FB Instagram Twitter Youtube Linkedin المعلم سردينة.. مدير ناجح بالفطرة! | أكاديمية اعمل بيزنس
 
الرجوع الى المدونة

المعلم سردينة.. مدير ناجح بالفطرة!

المعلم سردينة.. مدير ناجح بالفطرة!

 

كل الأسر المصرية بلا إستثناء إتفرجت علي المسلسل المصري الشهير "لن أعيش في حلباب أبى'' 
كتير من اللي بيتفرجوا كانو بيعتبروه مسلسل عادي لكن كل المهتمين بالبيزنس قدروا يشوفوا فيه قصة نجاح ملهمة لعبدالغفور البرعي وده هنتلكم عنه في بوستات كتيرة الفترة اللي جاية. لكن النهاردة إحنا قررنا نتلكم عن شخصية تانية ملهمة وهي المعلم سردينة صاحب الوكالة اللي إشتغل فيها عبد الغفورأو الـ Business Owner بالنسبالنا في عالم البيزنس. 
 
المعلم سردينة في رأيي هو المدير الناجح بالفطرة واللي عنده كل مهارات القيادة الناجحة من غير ما يتعلمها في مدرسة أو جامعة، ليه المعلم سردينة مدير ناجح أو Business Owner ناجح؟ الإجابة هنحاول نشرحها ونلخصها في النقط اللي جاية.
 
1- روح القيادة أو الـ Leaders Skills ودي كانت واضحة جداً في متابعته لكل كبيرة وصغيرة في الوكالة ومعرفته لكل اللى بيحصل حواليه دايما علشان يقدر ياخد قرارات صح.
 
2- الحكمة، ودى كانت بتبقي واضحة في أغلب قرارته لإنه بيتأنى دايماَ في إتخاذ القرار و بيهتم إنه يعرف ويشوف بعينه علشان حكمه دايماَ يبقي صح زى قرار بالتخلي عن "المعلم مرسى" بعد ما بقى متأكد إنه فعلا سبب أغلب المشاكل اللى بتحصل بسبب رفضه إن عبد الغفور يكمل في الوكالة. 
 
3- بيعلم الموظفين اللى معاه دايماً وينقلهم خبرته، وده شوفناه وهو بيعلم عبدالغفور إزاى يشتغل وإزاى يعرف قيمة كل حاجة بيبعها و إزاى يكبر وياخد الخطوات المناسبة في الوقت المناسب من غير أى تسرع. 
 
4- العلاقات الطيبة مع الموظفين، ودى من المميزات اللى بتخلي الموظفين تقدر كل مدير أو Business Owner وده كنا بنشوفه في نصايحه المستمرة لعبدالغفور في حياته الشخصية وكمان طلبه إنه يتعلم من غلطاته وخبرته في الدنيا. 
 
5- سعادته بتطور مستوى الموظفين، ودى صفة مهمة لكل مدير ناجح إنه يشجع ويطور طموح الموظفين ويكون مبسوط وهما بيكبروا وده شوفناه وقت ما طلب منه عبدالغفور إنه يسيب الوكالة بسبب إنه عايز يبقي صاحب Businessخاص بيه. 
 
دى أبرز النقط اللي بتميز المدير الناجح طبعا مع وجود موظف حابب دايماَ يتعلم ويتغير ويبقي أحسن، يلا إعملو مينشن لكل مديرناجح إتعاملتوا معاه في حياتكم وإشكروه إنه كان سبب من أسباب نجاحكم.
 
ولو اى حد شايف إنه مش مدير ناجح ومحتاج يشتغل أكتر علي نفسه بنرشحله مجموعة من الكورسات والكتب المهمة المتاحة من خلال أكاديمية إعمل بيزنس اللى هتفيده وتخليه يقدر يكون المدير الناجح.
 
1- ندوة المدير الناجح الجزء الأول https://bit.ly/2AwP0Wi 
2- ندوة المدير الناجح الجزء التانى https://bit.ly/2LRwJYt
3- كورس مهارات القيادة https://bit.ly/2OGnTvc
4- كورس الإدارة الإستراتيجية https://bit.ly/2O4qgqh 
5- كتاب إبدأ بـلماذا كيف يُلهم القادة العظماء الناس للعملhttps://bit.ly/2n5csAq 
 

شارك المقال :