرف تشتغل كويس

الموظف المتميز.. أحيانا ما ينفعش يبقى مدير!!
الموظف المتميز.. أحيانا ما ينفعش يبقى مدير!!

بتبدأ حياتك المهنية من منصب صغير في الشركة إلي بتشتغل

فهيم افندى..
فهيم افندى.. "الرجل الثاني"

    النهاردة هنتكلم عن شخصية تانية من شخصيات

عبدالغفور البرعى.. رائد أعمال بالفطرة
عبدالغفور البرعى.. رائد أعمال بالفطرة

  كل الأسر المصرية بلا إستثناء إتفرجت علي المسلسل